Exodo 16:12 - Ti Biblia (1973)

¹² Nangngegcon dagiti dandanengdeng dagiti annac ti Israel: ibagam cadacuada, a cunam, Iti rumabii mangancayonto iti lasag, ket iti bumigat agrenneccayonto iti tinapay; ket ammoenyonto a siac ni Jehova a Diosyo.

Ti Baro a Naimbag a Damag Biblia

¹² “Nangngegko ti reklamo dagiti Israelita. Ibagam kadakuada, nga iti sumipnget, addanto karne a sidada, ket iti agsapa, agum-umadanto a mangan iti tinapay. Iti kasta, maammoandanto a siak ni Yahweh a Diosda.”

Exodo 16:12 Iomraidhean Croise

1 Ar-ari 20:28

Ket maysa a lalaki ti Dios immasideg ket nagsao iti ari ti Israel, ket kinunana, Castoy ti cuna ni Jehova, Agsipud ta dagiti Sirios kinunada, Ni Jehova isu ti maysa a dios dagiti turturod, ngem saan a maysa a dios dagiti tanap; gapuna a siac yawatconto amin daytoy umariwecwec iti imam, ket dacayo maammoanyonto a siac ni Jehova.

Dagiti Salmo 105:40

Nagdawatda, ket nangyeg cadagiti tuctucling, ket pinennecna ida iti tinapay ti langit.

Exodo 12:6

Ket aywananyonto agingga iti maicasangapulo ket uppat nga aldaw iti dayta met laeng a bulan; ket isu partiento ti amin a gimong ti Israel, iti rabii.

Exodo 16:11

Ket ni Jehova nakisao ken Moises, a cunana,

Exodo 4:5

Tapno patienda a ni Jehova a Dios dagiti ammada, ti Dios ni Abraham, ti Dios ni Isaac, ken Dios ni Jacob, nagparang kenca.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Exodo 7:17

Castoy ti sinao ni Jehova, Daytoyto ti pangilasinam a siac ni Jehova: adtoy, cabilecto dagiti dandanum nga addada iti carayan, iti sarucod nga adda iti imac, ket agbalindanto a dara.

Jeremias 31:24

Ket ti Juda ken castamet amin nga il-ilina agnaeddanto sadiay, dagiti mannalon ken dagidiay cumuyog cadagiti arban.

Ezekiel 34:30

Ket mabigbigdanto a siac, ni Jehova a Diosda, addaac cadacuada, ket isuda, ti balay ti Israel, isuda ti ilic, cuna ni Apo Jehova.

Ezekiel 35:13

Ket pinadackelyo ti bagiyo met laeng a maibusor caniac babaen ti ngiwatyo, ket pinaaduyo dagiti sasaoyo a maicaniwas caniac: isu nangngegco.

Ezekiel 39:22

Iti casta ti balay ti Israel mabigbigdanto a siac ni Jehova a Diosda, manipud iti dayta nga aldaw ken iti casacbayan.

Joel 3:17

Iti casta mabigbigyonto a siac ni Jehova a Diosyo a sitataeng idiay Sion a nasantoan a bantayco: calpasanna ti Jerusalem nasantoanton ket awanton dagiti gangannaet a lumasat kencuana.

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Zacarias 13:9

Ket yegconto ti maicatlo a capaset iti apuy, ket guguracto ida a cas iti pirac a maguguran, ket guguracto ida a cas iti balitoc a maisudi. Isuda awagandanto ti naganco, ket ipangagconto ida: cunaecto, Isu ti ilic; ket isuda cunaendanto, Ni Jehova ti Diosco.

Numero 11:4

Ket ti caaduan nga adda idi cadacuada naggartemda unay iti napalalo: ket dagiti annac ti Israel casta met a nagsangitda manen, ket kinunada, Asino ti mangtedto cadacami iti lasag a sidaen?

Numero 14:27

Casanonto ti cabayag ti panaganuco itoy dakes a gimong nga agdanengdeng iti maicaniwas caniac? Nangngegco dagiti danengdeng dagiti annac ti Israel nga agdanengdengda iti maicaniwas caniac.