Exodo 15:7 - Ti Biblia (1973)

⁷ Ket iti kinadackel ti kinadaegmo, racrakem dagiti umingar a cumanniwas kenca: Ibaonmo ti pungtotmo, ikisapna ida a cas garami.

Ti Baro a Naimbag a Damag Biblia

⁷ Iti naindaklan a kinadayagmo, parmekem dagiti kabusormo; sumged ti pungtotmo ket puoranna ida a kasla garami.

Exodo 15:7 Iomraidhean Croise

Ti Libro ni Job 9:4

Isu masirib iti puso, ken mannacabalin iti pigsa: asino aya ti nangpatangken iti bagina met laeng a maibusor kencuana, ket nagrang-ay?—

Dagiti Salmo 148:13

Idaydayawda coma ti nagan ni Jehova; Ta ti naganna laeng ti maitanoc; ti dayagna naringringbaw ngem ti daga ken dagiti langlangit.

Dagiti Salmo 59:13

Runotem ida iti pungtot, runotem ida, tapno maawandan: ket ipacaammom cadacuada a ti Dios agturay ken Jacob, inggana cadagiti pungto toy daga. (Selah)

Dagiti Salmo 68:33

Iti Daydiay nga agsacay iti langit dagiti langlangit, nga addada idi ugma; adtoy, inyesngawna ti timecna, timec a nabileg.

Dagiti Salmo 83:13

O Diosco, pagbalinem ida a cas agalalipugpug a tapuc; cas mayang-angin a nagpatpatan.

Exodo 14:27

Ket ni Moises inlayatna ti imana iti baybay, ket ti baybay nagsubli iti bilegna idi a nagbannawag ti bigat; ket dagiti Egipcios intalawanda ti danum; ket ni Jehova impasagna dagiti Egipcios iti nagtengngaan ti baybay.

Exodo 5:12

Iti casta dagiti tattao nagwarasda iti lawlaw ti amin a daga nga Egipto a mangala iti garami.

Exodo 9:16

Ngem kinaagpaysona a daytoy ti nangpabilgac kenca, tapno ipakitac kenca ti pannacabalinco, ken tapno ti naganco maibunagnag iti amin a lubong.

Isaias 37:17

Yallingagmo ta lapayagmo, O Jehova, ket denggem; luctam dagiti matam, O Jehova, ket kitaem; ken denggem amin dagiti sao ni Sennakerib, isu a nagbaon a mangcarit iti Dios a sibibiag.

Isaias 37:23

Siasino ti kinaritmo ken tinabbaawam? ket asino ti pacaibusoran ti natbag a timmecmo, ken nangitangadam cadagita matam iti nangato? maibusor met laeng iti Santo ti Israel.

Isaias 37:29

Gapu iti panagpungtotmo a maibusor caniac, ken agsipud ta ti kinacuspagmo immuli cadagiti lapayagco, gapuna nga icabilconto ti callawitco ita agongmo, ken ti frenoc cadagiti bibigmo, ket pagsubliencanto iti dalan nga immayam.

Isaias 37:36

Ket ti angel ni Jehova rimmuar, ket kinabilna iti pacarso dagiti Asirios ti sangagasut walopulo ket lima a ribu; ket idi bimmangon dagiti tattao iti agsapa, adtoy, dagitoy bangcayda amin.

Isaias 37:38

Ket naaramid, idi nga isu agcarcararag iti balay ni Nisroc a diosna, a da Adremelec ken Sarezer nga annacna a lallaki isu ti kinabilda iti campilan; ket nagtalawda agingga iti daga ti Ararat. Ket nagari a simmucat kencuana ni Esarhadon nga anacna.

Isaias 47:14

Adtoy, casdanto la punget; ti apuy uramennanto ida; didanto macalisi iti pigsa ti darang: awanto ti matda a beggang a paginudoan, wenno apuy nga iti sangona pagtugawan.

Isaias 5:16

Ngem ni Jehova dagiti buybuyot maitanoc iti kinajusticia, ket ti Dios a Santo masantificar iti kinalinteg.

Isaias 5:24

Gapuna a cas iti gil-ayab, ti apuy ibusenna ti punget ti garami ken cas iti nagango a root a marunaw iti gil-ayab, castanto ti ramutda a cas iti pannacalungtot, ket ti sabongda tumayabto a cas iti tapoc; agsipud ta inwacsida ti linteg ni Jehova dagiti buybuyot, ken inuyawda ti sao ti Santo ti Israel.

Jeremias 10:6

Awan ti siasinoman a cas kenca, O Jehova; sica dackelca, ket ti naganmo dackel ti pannacabalinna.

Mikias 4:11

Ket ita adu a nacion nagtitiponda a bumusor kenca, nga agcuna, Isu matulawan coma, ket ti matatayo makitana coma ti tarigagaytayo iti Sion.

Zacarias 14:3

Iti casta ni Jehova mapanto, ket makigubatto a maibusor cadagidiay a nasnacion, a cas pannakigubatna idi aldaw ti bacal.

Zacarias 14:8

Ket maaramidto iti daydiay nga aldaw, a nabiag a dandanum rumuardanto nga aggapu ti Jerusalem; ti cagudua dagidiay agpa-baybay iti daya, ket ti cagudua dagidiay agpa-baybay iti laud; castanto iti pannawen ti pudot ken lam-ec.

Zacarias 2:8

Ta castoy ti cuna ni Jehova dagiti buybuyot: Maipaay iti dayag isu imbaonnac cadagiti nasnacion a nagsamsam kenca; ta daydiay a mangsagid kenca sagidenna ti bukel ti matana.

Malakias 4:1

Ta, adtoy, ti aldaw umay, manguram a cas la horno; ket amin dagiti natangsit, ken amin dagiti agaramid iti dakes, pungetdanto; ket ti aldaw nga umay uramennanto ida, cuna ni Jehova dagiti buybuyot, a dinto mangitidda cadacuada uray ramut uray sanga.

San Mateo 3:12

Ti paidna adda iti imana ket sapridannanto a nalaing ti pagbayoanna; ket urnungennanto ti trigona iti camaligna, ket puurannanto ti garami iti apuy a di maiddep.

Dagiti Aramid 9:4

Ket napasag iti daga, ket nangngegna ti maysa a timec a nagcuna kencuana: Saulo, Saulo, apayapay idadanesnac?

Deuteronomio 33:26

Awan ti siasinoman a pumada iti Dios, O Jesurun, a sacayanna ti langlangit a maipaay a cabadangmo, ken iti kinadaegna, cadagiti langlangit.

Deuteronomio 4:24

Ta ni Jehova a Diosmo isu ti maysa nga apuy a mangalun-un, maysa a manangimun a Dios.

Hebreo 12:29

Ta ti Diostayo isu ti maysa nga apuy a mangrunaw.