Exodo 15:5 - Ti Biblia (1973)

⁵ Dagiti caadalman ti baybay lapunusenda ida: Nagpababada a cas la maysa a bato cadagiti tucoc.

Ti Baro a Naimbag a Damag Biblia

⁵ Iti adalem a baybay nalmesda, limnedda a kas bato iti lansadna.

Exodo 15:5 Iomraidhean Croise

Nehemias 9:11

Ket biningaymo di baybay iti sangoananda, iti casta a limmasatda iti tengnga ti baybay iti daga a namaga; ket dagiti agcamat cadacuada impalladawmo cadagiti tucoc, cas maysa a bato iti uneg dagiti mannacabalin a dandanum.

Dagiti Salmo 106:11

Ket dagiti dandanum linapunosda dagiti casupadida; awan natda uray maysa cadacuada.

Exodo 14:28

Ket dagiti dandanum nagsublida, ket linapunusda dagiti luglugan ken dagiti caballeria, uraypay amin a buybuyot ni Faraon a simmurot cadacuada iti baybay; awan natda uray maysa cadacuada.

Exodo 15:10

Pinagpuyupoymo ti anginmo, ti baybay linapunusna ida: Limnedda a cas buli cadagiti dandanum a napigsa.

Exodo 15:16

Kigtot ken amac agdissuor cadacuada; Gapu iti kinadackel ti tackiagmo naulimecda a cas bato; Agingga ti pannacalasat ti ilim, O Jehova, Agingga ti pannacalasat ti ili a ginatangmo.

Dagiti Proverbio 8:24

Idi awan pay dagiti yuyeng, napaaddaacon; idi awan pay ub-ubbog nga aglaplapusanan iti danum.

Ezekiel 27:34

Idi pannawen ti pannacaburacmo babaen dagiti baybay iti caadalman dagiti dandanum, ti tagilacom ken amin ti bonggoymo napasagda iti tengngam.

Jonas 2:2

Ket kinunana, inawagac ni Jehova gapu iti pacarigatac, ket dinengngegnac; nanipud idiay tian ni Tanem immawagac, ket dinengngegmo ti timecco.

Mikias 7:19

Isu caasiannatayto manen; baddekennanto dagiti kinadakestayo; ket ipurruacmonto amin dagiti basbasolda cadagiti caadalman ti baybay.

San Mateo 18:6

Ngem uray siasino a mangitibcalto iti maysa cadagitoy babassit nga ubbing a mamati caniac, nasaysayaat pay kencuana a maibattoon coma iti tengngedna ti maysa a bato ti gilingan a dackel, ket, isu maipalned coma iti caadalman ti baybay.

Paltiing 18:21

Ket maysa nga angel a napigsa binagcatna ti maysa a bato, a cas la maysa a dackel a bato a gilingan, ket intapuacna iti baybay, a cuncunana; Castoy a babaen ti nacaal-alinget a pannacatnag, marbecto ti Babilonia, daydi dackel a ciudad, ket saanto a masaracanen.