Exodo 15:16 - Ti Biblia (1973)

¹⁶ Kigtot ken amac agdissuor cadacuada; Gapu iti kinadackel ti tackiagmo naulimecda a cas bato; Agingga ti pannacalasat ti ilim, O Jehova, Agingga ti pannacalasat ti ili a ginatangmo.

Ti Baro a Naimbag a Damag Biblia

¹⁶ Buteng ken alliaw ti manglengnges kadakuada. Gapu iti kasta unay a pigsam, O Apo, kasda la bato a di makakuti, agingga a makalasat dagiti tattaom nga inispalmo iti pannakatagabuda.

Exodo 15:16 Iomraidhean Croise

Genesis 35:5

Ket nagnada: ket ti panagamac iti Dios adda idi cadagiti il-ili iti caparangetda, ket saanda a simmurot cadagiti annac a lallaki ni Jacob.

2 Samuel 7:23

Ket ania ti maysa a nacion nga adda iti daga a cas iti ilim, nga ti Israel met laeng, isu a napanan ti Dios a nangsubbot a maipaay kencuana met laeng a maysa nga ili, ket isu naaramid a maysa a nagan, ken naaramid dagiti dadackel a banag a gapu kenca, ken dagiti nacakigkigtot a banag a gapu iti dagam, iti sango ti ilim, a sinubbotmo a maipaay kenca nanipud Egipto, nanipud cadagiti nacion ken cadagiti didiosda?

Dagiti Salmo 105:38

Ti Egipto naragsacan idi nagluasda; ta ti panagbutengda caniada immapay cadacuada.

Dagiti Salmo 74:2

Lagipem ti gimongmo a pinaaddam nanipud idi ugma, isu a sinubbotmo tapno isu ti capuonan a patawidam; ken ti bantay Sion, a nagtaengam.

Dagiti Salmo 89:14

Ti kinalinteg ken kinajusticia isuda ti pamuun ta tronom: ti kinamanagayat ken kinapudno akinparupada ita sangoanam.

Exodo 11:7

Ngem iti maibusor iti siasinoman cadagiti annac ti Israel awan ti aso a mangtignayto iti dilana, uray maibusor iti tao wenno animal: tapno maammoanyo nga isalsaluminana ni Jehova ti Israel cadagiti Egipcios.

Exodo 15:13

Iti kinaimbag ti dongngom imparocpocmo cadagiti tattao a sinubbotmo: Indalanmo ida ita pigsam ti pagnaedam a nasantoan.

Exodo 15:5

Dagiti caadalman ti baybay lapunusenda ida: Nagpababada a cas la maysa a bato cadagiti tucoc.

Exodo 15:6

Ti imam a macanwan, O Jehova, nagloriaan iti pigsa, Ti imam a macanawan, O Jehova, ti cabusor winarawarana.

Exodo 18:8

Ket ni Moises sinaritana ken catuganganna amin nga inaramid ni Jehova ken Faraon ken cadagiti Egipcios a maipuon iti Israel, amin dagiti rigrigat a linac-amda iti dalan, ken no casano ti panangispal ni Jehova cadacuada.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 23:20

Adtoy, baonec iti sangom ti maysa nga angel, a mangaluad kenca iti dalan, ken mangipan kenca iti disso a sinaganac.

Exodo 23:22

Ngem no ipangagmonto nga ipasnec ti timecna, ken aramidem amin nga ibagac; siacto ngarud ti maysa a cabusor dagiti cabusormo, ken maysa a caringgor dagiti caringgormo.

Exodo 23:27

Ibaonconto ti pangkigtotco iti sangoanam, ket abakecto amin dagiti tattao a papanamto, ket aramidecto a dagiti amin a cabusormo tumallicodda kenca.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Isaias 51:10

Saan a sica aya ti nangpamaga iti baybay, dagiti dandanum iti yuyeng; nga aramidem ti kinaadalem ti baybay a maysa a dalan a ballasiwan dagiti nasubbot?

Isaias 63:12

Daydi a nangipan ti nadayag a tackiagna iti canawan nga ima ni Moises? daydi a nangbisngay cadagiti dandanum iti sangoananda, tapno aramidenna a maipaay kencuana met laeng a maysa a nagan iti agnanayon?

Jeremias 31:11

Ta ni Jehova sinubbotna ni Jacob, ket isu inispalna iti ima daydiay a napigpigsa ngem isu.

Ezekiel 16:8

Itay limmabasac iti arpadmo, ket minatmatanca, adtoy, ti pannawenmo pannawenen ti ayat; ket inyucradco ti cagayco iti rabawmo, ket inabbongac ti kinalamolamom: wen, insapatac kenca, ket nakitulagac kenca, cuna ni Apo Jehova, ket nagbalinca a cucuac.

Dagiti Aramid 20:28

Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.

Deuteronomio 11:25

Awanto ti tao a macabael iti sangoyo: ni Jehova a Diosyo icabilnanto ti panagbutengda cadacayo, ken panagamesda cadacayo iti isu-amin a daga a mabaddecanyonto, cas sinaona cadacayo.

Deuteronomio 2:25

Ita nga aldaw rugiacto ti mangicabil cadagiti tattao nga adda iti babaen ti isu-amin a langit a macangngeg iti damagmo, ti panagamac kenca, ken panagbuteng kenca, ket mamayegpegdanto, ken matuocandanto maipuon kenca.

Deuteronomio 2:4

Ket ibilinmo cadagiti tattao a cunam, Masapul nga sumreccayo iti beddeng dagiti cacabsatyo nga annac ni Esau, nga agnaed idiay Seir; ket isuda agbutengdanto cadacayo: gapuna nga annadanyo a naimbag ti bagbagiyo;

Deuteronomio 32:6

Castoy aya ti panupapacyo ken Jehova, O namaag nga umili ken nanengneng? Saan aya nga isu ti amam a gimmatang kenca? Isu ti nangaramid kenca, ken nangbangon kenca.

Deuteronomio 32:9

Ta ti bagi ni Jehova isu ti ilina; ni Jacob isu ti bagina a tawid.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Josue 2:9

Ket kinunana cadagiti tattao, siac ammoc a ni Jehova intedna cadacayo daytoy a daga, ket dacami mabutengcami a gapu cadacayo: ket dagiti amin nga agnaed iti daga agrunawda iti sangoyo.

Josue 4:24

Tapno isu-amin a tattao ditoy lubong maammoanda coma ti ima ni Jehova, nga isu mannacabalin: tapno agbutengcayo coma ken Jehova a Diosyo iti agnanayon.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

2 Pedro 2:1

Ngem adda pay idi dagiti saan a pudno a mammadto iti tengnga dagiti umili, a cas met ti caaddanto dagiti saan a pudno a mannursuro iti tengngayo, isuda a mangiserrecto a sililimed cadagiti nakillo ken macadadael a pammati, ket paglicudandanto uray ti Apo a nanubbot cadacuada, ket icuyogda met laeng cadacuada ti napardas a pannacapucawda.

1 Samuel 2:9

Isu aywanannanto dagiti sacsaca dagiti sasantona, ngem ti managdacdakes mapaulimecto iti kinasipnget; ta gapu iti pigsa awanto ti tao a mangrimbaw.

1 Samuel 25:37

Ket naaramid iti bigat, idi a ni Nabal naunawan iti arac, a ni asawana imbagana kencuana dagitoy a banag, ket ti pusona natay iti unegna, ket isu nagbalin a cas la bato.