Exodo 15:11 - Ti Biblia (1973)

¹¹ Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Ti Baro a Naimbag a Damag Biblia

¹¹ “Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Exodo 15:11 Iomraidhean Croise

2 Samuel 7:22

Gapuna a sica nadayagca, O Jehova a Dios: agsipud ta awan ti sabali a cas kenca, awan ti siasinoman a Dios iti lacsidmo, a mayalubog iti isu-amin a nangnangegmi babaen cadagiti lapayagmi.

1 Ar-ari 8:23

Ket kinunana, O Jehova, a Dios ti Israel, awan ti Dios a cas kenca, uray iti langit iti ngato, uray iti daga iti baba; a salimetmetanna ti tulag ken ti naayat a kinaimbag cadagiti ad-adipenmo, a magna iti sangom iti amin a pusoda;

1 Cronicas 16:25

Ta ni Jehova dackel, ken sidadaeg a madaydayaw: isu met a mapagbutngan a nangnangrona ngem cadagiti amin a didios.

2 Cronicas 2:5

Ket ti balay a bangonec dackel; ta dackel ti Diosmi iti ngatoen dagiti amin a didios.

2 Cronicas 6:14

Ket kinunana, O Jehova, a Dios ti Israel, awan ti Dios a cas kenca, uray iti langit, uray iti daga; a salimetmetanna ti tulag ken ti kinamanangngaasi cadagiti ad-adipenmo, a magna iti sangom iti amin a pusoda;

Dagiti Salmo 113:5

Siasino ti cas ken Jehova a Diostayo, nga adda ti tugawna iti nangato,

Dagiti Salmo 119:120

Ti lasagco agpigerger iti panagbuteng kenca; ket siaamesac cadagiti pangngeddengmo. AYIN

Dagiti Salmo 136:4

Isu a cacaisuna nga agaramid cadagiti dadackel a datdatlag; ta ti kinamanagayatna agnanayon:

Dagiti Salmo 145:17

Ni Jehova sililinteg cadagiti amin a dalanna, ken sipaparabur cadagiti amin nga aramidna.

Dagiti Salmo 22:23

Dacayo nga agbuteng ken Jehova, idaydayawyo; dacayo amin a bin-i ni Jacob, padayaganyo; ket agtacdercayo a siaamac kencuana, dacayo amin a bin-i ni Israel.

Dagiti Salmo 35:10

Amin a tultulangco cunadanto, Jehova, siasino ti cas kenca, a mangispal iti napanglaw iti daydiay napigpigsa ngem isu, wen, iti napanglaw ken nacacaasi iti daydiay mangagaw kencuana?

Dagiti Salmo 60:2

Pinagkintayegmo ti daga; pinagbirrim: agasam dagiti rengrengngat; ta agpigerger.

Dagiti Salmo 66:5

Umaycayo, ket kitaenyo dagiti ar-aramid ti Dios; nacaamames cadagiti aramidna a maipaay cadagiti annac dagiti tao.

Dagiti Salmo 77:11

Saritaecto dagiti ar-aramid ni Jehova, ta lagipecto dagiti nacascasdaaw a gapuanam idi ugma:

Dagiti Salmo 77:14

Sica ti Dios nga agaramid cadagiti nacascasdaaw: impacaammom ti pigsam iti nagtengngaan dagiti tattao.

Dagiti Salmo 77:19

Ti dalanmo adda idi iti taaw, ket dagiti danam cadagiti dadackel a dandanum, ken dagiti tugtugotmo saan ida a nailasin.

Dagiti Salmo 86:10

Ta sica naidaclanca, ket agaramidca cadagiti nacascasdaaw: sicsica laeng ti Dios.

Dagiti Salmo 86:8

Awan ti cas kenca cadagiti didiosen, O Apo; awan met ti cas cadagiti ar-aramidmo.

Dagiti Salmo 89:18

Ta ti calasagmi biang ni Jehova: ken ti arimi biang ti Santo ti Israel.

Dagiti Salmo 90:11

Siasino ti macaammo iti bileg ti ungetmo, ken ta pungtotmo a mayannurot iti buteng a rebbengen kenca?

Exodo 18:11

Ita maammoac a ni Jehova dacdackel ngem dagiti isu-amin a didios; kinaagpaysona, gapu iti aramid a tinatangsit nga inaramidda maibusor met laeng cadacuada.

Exodo 20:3

Awan ti sabali a diosmo iti sangoc.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 8:10

Ket kinunana, Intono bigat. Ket ni Moises kinunana, Maaramid coma cas ti saom; tapno ammoem nga awan sabali a cas ken Jehova a Diosmi.

Exodo 8:6

Ket ni Aaron inyunnatna ti imana iti rabaw dagiti dandanum sadi Egipto; ket immuli dagiti tuctucac a namungon iti daga nga Egipto.

Exodo 9:14

Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; tapno maammoam nga awan sabali a cas caniac iti amin a lubong.

Isaias 30:11

Baybay-anyo ti dalan, sinaanyo ti dana, pasardengenyo ti caadda ti Santo ti Israel iti sangoananmi.

Isaias 40:18

Asino ngarud iti pangipadisanyo iti Dios? wenno ania a caasping ti yaspingyo kencuana?

Isaias 40:25

Siasino ngarud iti pangipadisanyo caniac, tapno maipadaac coma kencuana? cuna ti Santo.

Isaias 46:9

Laglagipenyo dagiti immuna a banbanag idi ugma: ta siac ti Dios, ket awanen ti sabali; Diosac, ket awan ti pumada caniac;

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 6:3

Ket nagiinnickisda ti maysa ken maysa a kinunada, Santo, Santo, Santo ni Jehova dagiti buybuyot: ti isu-amin a daga napno iti dayagna.

Jeremias 10:16

Ti bingay ni Jacob saan a cas cadagidiay; ta isu binukelna dagiti amin a banbanag; ket ni Israel ti caputotan ti tawidna: Jehova dagiti buybuyot ti naganna.

Jeremias 49:19

Adtoy, sumang-atto a cas la leon manipud iti kinalabiang ti Jordan: a maibusor iti nalagda a pagnaedan: ta pagtarayecto ida a pettat nga aggapu kencuana; ket siasino ti mapili, daydiay dutocacto iti ngatoenna: ta siasino ti cas caniac? ket siasino ti mangikeddeng caniac iti maysa a pannawen? ket siasino ti pastor nga agtacderto iti sangoc?

Levitico 19:2

Ibagam iti dagup ti gimong dagiti annac ti Israel, ket soem cadacuada, Dacayo agsantocayto; gapu ta siac a Jehova a Diosyo, santoac.

Mikias 7:18

Siasino ti dios a cas kenca, a mamacawan ti kinadangkes, ken palabasenna ti salungasing ti tidda ti pagtawidenna? isu saanna a taginayonen ti pungtotna iti agnanayon, ta pagayayatanna iti kinamanagayat.

San Lucas 12:5

Ngem ibagacto cadacayo, no asino ti pagbutnganyo. Pagbutnganyo day diay adda pannacabalinna a mangitappuac iti infierno, iti calpasan ti panangpapatayna; pudno a cunac cadacayo: Pagbutnganyo daydiay.

Deuteronomio 1:30

Ni Jehova a Diosyo a mapan iti sangoyo isu ti makibacalto a pannacabagiyo, cas ti amin nga inaramidna gapu cadacayo idiay Egipto iti imatang dagiti matayo,

Deuteronomio 3:24

O Apo Jehova, rinugiam nga imparangarang iti adipenmo ta kinadackelmo ken ta imam a napigsa: ta asino a dios sadi langit wenno ditoy daga ti macabalin a mangaramid iti cas ti gapgapuanam ken cas cadagiti ar-aramidmo a mannacabalin?

Deuteronomio 33:26

Awan ti siasinoman a pumada iti Dios, O Jesurun, a sacayanna ti langlangit a maipaay a cabadangmo, ken iti kinadaegna, cadagiti langlangit.

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

Paltiing 13:4

Ket nagdaydayawda idi dragon gapu ta intedna ti turayna idi animal; ket nagdaydayawda idi animal a cuncunada: Siasino ti pumadpad itoy nga animal? Ket siasino ti macabalin a manggubat kencuana?

Paltiing 15:4

Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.

1 Samuel 2:2

Awan ti nasantoan a cas ken Jehova ta awan iti lacsidmo, awan met ti uray ania a bato a cas iti Diosmi.