Exodo 15:10 - Ti Biblia (1973)

¹⁰ Pinagpuyupoymo ti anginmo, ti baybay linapunusna ida: Limnedda a cas buli cadagiti dandanum a napigsa.

Ti Baro a Naimbag a Damag Biblia

¹⁰ Ngem iti maysa la a pug-awmo, Apo, nalmes dagiti Egipcio; kasda la buli a limned iti nakabutbuteng a danum.

Exodo 15:10 Iomraidhean Croise

Genesis 8:1

Ket ti Dios inimatanganna ni Noe, ken amin nga an-animal a narungsot, ken amin nga animal a naamo, nga adda kencuana idi daong: ket pinalabas ti Dios ti maysa nga angin iti rabaw ti daga, ket nagsardeng dagiti dandanum;

2 Samuel 18:8

Ta ti gubat naiwarnac idiay iti rabaw ti isu-amin a daga; ket ti bakir nangpucaw cadagiti ad-adu a tattao iti daydi nga aldaw ngem ti pinucaw ti campilan.

Nehemias 9:11

Ket biningaymo di baybay iti sangoananda, iti casta a limmasatda iti tengnga ti baybay iti daga a namaga; ket dagiti agcamat cadacuada impalladawmo cadagiti tucoc, cas maysa a bato iti uneg dagiti mannacabalin a dandanum.

Dagiti Salmo 135:7

Isu a mamagpangato cadagiti alingasaw manipud cadagiti pungto toy daga; isu a mamagkimat a maipaay agtudo; isu a mangparuar iti angin cadagiti pagidulinanna;

Dagiti Salmo 147:18

Iyesngawna ti saona, ket runawenna ida: pagpul-oyenna ti anginna, ket dagiti dandanum agayusda.

Exodo 14:21

Ket ni Moises inyunnatna ti imana iti baybay; ket pinagsanud ni Jehova ti baybay gapu iti napigsa nga angin ti daya iti nagpatnag, ket inaramidna ti baybay a daga a namaga, ket dagiti dandanum nabingayda.

Exodo 15:5

Dagiti caadalman ti baybay lapunusenda ida: Nagpababada a cas la maysa a bato cadagiti tucoc.

Dagiti Proverbio 30:4

Siasino ti immuli sadi langit, ket immulog? Siasino ti nangacup iti angin cadagiti petpetpetna? Siasino ti nangabbeng cadagiti dandanum iti pagan-anayna? Siasino ti nangbangon cadagiti amin a pungto ti daga? Ania ti naganna, ket ania ti nagan ti anacna, no ammom?

Isaias 11:15

Ket ni Jehova dadaelennanto a talipupusen ti dila ti baybay ti Egipto; ken iti macasinit nga anginna itayagnanto ti imana iti Carayan, ket cabilenna a pagcapitoen nga ayus, ket aramidenna a dagiti tattao macaballasiwda a simamaga ti sacada.

Jeremias 10:13

No isu agtimec, agkibur dagiti dandanum cadagiti langlangit, ket paulienna dagiti alingasaw manipud cadagiti pungto ti daga; isu aramidenna dagiti kimkimat iti tudo, ket paruarenna dagiti anginna cadagiti pagidulinanna.

Jeremias 46:17

Imkisda sadiay, Ni Faraon nga ari ti Egipto nadadaelen; pinalabasnan ti natudingan a pannawen.

Amos 4:13

Ta adtoy, ti mangaramid cadagiti banbantay, ket parsuaenna ti angin, ket ipalawagna iti tao no ania ti panunutna; ti mamagsipnget iti bigat, ket ti agbaddec cadagiti nangato a disso ti daga-Jehova, Dios dagiti buybuyot; ti naganna.

San Mateo 8:27

Ket dagiti tattao nagsiddaawda a cuncunada: Ania a cababalin ti tao daytoy, ta uray dagiti angin ken ti baybay agtulnogda kencuana?

Deuteronomio 11:4

Ken ti inaramidna cadagiti buyot ti Egipto, ken cadagiti cabcabayoda, ken cadagiti lugluganda; no casano ti inaramidna iti danum ti Baybay a Nalabaga a pinanglapunosna cadacuada idi camatendacayo, ken no casano ti pinangdadael ni Jehova cadacuada inggana itoy nga aldaw;