Exodo 14:8 - Ti Biblia (1973)

⁸ Ket ni Jehova pinatangkenna ti puso ni Faraon nga ari sadi Egipto, ket kinamatna dagiti annac ti Israel: ta dagiti annac ti Israel rimmuarda babaen ti ima a mannacabalin.

Ti Baro a Naimbag a Damag Biblia

⁸ Pinatangken ni Yahweh ti puso ti ari ket kinamatna dagiti Israelita a pumampanaw a sibaballigi.

Exodo 14:8 Iomraidhean Croise

Dagiti Salmo 105:43

Ket inlapsutna ti ilina a siraragsac, ken dagiti pinilina a sicacantada.

Dagiti Salmo 86:13

Ta dackel ti kinamanagayatmo caniac; ken inaonmo toy cararwac iti caungan a Tanem.

Exodo 10:27

Ngem ni Jehova pinatangkenna ti puso ni Faraon, ket dina pinalubosan ida a mapan.

Exodo 13:16

Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:18

Ngem ti Dios inturongna dagiti tattao a sumiasi iti dalan ti let-ang sadiay Baybay a Nalabaga: ket dagiti annac ti Israel simmang-atda a siigam manipud iti daga nga Egipto.

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Exodo 14:17

Ket adtoy, siac patangkenecto dagiti puspuso dagiti Egipcios, ket sumrecdanto a sumurot cadacuada; ket maidaydayaoacto ken Faraon, ken cadagiti amin a buyotna, ken cadagiti lugluganna, ken cadagiti caballeriana.

Exodo 14:4

Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Exodo 14:7

Ket incuyogna ti innem a gasut a luglugan a napili, ken amin dagiti luglugan ti Egipto, ket dagiti cacapitan naglugananda ida amin.

Exodo 15:9

Ti cabusor kinunana, Camatecto, macamacamconto, Iburayconto ti samsam; Ti calicagumco mapnecto cadacuada; Asutecto ti igamco, ti imac dadaelennanto ida.

Exodo 4:21

Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac patangkenecto ti pusona, ket dinanto palubosan ti ili.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 9:12

Ket ni Jehova pinatangkenna ti puso ni Faraon, ket dina ida impangag; cas ni Jehova imbagana ken Moises.

Dungdung-aw 3:65

Iccamto ida ti kinatangken ti puso, ti lunodmo cadacuada.

Levitico 26:13

Siac ni Jehova a Diosyo a nangaon cadacayo iti daga nga Egipto, tapno dicay mabag-en cadacuada; ket dinadaelco dagiti paco a nacaisangolanyo, ket pinatacdercayo a magna.

Numero 33:3

Ket isuda, nagluasda nanipud Rameses iti umuna a bulan, iti maicasangapulo ket lima nga aldaw ti umuna a bulan; iti bigat, calpasan ti pascua, dagiti annac ti Israel, pimmanawda agraman natayag nga ima, iti imatang ti isu-amin a taga Egipto,

Dagiti Aramid 13:17

Ti Dios daytoy ili nga Israel pinilina dagiti ammatayo, ket intan-ocna ti ili idi nagtaengda idiay Egipto, ket iti nabileg a tackiagna inruarna ida idiay.

Deuteronomio 26:8

Ket iti maysa nga ima a mannacabalin ken tackiag a sinuunnat, ken dackel a nacakigkigtot, ken dagiti pagilaslasinan, ken dagiti nacascasdaaw ti pinangaon ni Jehova cadatayo sadi Egipto;

Deuteronomio 32:27

No coma no diac inamac ti pangargari ti cabusor, di la ket ta dagiti casupiatda di umisu ti panangipatoda coma, di la ket ta cunada coma, ti imami naitan-oc, ket ni Jehova saanna nga inaramid amin daytoy.

Josue 11:20

Ta naggapu idi ken Jehova ti panangpatangken cadagiti puspusoda, tapno umayda a maibusor iti Israel iti paggugubatan, tapno pucawenna ida nga ikisap, tapno dida macaasian coma idi, no di ket tapno pucawenna coma ida, cas ni Jehova imbilinna ken Moises.

Uk-ukom 4:7

Ket siac yegconto kenca, idiay carayan Cison, ni Sisara, a capitan ti buyot ni Jabin, agraman cadagiti lugluganna ken buybuyotna; ket isu ti yawatconto ita imam.