Exodo 14:4 - Ti Biblia (1973)

⁴ Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Ti Baro a Naimbag a Damag Biblia

⁴ Patangkenekto ti pusona ket kamatennanto ida. Maidaydayawakto iti panangparmekko kenkuana ken iti amin nga armadana. Maammoanto dagiti Egipcio a siak ni Yahweh.” Tinungpal dagiti Israelita ti naibilin kadakuada.

Exodo 14:4 Iomraidhean Croise

Nehemias 9:10

Ket intedmo dagiti pagilasinan ken datdatlag ken Faraon, ken cadagiti amin nga ad-adipenna, ken amin a tattao ti dagana; ta ammom idi a nagaramidda a sipapalangguad unay a maibusor cadacuada, ket nanagananca iti maysa a nagan, a cas itoy nga aldaw.

Exodo 10:2

Ken tapno saritaem cadagiti pagdengeg ti anacmo, ken ti anac ti anacmo, no ania dagiti inaramidco iti Egipto, ken dagiti pagilasinan nga inaramidco iti tengngada; tapno maammoanyo a siac ni Jehova.

Exodo 10:27

Ngem ni Jehova pinatangkenna ti puso ni Faraon, ket dina pinalubosan ida a mapan.

Exodo 12:28

Ket dagiti annac ti Israel napanda inaramid ti casta; cas iti panangibilin ni Jehova cada Moises ken Aaron, casta ti panangaramidda.

Exodo 14:23

Ket dagiti Egipcios kimmamacamda ket sinurotda ida agingga iti tengnga ti baybay, amin dagiti cabcabayo ni Faraon, dagiti lugluganna ken dagiti caballeriana.

Exodo 14:25

Ket iniccatna dagiti pilpilid dagiti luluganda, ket narigat ti pananguludda cadacuada; iti casta dagiti Egipcios kinunada, Pumanawtayo iti sango dagiti Israelitas; ta ni Jehova isu ti pannacabagida a makibacal a bumusor cadagiti Egipcios.

Exodo 14:3

Ket ni Faraon cunananto gapu cadagiti annac ti Israel, Naipaslongda iti daga, ti let-ang impupocnan ida.

Exodo 14:5

Ket nayammo idi ari sadi Egipto a nagtalaw dagiti tattao; ket ti puso ni Faraon ken dagiti ad-adipenna nagbaliw maipapan cadagiti tattao, ket kinunada, Ania daytoy nga inaramidtayo, binayantayo a pimmanao ti Israel iti panagservina cadatayo?

Exodo 14:8

Ket ni Jehova pinatangkenna ti puso ni Faraon nga ari sadi Egipto, ket kinamatna dagiti annac ti Israel: ta dagiti annac ti Israel rimmuarda babaen ti ima a mannacabalin.

Exodo 18:11

Ita maammoac a ni Jehova dacdackel ngem dagiti isu-amin a didios; kinaagpaysona, gapu iti aramid a tinatangsit nga inaramidda maibusor met laeng cadacuada.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Exodo 7:17

Castoy ti sinao ni Jehova, Daytoyto ti pangilasinam a siac ni Jehova: adtoy, cabilecto dagiti dandanum nga addada iti carayan, iti sarucod nga adda iti imac, ket agbalindanto a dara.

Exodo 7:3

Ket patangkenecto ti puso ni Faraon, ket paaduecto sadiay a daga nga Egipto dagiti pagilaslasinan caniac ken dagiti datdatlagco.

Exodo 7:5

Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Exodo 9:16

Ngem kinaagpaysona a daytoy ti nangpabilgac kenca, tapno ipakitac kenca ti pannacabalinco, ken tapno ti naganco maibunagnag iti amin a lubong.

Ezekiel 20:9

Ngem siac nagaramidac gapu iti naganco, tapno saan coma a mabassawangan iti imatang dagiti nasnacion, isu a nagnaedanda idi, nga iti imatangda nagpacaammoac cadacuada, iti panangaonco cadacuada iti daga ti Egipto.

Ezekiel 28:22

Ket cunam, Castoy ti cuna ni Apo Jehova: Adtoy, bumusorac kenca; O Sidon; ket siac maitan-ocacto iti tengngam; ket mabigbigdanto a siac ni Jehova, intono aramidec dagiti panangocomco kencuana, ken masantificarac kencuana.

Ezekiel 32:15

Intono aramidec ti daga ti Egipto a langalang ken let-ang, daga a naiccaten ti kinapunnona, intono cabilec amin dagiti agnaed kencuana, mabigbigdanto a siac ni Jehova.

Ezekiel 38:16

Ket sumang-atcanto a maibusor iti ilic nga Israel, a cas ulep a mangabbong iti daga: maaramidto cadagiti maud-udi nga al-aldaw a pakibusorencanto iti dagac, tapno dagiti nasnacion mabigbigdac coma, intono mapagsantoac kenca, O Gog, iti imatangda.

Ezekiel 38:23

Ket padayagecto ti bagic met laeng, ken pasantoecto ti bagic met laeng, ket agpacaammoacto iti imatang dagiti adu a nasnacion; ket maammoandanto a siac ni Jehova.

Ezekiel 39:13

Wen, amin ti umili ti daga agicalinto cadacuada; ket isunto cadacuada ti maysa a dayaw iti aldaw a pannacaitan-occonto, cuna ni Apo Jehova.

Levitico 10:3

Idin ni Moises kinunana ken Aaron, Daytoy ti imbaga ni Jehova a kinunana, Siac masantificaracto cadagiti umasideg caniac, ket iti sango ti amin nga umili maglorificaracto. Ket ni Aaron nagulimec.

Taga-Roma 11:8

Cas iti naisurat: Iniccan ida ti Dios ti espiritu ti talimpungaw, matmata a dida macakita, ken pagdengngeg a dida macangngeg agingga ita nga aldaw.

Taga-Roma 9:17

Ta cuna ti Surat ken Faraon: Gapu met laeng itoy, intan-occa tapno ipakitac kenca iti pannacabalinco ken tapno maiwarragawag ti Naganco iti amin a daga.

Taga-Roma 9:18

Iti casta ngarud mangngaasi iti cayatna ket mangpatangken iti cayatna.

Josue 11:20

Ta naggapu idi ken Jehova ti panangpatangken cadagiti puspusoda, tapno umayda a maibusor iti Israel iti paggugubatan, tapno pucawenna ida nga ikisap, tapno dida macaasian coma idi, no di ket tapno pucawenna coma ida, cas ni Jehova imbilinna ken Moises.

Uk-ukom 4:7

Ket siac yegconto kenca, idiay carayan Cison, ni Sisara, a capitan ti buyot ni Jabin, agraman cadagiti lugluganna ken buybuyotna; ket isu ti yawatconto ita imam.