Exodo 14:3 - Ti Biblia (1973)

³ Ket ni Faraon cunananto gapu cadagiti annac ti Israel, Naipaslongda iti daga, ti let-ang impupocnan ida.

Ti Baro a Naimbag a Damag Biblia

³ Ipagarupto ti ari ti Egipto a nayaw-awanda ket napupokda iti let-ang.

Exodo 14:3 Iomraidhean Croise

Dagiti Salmo 139:2

Ammom ti itutugawco ken itatacderco; maawatam ti panunotco nga adayo pay laeng.

Dagiti Salmo 139:4

Ta awan pay ti sao ditoy dilac, ngem adtoy, O Jehova, ammomon amin.

Dagiti Salmo 3:2

Adu dagiti agcuna iti cararwac, awan ti tulong ti Dios kencuana. (Selah)

Dagiti Salmo 71:11

A cuncunada, ti Dios binaybay-annan, camatenyo ket tiliwenyo; ta awanen ti mangispal kencuana.

Exodo 14:2

Ibagam cadagiti annac ti Israel nga agsublida ket mapanda agpacarso iti sango ti Pilahiroth, iti nagbaetan ti Migdol ken ti baybay, iti sangoanan ti Baalzephon: iti sangona ti pagsardenganyo iti igid ti baybay.

Exodo 14:4

Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Ezekiel 38:17

Castoy ti cuna ni Apo Jehova: Sica aya daydi sinaoc idi unana a pannawen babaen cadagiti adipenco a mammadto ti Israel, a nagipadto cadagidi nga al-aldaw bayat ti adu a tawen a pakigubatenca cadacuada?

Dagiti Aramid 4:28

Tapno aramidenda ti aniaman nga impacpacauna nga inugedan dayta imam ken ti nakemmo a maaramid,

Deuteronomio 31:21

Ket maaramidto a no adu ti dakes ken rigrigat a dumteng cadacuada, daytoy a canta panecnecannanto iti sangoda, cas maysa a sacsi; gapu ta dinto malipatan iti ngiwngiwat dagiti putotda: ta ammoc ti panunotda a buclenda ita nga aldaw a casacbayan ti panangyegco cadacuada iti daga nga insapatac.

Uk-ukom 16:2

Ket naisao cadagiti Gazitas, a nacuna, Ni Samson nacaay ditoy. Ket isu linacubda, ket isu sinanebda a nagpatnag iti daydi a rabii iti ruangan ti ili; ket adda a naulimec bayat iti daydi a rabii, a cuncunada, Bayantayo agingga iti agbannawag iti bigat, ket sa isu papatayentayo.

1 Samuel 23:23

Kitaenyo ngarud, ken ammoenyo dagiti amin a gingginget a paglemmenganna, ket umaycayo manen caniac agraman pannacapanecnec, ket cumuyogacto cadacayo a mapan: ket maaramidto, no adda iti daga, nga isu birukecto cadagiti amin a rinibribu ti Juda.

1 Samuel 23:7

Ket naibaga ken Saul a ni David immay iti Keila. Ket ni Saul kinunana, Ti Dios isu inyawatna iti imac; ta isu napupoc, gapu iti iseserrecna iti maysa nga ili nga addaan cadagiti ruruangan ken balbalunet.