Exodo 13:9 - Ti Biblia (1973)

⁹ Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Ti Baro a Naimbag a Damag Biblia

⁹ Agbalinto daytoy a fiesta a pakalaglagipan kas iti maiputipot iti imayo wenno iti mugingyo; ipalagipnanto kadakayo nga itultuloyyo a basaen ken adalen ti Linteg ti Apo, gapu ta inruarnakayo ti Apo idiay Egipto babaen iti dakkel a pannakabalinna.

Exodo 13:9 Iomraidhean Croise

Nehemias 1:10

Ita dagitoy isuda dagiti ad-adipenmo ken ti ilim, a sinubbotmo iti dackel a pannacabalinmo, ken iti napigsa nga imam.

Dagiti Salmo 136:11

Ken nangilapsut iti Israel cadacuada; ta ti kinamanagayatna agnanayon:

Dagiti Salmo 136:12

A sibibileg ti imana, ken sidedeppa dagiti tackiagna; ta ti kinamanagayatna agnanayon:

Dagiti Salmo 89:13

Adda tackiagmo a nabileg; napigsa ta imam, ket natayag ta canawanmo.

Exodo 12:14

Ket daytoy nga aldaw isunto cadacayo iti maysa a pacalaglagipan, ket salimetmetanyonto a fiesta ken Jehova: cadagiti caputotanyo salimetmetanyonto a fiesta a pagalagadan iti cancanayon.

Exodo 12:41

Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:16

Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Dagiti Proverbio 1:9

Ta isudanto ti balangat ti saniata dita olom, ken calangcang a mayuccor dita tengngedmo.

Dagiti Proverbio 3:21

Anacco, dida cadi pumanaw cadagita matam; salimetmetam ti natarnaw a kinasirib ken kinaannad:

Dagiti Proverbio 7:23

Agingga ti maysa a pana salbagenna ti dalemna; cas maysa a tumatayab nga agdarasudos iti silo, ket dina ipagarup a maicaniwas iti biagna.

Kanta ni Solomon 8:6

Isaadnac a cas maysa a tanda iti rabaw ta pusom, cas maysa a tanda iti rabaw ta tackiagmo: ta napigsa ni ayat a cas ken patay, ni imon naranggas a cas ken Tanem; dagiti beggangna isuda dagiti beggang ti apuy, maysa a pudno a gil-ayab ni Jehova.

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Isaias 40:10

Adtoy, ni Apoo Jehova umayto a cas mannacabalin, ken ti tackiagna agturayto a maipaay kencuana: Adtoy, ti panggungunana maicuyog kencuana, ken ti panupapacna adda iti sangona.

Isaias 44:5

Ti maysa cunaennanto, Cucuanac ni Jehova; ket ti sabali panagananto ti bagina iti nagan ni Jacob; ket ti sabali isuratnanto iti imana ti maipaay ken ni Jehova, ken galadannanto ti bagina iti nagan nga Israel.

Isaias 49:16

Adtoy, imburicca iti daculap dagiti im-imac; dagiti bacudmo addada nga agnanayon iti sangoanac.

Isaias 51:9

Agriingca, agriingca, iyusongmo ti kinabileg, O tackiag ni Jehova; agriingca, a cas cadagidi al-aldaw idi unana, dagidi caputotan idi ugma. Saan a sica aya ti nangrangcay ken ni Rahab, a nangduyoc idi olimaw?

Isaias 59:21

Ket ti maipapan caniac, daytoy isu ti tulagco cadacuada, cuna ni Jehova: ti Espirituc nga adda kenca, ken dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.

Jeremias 22:24

Cas sibibiagac, cuna ni Jehova, uray no ni Conias nga anac a lalaki ni Joakim nga ari ti Juda isu coma ti singsing a pagtanda iti macanawan nga imac, nupay casta lapsutenca coma iti imac;

Daniel 9:15

Ita ngarud, O Apo a Diosmi, nga inaonmo ti ilim iti daga nga Egipto babaen ti mannacabalin nga imam, ket nacagun-odca iti dayaw, a cas itoy nga aldaw; nagbasolcami, nangaramidcami a sidadangkes.

Joel 2:11

Ket ni Jehova agtimec iti sangoanan ti buyotna; ta ti pacarsona dackel unay; ta isu napigsa a manungpal iti saona; ta ti aldaw ni Jehova dackel ken nacaal-alingec unay; ket asino ti macaitured?

Numero 15:39

Ket agservinto cadacayo a paraypay, tapno makitkitayo, ket malagipyo dagiti amin a bilbilin ni Jehova, ket sungpotenyo ida; ken tapno dicay sursuroten ti pusoyo met laeng ken dagiti matmatayo met laeng a mangipacadawyan cadacayo iti panagbalangcantis;

San Mateo 23:5

Ngem amin dagiti aramidda aramidenda, tapno makita dagiti tao, ta yacabada dagiti filacteria ket iyatiddugda dagiti barayubay dagiti pagananayda,

Taga-Roma 10:8

Ngem, ania ti cunana? Ti sao adda iti asideg kenca, iti ngiwatmo ken iti pusom; cayatna a sao-en, ti sao ti pammati nga icascasabatayo:

Deuteronomio 30:14

Ngem ti sao asideg unay kenca ita ngiwatmo ken ita pusom tapno sungpotem.

Deuteronomio 5:15

Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

Deuteronomio 6:21

Saoemto ngarud iti anacmo, Dacami idi dagiti ad-adipen ni Faraon sadi Egipto: ket ni Jehova inaonnacami sadi Egipto iti maysa a mannacabalin nga ima:

Deuteronomio 6:6

Ket dagitoy a sasao nga ibilinco kenca iti daytoy nga aldaw, agyandanto ita pusom;

Deuteronomio 6:8

Ket ibedbedmonto ida ita imam a maysa a tandaan, ket isudanto ti pannacabedbed ti baet dagita matam.

Paltiing 18:8

Gapuna, iti maymaysa nga aldaw umayto dagiti saplitna, ti ipapatay, ken ti ladingit, ken ti bisin: ken isu mapuuranto iti apuy: ta napigsa ni Apo Dios a mangocom kencuana.

Uk-ukom 2:12

Ket isuda inidianda ni Jehova, a Dios dagiti ammada, a nangaon idi cadacuada nanipud iti daga ti Egipto, ket simmurotda cadagiti sabsabali a didios, a didios dagiti il-ili nga aglicmut cadacuada, ket nagrucnoyda cadacuada: ken isuda ginargarida nga agpungtot ni Jehova.