Exodo 13:7 - Ti Biblia (1973)

⁷ Cadagiti pito nga aldaw macanto ti tinapay nga awan levadurana; ket awanto a masaracan kenca ti awan levadura a tinapay, wenno saanto a makita kenca ti levadura iti amin a beddengmo.

Ti Baro a Naimbag a Damag Biblia

⁷ Pito nga aldaw a mangankayo iti tinapay nga awan lebadurana; masapul nga awan ti tinapay nga adda lebadurana wenno lebadura a masarakan iti dagayo.

Exodo 13:7 Iomraidhean Croise

Exodo 12:15

Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:19

Bayat dagiti pito nga al-aldaw awanto ti masaracan a levadura cadagiti balbalayyo: ta siasinoman a mangan iti nalevaduraan, dayta a tao maipusayto iti gimong ti Israel, gangannaet man wenno umili iti daga.

San Mateo 16:6

Ket ni Jesus kinunana cadacuada: Kitaenyo ket agaluadcayo iti levadura dagiti Fariseo ken dagiti Saduceo.

1 Taga-Corinto 5:8

Iti casta ngarud ngilinentayo ti fiestatayo; saan a buyugen ti baac a levadura, saan met nga iti levadura ti panagipato ti dakes ken ti kinadakes, no di ket iti awan levadurana a tinapay ti kinadalus ti nakem ken kinapudno.

Deuteronomio 16:4

Ket awanto ti levadura a makita iti biangmo cadagiti pito nga aldaw iti isu-amin a beddengmo; wenno awanto ti uray ania a lasag ti idatonmo iti umuna nga aldaw iti sumipnget, a matda nga agpatnag agpapan iti bigat.

Josue 5:11

Ket nanganda iti apit ti daga iti bigat iti calpasan ti pascua, cadagiti bibingca nga di-nalivaduraan ken bucbukel a kinirog, iti daydi met la nga aldaw.