Exodo 13:3 - Ti Biblia (1973)

³ Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Ti Baro a Naimbag a Damag Biblia

³ Kinuna ni Moises kadagiti tattao, “Laglagipenyo daytoy nga aldaw—ti aldaw nga ipapanawyo idiay Egipto, a nakatagabuanyo. Daytoy ti aldaw nga inruarnakayo ti Apo babaen iti dakkel a pannakabalinna. Dikay mangan iti tinapay nga adda lebadurana.

Exodo 13:3 Iomraidhean Croise

Genesis 15:16

Ket iti maicappat a caputotan, agsublidanto ditoy: gapu ta saan pay a napno ti kinadakes ti Amorreo.

1 Ar-ari 8:42

(Ta isuda mangngegdanto ti maipapan iti naindaclan a naganmo, ken ti mannacabalin nga imam, ken ti tackiagmo a siuunnat), no umayto ket agcararag a sumango ditoy a balay;

1 Cronicas 16:12

Lagipenyo dagiti nacascasdaaw nga ar-aramid nga inaramidna, dagiti datdatlagna, ken dagiti panangoc-ocom ti ngiwatna.

Nehemias 1:10

Ita dagitoy isuda dagiti ad-adipenmo ken ti ilim, a sinubbotmo iti dackel a pannacabalinmo, ken iti napigsa nga imam.

Nehemias 9:10

Ket intedmo dagiti pagilasinan ken datdatlag ken Faraon, ken cadagiti amin nga ad-adipenna, ken amin a tattao ti dagana; ta ammom idi a nagaramidda a sipapalangguad unay a maibusor cadacuada, ket nanagananca iti maysa a nagan, a cas itoy nga aldaw.

Dagiti Salmo 105:5

Lagipenyo dagiti nacascasdaaw nga ar-aramid nga inaramidna, dagiti datdatlagna, ken dagiti panangikeddeng ti ngiwatna,

Dagiti Salmo 114:1

Idi a pimmanaw ti Israel idiay Egipto, ti balay ni Jacob nanipud iti umili a gangannaet ti pagsasaona;

Dagiti Salmo 136:11

Ken nangilapsut iti Israel cadacuada; ta ti kinamanagayatna agnanayon:

Dagiti Salmo 136:12

A sibibileg ti imana, ken sidedeppa dagiti tackiagna; ta ti kinamanagayatna agnanayon:

Dagiti Salmo 89:14

Ti kinalinteg ken kinajusticia isuda ti pamuun ta tronom: ti kinamanagayat ken kinapudno akinparupada ita sangoanam.

Exodo 12:15

Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:17

Ket ngilinenyonto ti fiesta ti tinapay nga awan levadurana; ta iti daytoy met laeng nga aldaw, innalac dagiti buybuyotyo iti daga nga Egipto: gapuna nga ngilinenyonto daytoy nga aldaw a pagalagadan nga agnanayon agpapan putputotyo.

Exodo 12:19

Bayat dagiti pito nga al-aldaw awanto ti masaracan a levadura cadagiti balbalayyo: ta siasinoman a mangan iti nalevaduraan, dayta a tao maipusayto iti gimong ti Israel, gangannaet man wenno umili iti daga.

Exodo 12:2

Dagitoy a bulan isunto cadacayo ti pangrugian dagiti bulbulan: isunto cadacayo ti umuna a bulan iti tawen.

Exodo 12:41

Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Exodo 12:42

Isu ti rabii a panagngilin a cangronaan ken Jehova gapu iti panangilapsotna cadacuada iti daga nga Egipto: daytoy ti rabii ni Jehova, ipangrona a ngilinen amin dagiti annac ti Israel cadagiti amin a caputotanda.

Exodo 12:8

Ket iti daydiay a rabii canendanto ti lasag a matuno iti apuy, ken tinapay nga awan levadurana; ipangandanto cadagiti natnateng a napait.

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 20:8

Laglagipem ti aldaw a panaginanana tapno santificarem.

Exodo 23:15

Ti fiesta ti tinapay nga awan levadurana ngilinemto: cadagiti pito nga al-aldaw canemto ti tinapay a di nalevaduraan, cas imbilinco kenca, iti natudingan nga aldaw ti bulan nga Abib (ta isu idi ti ipapanawmo sadi Egipto); ket awanto ti dumatag nga ima-ima iti sangoc.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 34:18

Ti pannacafiesta ti tinapay a di-nalevaduraan ngilinemto. Cadagiti pito nga aldaw mangancanto iti di-nalevaduraan a tinapay, cas imbilinco kenca, iti aldaw a natudingan iti bulan ti Abib; ta iti bulan nga Abib ti ipapanawmo sadi Egipto.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Jeremias 34:13

Castoy ti cuna ni Jehova, a Dios ti Israel: Nakitulagac cadagiti ammayo idi aldaw a panangaonco cadacuada iti daga nga Egipto, iti balay ti nacaadipnan, a kinunac,

Daniel 9:15

Ita ngarud, O Apo a Diosmi, nga inaonmo ti ilim iti daga nga Egipto babaen ti mannacabalin nga imam, ket nacagun-odca iti dayaw, a cas itoy nga aldaw; nagbasolcami, nangaramidcami a sidadangkes.

San Mateo 10:12

Ket no sumreccayo iti balay, agcablaawcayo.

San Lucas 22:19

Ket innalana ti tinapay, ket idi nacapagyamanen pinisina ket intedna cadacuada a kinunana: Daytoy isu ti bagic, a maited gapu cadacayo: aramidenyo daytoy a panglaglagip caniac.

1 Taga-Corinto 11:24

Ket idi a nacapagiamanen pinisina ket kinunana: Alaenyo, kanenyo. Daytoy ti bagic a mapisi gapu cadacayo. Aramidenyo daytoy a panglaglagip caniac.

1 Taga-Corinto 5:8

Iti casta ngarud ngilinentayo ti fiestatayo; saan a buyugen ti baac a levadura, saan met nga iti levadura ti panagipato ti dakes ken ti kinadakes, no di ket iti awan levadurana a tinapay ti kinadalus ti nakem ken kinapudno.

Taga-Efeso 1:19

Ken no ania a naindaclan unay ti pannacabalinna, cadatayo a mamati cas iti panagar-aramid ti pigsa ti pannacabalinna.

Deuteronomio 13:10

Ket uburemto iti batbato inggana iti di matay; gapu ta rinantanaca a pagsanuden ken Jehova a Diosmo a nangaon kenca iti daga nga Egipto nanipud iti balay ti nacaadipnan.

Deuteronomio 13:11

Ket amin ti Israel denggennanto, ket agbutengto, ket dinto agararamiden iti uray ania a kinadakes cas daytoy iti tengngam.

Deuteronomio 13:5

Ket daydiay mammadles wenno managparparmata iti darepdep, mapapatayto; gapu ta nagsao iti panaglicud a maicaniwas ken Jehova a Diosyo a nangaon kenca iti daga nga Egipto, ken nangsubbot kenca nanipud iti balay ti nacaadipnan, tapno ilisinaca iti dalan a ni Jehova imbilinna kenca a pagdalanam. Casta ti panangiwacsimto iti kinadakes iti tengngam.

Deuteronomio 13:6

No ti cabsatmo a lalaki, nga anac ni inam, wenno ti anacmo a lalaki, wenno ti anacmo a babai, wenno ti asawa a babai ti barucongmo, wenno ti gayyemmo nga isu ti cas iti cararuam met laeng, aliugennaca iti nalimed, a cunana, Intan ket agservita iti sabsabali a didios a dica naammoan, sica wenno dagiti ammam:

Deuteronomio 15:15

Ket sica laglagipemto a maysaca met nga adipen idi iti daga nga Egipto, ket ni Jehova a Diosmo sinubbotnaca; isu ti gapuna nga ibilinco kenca daytoy ita nga aldaw.

Deuteronomio 16:1

Ngilinem ti bulan nga Abib, ket salimetmetam ti pascua ken Jehova a Diosmo; ta iti bulan nga Abib ni Jehova a Diosmo impanawnaca sadi Egipto iti rabii.

Deuteronomio 16:12

Ket laglagipemto a maysaca met idi nga adipen sadi Egipto: ket tungpalemto ken aramidem dagitoy a al-alagaden.

Deuteronomio 16:3

Dicanto mangan iti tinapay a nalevaduraan; pito nga aldaw a manganto iti awan levadurana a tinapay nga isu ti tinapay ti panagladingit; ta sica nadaras ti pannacaipanawmo sadiay daga nga Egipto: tapno malagipmo ti aldaw a pannacaaonmo iti daga nga Egipto iti isu-amin nga al-aldaw ti panagbiagmo.

Deuteronomio 24:18

Ngem laglagipemto a maysaca idi nga adipen idiay Egipto ket ni Jehova a Diosmo sinubbotnaca sadiay: isu ti gapuna nga ibilinco kenca nga aramidem daytoy a banag.

Deuteronomio 24:22

Ket laglagipemto a maysaca nga adipen idi iti daga nga Egipto: isu ti gapuna nga ibilinco kenca nga aramidem daytoy a banag.

Deuteronomio 26:8

Ket iti maysa nga ima a mannacabalin ken tackiag a sinuunnat, ken dackel a nacakigkigtot, ken dagiti pagilaslasinan, ken dagiti nacascasdaaw ti pinangaon ni Jehova cadatayo sadi Egipto;

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

Deuteronomio 5:15

Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

Deuteronomio 5:6

Siac ni Jehova a Diosmo, a nangaon kenca iti daga nga Egipto, iti balay ti nacaadipnan.

Deuteronomio 6:12

Agaluadca ngarud di la ket ta malipatam ni Jehova, a nangaon kenca iti daga nga Egipto, nanipud iti balay ti nacaadipnan.

Deuteronomio 6:21

Saoemto ngarud iti anacmo, Dacami idi dagiti ad-adipen ni Faraon sadi Egipto: ket ni Jehova inaonnacami sadi Egipto iti maysa a mannacabalin nga ima:

Deuteronomio 7:8

Ngem gapu ta ni Jehova ay-ayatennacayo ken gapu ta salimetmetanna ti cari nga insapatana cadagiti ammayo, iti ima a mannacabalin ti pinangaon ni Jehova cadacayo, ken pinangsubbotna cadacayo nanipud iti balay ti nacaadipnan iti ima ni Faraon nga ari ti Egipto.

Deuteronomio 8:14

Iti casta ti pusom timmangsiten ket malipatamto ni Jehova a Diosmo a nangaon kenca iti daga nga Egipto, a nangipanaw kenca iti balay ti nacaadipnan;

Deuteronomio 9:12

Ket ni Jehova kinunana caniac, Tumacderca ket sumalogca ditoy nga agdardaras; ta ti ilim nga impanawmo sadi Egipto dimmakesda; iti apagbiit unay naglisianda ti dalan nga imbilinco cadacuada; isuda inyaramidanda ti bagbagida iti sinucog a ladawan.

Josue 24:17

Ta ni Jehova a Diostayo, isu ti nangaon cadatayo ken cadagiti ammatayo nanipud daga ti Egipto, nanipud iti balay ti pannacaadipen, isu nga iti imatangmi nangaramid cadagiti dadackel a pagilasinan, ken nangsalacnib cadacami iti amin a dalan isu a nagnaanmi; ken cadagiti il-ili isuda a linasatmi;

Uk-ukom 2:12

Ket isuda inidianda ni Jehova, a Dios dagiti ammada, a nangaon idi cadacuada nanipud iti daga ti Egipto, ket simmurotda cadagiti sabsabali a didios, a didios dagiti il-ili nga aglicmut cadacuada, ket nagrucnoyda cadacuada: ken isuda ginargarida nga agpungtot ni Jehova.

Uk-ukom 6:8

Ni Jehova nangibaon iti maysa a mammadto cadagiti annac ti Israel: ket isu kinunana cadacuada, Castoy ti cuna ni Jehova a Dios ti Israel, Siac inaoncayo nanipud Egipto ken innalacayo iti balay ti nacaadipnan;