Exodo 13:21 - Ti Biblia (1973)

²¹ Ket ni Jehova nagna iti sangoda iti maysa a monmon nga ulep a mangiturong cadacuada iti dalan ket no iti rabii iti maysa a monmon nga apuy, tapno lawaganna ida; tapno macapagnada iti aldaw ken iti rabii:

Ti Baro a Naimbag a Damag Biblia

²¹ Iti aldaw, indalan ida ni Yahweh babaen iti monmon nga ulep ket iti rabii, lawaganna ida babaen iti monmon nga apuy. Iti kasta, mabalinda ti magna iti aldaw ken iti rabii.

Exodo 13:21 Iomraidhean Croise

Nehemias 9:12

Maysa pay iti maysa a monmon nga ulep indalanmo ida iti aldaw; ken iti maysa a monmon nga apuy iti rabii, tapno lawagam ida iti dalan a pagnaanda coma.

Nehemias 9:19

Nupay casta sica cadagiti nawadwad a kinamanangngaasim dica indian ida idiay let-ang: ti monmon nga ulep saan a pinanawan iti rabawda iti aldaw, tapno iturongna ida iti dalan; uray ti monmon nga apuy iti rabii, tapno iparangarangna cadacuada ti lawag, ken ti dalan a pagnaanda coma.

Dagiti Salmo 105:39

Nangibistrad iti ulep a pannacaabbongda, ken apuy a mangraniag iti rabii.

Dagiti Salmo 68:7

O Dios, idi impangoloam ti ilim, idi naglasatca iti let-ang; (Selah)

Dagiti Salmo 77:20

Impangoloam ti ilim a cas maysa a pangen, babaen ti panangibin da Moises ken Aaron.

Dagiti Salmo 78:14

Iti aldaw inturturongna met ida babaen ti maysa nga ulep, ket bayat ti agpatnag iti lawag ti apuy.

Dagiti Salmo 99:7

Nagsao cadacuada iti monmon nga ulep: sinalimetmetanda dagiti pammanecnecna, ken ti nagbilinan nga intedna cadacuada.

Exodo 10:10

Ket kinunana cadacuada, Adda ngarud ni Jehova cadacayo, ta palubosancayto ken dagiti babassityo: agaluadcayo; ta dakes ti adda iti sangoananyo.

Exodo 16:10

Ket naaramid nga idi nga agsasaon ni Aaron iti amin a gimong dagiti annac ti Israel, kimmitada iti agpalet-ang, ket, adtoy, ti dayag ni Jehova nagparang iti ulep.

Exodo 32:1

Ket idi a dagiti tattao nakitada a ni Moises nagbayag idin a di sumalog iti bantay, dagiti tattao nagpupunipunda ken Aaron, ket kinunada kencuana, Ala, yaramidannacami cadagiti didiosen, a mapanto iti sangoananmi; ta daytoy a Moises a lalaki a nangipanaw cadacami iti daga nga Egipto, dicami ammo no ania ti napasamac kencuana.

Kanta ni Solomon 3:6

Asino daytoy sumang-at nga aggapu idiay let-ang a cas cadagiti monmon ti asuc, a nabangbangloan iti mirra ken incienso, cadagiti amin a polvos ti agtagtagilaco?

Numero 10:34

Ket ti ulep ni Jehova nagyan iti ngatoenda iti aldaw idi a nagluasda nanipud iti nagpacpacarsoanda.

Numero 14:14

Ket ibagadanto cadagiti agnaed ditoy a daga: isuda ammoda a sica a Jehova addaca iti tengnga daytoy a ili; ta sica a Jehova makitadaca iti nalatac, ket ti ulepmo agtindec iti ngatoenda, ket mapanca iti sangoda, iti maysa a monmon nga ulep no aldaw, ken maysa a monmon nga apuy no rabii.

Deuteronomio 1:33

Isu immuna cadacayo iti dalan tapno cumita iti disso a pamangonanyo iti toltoldayo, iti apuy iti rabii tapno maipamatmat cadacayo ti dalan a pagnaanyo, ken iti ulep iti aldaw.

Deuteronomio 31:8

Ket ni Jehova isu ti mapan iti sangoanam: isu ti cumuyogto kenca, isu dinto agcurang kenca, wenno di-met agliway kenca: dica agbuteng, wenno agcullayaw.