Exodo 12:8 - Ti Biblia (1973)

⁸ Ket iti daydiay a rabii canendanto ti lasag a matuno iti apuy, ken tinapay nga awan levadurana; ipangandanto cadagiti natnateng a napait.

Ti Baro a Naimbag a Damag Biblia

⁸ Iti dayta a rabii, masapul a maletson ti urbon ket maipangan ti karnena iti tinapay nga awan lebadurana ken iti nateng a napait.

Exodo 12:8 Iomraidhean Croise

2 Cronicas 35:13

Ket tinonoda ti pascua iti apuy a mayalubog iti annuruten: ket dagiti nasantoan a datdaton linutoda cadagiti bangbanga, ken cadagiti calcaldero, ken cadagiti parparioc, ket impanda ida a nadaras cadagiti amin nga annac ti umili.

Dagiti Salmo 22:14

Naibucbucac a cas danum, ket amin dagiti tulangco nangalangalda: toy pusoc cas allid; malunag ditoy unegco.

Exodo 1:14

Ket pinapaitda ti panagbiagda iti nacaro a pannacaadipen, iti panagmasa ken panagladrillo, ken amin a kita ti pacaaramatan iti talon, amin nga aramidda, isu a pinangadipenda iti napalalo cadacuada.

Exodo 12:9

Dicayo cidaen daydiay naata, wenno liningta iti danum, no di laeng natuno iti apuy; uray pay ti olona agraman sacsacana ken lalaemna.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 13:7

Cadagiti pito nga aldaw macanto ti tinapay nga awan levadurana; ket awanto a masaracan kenca ti awan levadura a tinapay, wenno saanto a makita kenca ti levadura iti amin a beddengmo.

Exodo 23:18

Dica mangipaay iti dara ti datonco agraman tinapay a nalevaduraan; dinto met mabaybay-an ti taba ti fiestac iti agpatnag agingga iti bigat.

Exodo 34:25

Dicanto idatag ti dara ti daton caniac a mapacuyogan iti tinapay a nalevaduraan; ti daton ti fiesta ti pascua dinto met mabigatan.

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Amos 4:5

Ket yawatyo ti daton ti panagyaman daydiay nalevaduraan, ket iwarragawagyo dagiti datdaton ti sibubulos a nakem, ket ipuccawyo ida, ta daytoy ti macaay-ayo cadacayo, O dacayo annac ti Israel, cuna ni Apo Jehova.

Zacarias 12:10

Ket mangibuyatacto iti balay ni David, ken cadagiti agnaed iti Jerusalem, iti espiritu ti parabur ken ti cararag: ket cumitadanto caniac a dinuyucda; ket agdung-awdanto a gapu kencuana, a cas iti agdung-aw a gapu iti bugbugtong nga anacna a lalaki, ket addanto kinapait a gapu kencuana, a cas iti addaan iti kinaladingit a gapu iti inauna nga anacna.

San Mateo 16:12

Idin naawatanda a saan a nagsao cadacuada nga agaluadda iti levadura ti tinapay, no diket iti sursuro dagiti Fariseo ken Saduceo.

San Mateo 26:26

Ket idi mangmanganda, ni Jesus nangala ti maysa a tinapay, ket binendicionanna, ket pinisina, ket intedna cadagiti adalan, ket kinunana: Alaenyo, canenyo; daytoy isu ti bagic.

Taga-Galacia 5:9

Ti bassit a Levadura pabussogenna ti amin a masa.

Deuteronomio 16:7

Ket sica agtonocanto, ket canemto iti disso a ni Jehova a Diosmo piliennanto: ket agsublicanto iti bigat a mapan iti toltoldam.

1 Taga-Tesalonica 1:6

Ket nagbalincayo a tumutulad cadacami ken iti Apo, nga inawatyo ti sao a nabuyugan ti adu a rigat, agraman ragsac ti Espiritu Santo;