Exodo 12:51 - Ti Biblia (1973)

⁵¹ Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.

Ti Baro a Naimbag a Damag Biblia

⁵¹ Iti dayta nga aldaw, inruar ni Yahweh dagiti amin a puli dagiti Israelita idiay Egipto.

Exodo 12:51 Iomraidhean Croise

Genesis 50:24

Ket ni Jose kinunana cadagiti cacabsatna, Matayac; ngem ti Dios sarungcarannacayto a di bumurong, ket pasangatennacayto ditoy a daga a mapan iti daga nga incarina a sisasapata ken Abraham, ken Isaac, ken Jacob.

1 Ar-ari 6:1

Ket naaramid iti maicapat a gasut ket walopulo a tawen iti calpasan ti ipapanaw dagiti annac ti Israel iti daga nga Egipto, iti maicapat a tawen iti panagari ni Salomon iti Israel, iti bulan a Zif, nga isu ti maicadua a bulan, nga isu inrugina a pinutar ti balay ni Jehova.

2 Cronicas 14:12

Iti casta ni Jehova kinabilna dagiti Etiopes iti sango ni Asa, ken iti sango ti Juda; ket dagiti Etiopes nagtarayda.

Dagiti Salmo 114:1

Idi a pimmanaw ti Israel idiay Egipto, ti balay ni Jacob nanipud iti umili a gangannaet ti pagsasaona;

Dagiti Salmo 136:11

Ken nangilapsut iti Israel cadacuada; ta ti kinamanagayatna agnanayon:

Exodo 12:41

Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Exodo 12:50

Casta ti panagaramid amin dagiti annac ti Israel; cas panangilbilin idi ni Jehova cada Moises ken Aaron, casta ti inaramidda.

Exodo 13:1

Ket ni Jehova nakisao ken Moises a cunana,

Exodo 16:1

Ket inyussuatda ti pananagnada nanipud Elim, ket amin ti gimong dagiti annac ti Israel dimtengda iti let-ang a Sin, nga adda iti nagbaetan ti Elim ken Sinai, iti maicasangapulo ket lima nga aldaw ti maicadua a bulan calpasan ti panagtalawda iti daga nga Egipto.

Exodo 19:1

Iti maicatlo a bulan a calpasan ti ipapanaw dagiti annac ti Israel idiay daga nga Egipto, daydi met la nga aldaw dimtengda iti let-ang ti Sinai.

Exodo 3:8

Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Exodo 6:26

Dagitoy isuda met laeng da Aaron ken Moises a nagcunaan ni Jehova, Alaenyo dagiti annac ti Israel idiay daga nga Egipto a cas mayannurot iti bungoyda.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Levitico 23:43

Tapno dagiti putputotyo ammoenda a pinagnaedco dagiti annac ti Israel cadagiti toltolda, idi nga inaonco ida iti daga nga Egipto; siac ni Jehova a Diosyo.

Amos 2:10

Ket castamet siac inaoncayo iti daga ti Egipto, ket indalancayo bayat iti uppat a pulo a tawen iti let-ang, tapno tagicuaenyo ti daga ti Amorreo.

Mikias 6:4

Ta inaonca iti daga ti Egipto, ket sinubbotca iti balay ti pannacaadipen; ket imbaonco iti sangoanam da Moises, Aaron, ken Miriam.

Numero 23:22

Ti Dios aonenna ida iti Egipto; Isu addaan iti cas pigsa ti vaca a naatap.

Numero 26:4

Bilangenyo, manipud agtawen iti duapulo ken agpangato; cas ni Jehova imbilinna ken Moises, ken cadagiti annac ti Israel, dagidiay rimmuar iti daga nga Egipto.

Numero 33:1

Dagitoy dagiti nagnagnaan dagiti annac ti Israel idi pimmanada iti daga nga Egipto iti binuyonbuyotda, babaen ti ima da Moises ken Aaron.

Dagiti Aramid 13:17

Ti Dios daytoy ili nga Israel pinilina dagiti ammatayo, ket intan-ocna ti ili idi nagtaengda idiay Egipto, ket iti nabileg a tackiagna inruarna ida idiay.

Deuteronomio 16:1

Ngilinem ti bulan nga Abib, ket salimetmetam ti pascua ken Jehova a Diosmo; ta iti bulan nga Abib ni Jehova a Diosmo impanawnaca sadi Egipto iti rabii.

Deuteronomio 4:37

Ket gapu ta inay-ayatna dagiti ammam, a pinilina dagiti putotda a simmono cadacuada, ket iti caaddana, ken iti dackel a pannacabalinna, inaonnaca iti Egipto;

Josue 24:5

Ket imbaonco ni Moises, ken ni Aaron, ket dinidigrac idi ti Egipto, cas mayannurot iti daydi nga inaramidco iti tengngana: ket iti calpasanna inaoncayo.

San Judas 1:5

Tarigagayac ngarud nga ipalagip cadacayo, idinto nga ammoyon amin a ti Apo, idinto nga inaonna ti maysa nga Ili idiay daga ti Egipto, calpasanna pinucawna dagiti saan a namati.