Exodo 12:41 - Ti Biblia (1973)

⁴¹ Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Ti Baro a Naimbag a Damag Biblia

⁴¹ Iti aldaw a naggibus ti 430 a tawen, pimmanaw dagiti amin a tattao ni Yahweh iti dayta a pagilian.

Exodo 12:41 Iomraidhean Croise

Genesis 50:24

Ket ni Jose kinunana cadagiti cacabsatna, Matayac; ngem ti Dios sarungcarannacayto a di bumurong, ket pasangatennacayto ditoy a daga a mapan iti daga nga incarina a sisasapata ken Abraham, ken Isaac, ken Jacob.

1 Ar-ari 6:1

Ket naaramid iti maicapat a gasut ket walopulo a tawen iti calpasan ti ipapanaw dagiti annac ti Israel iti daga nga Egipto, iti maicapat a tawen iti panagari ni Salomon iti Israel, iti bulan a Zif, nga isu ti maicadua a bulan, nga isu inrugina a pinutar ti balay ni Jehova.

2 Cronicas 14:12

Iti casta ni Jehova kinabilna dagiti Etiopes iti sango ni Asa, ken iti sango ti Juda; ket dagiti Etiopes nagtarayda.

Dagiti Salmo 102:13

Bumangoncanto, ket caasiamto ti Sion; ta batangnan ti panangaasi kencuana, wen, ti natudingan a tiempo dimtengen.

Dagiti Salmo 114:1

Idi a pimmanaw ti Israel idiay Egipto, ti balay ni Jacob nanipud iti umili a gangannaet ti pagsasaona;

Dagiti Salmo 136:11

Ken nangilapsut iti Israel cadacuada; ta ti kinamanagayatna agnanayon:

Exodo 12:17

Ket ngilinenyonto ti fiesta ti tinapay nga awan levadurana; ta iti daytoy met laeng nga aldaw, innalac dagiti buybuyotyo iti daga nga Egipto: gapuna nga ngilinenyonto daytoy nga aldaw a pagalagadan nga agnanayon agpapan putputotyo.

Exodo 12:51

Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:16

Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Exodo 3:10

Umayca ngarud ita, ket ibaoncanto ken Faraon tapno ipanawmo ti ilic nga annac ti Israel iti Egipto.

Exodo 3:8

Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Exodo 6:26

Dagitoy isuda met laeng da Aaron ken Moises a nagcunaan ni Jehova, Alaenyo dagiti annac ti Israel idiay daga nga Egipto a cas mayannurot iti bungoyda.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Daniel 9:24

Pitopulo a lawas naikeddengda cadagiti tattaom ken iti nasantoan nga ilim a pangleppas iti salungasing, ken panangaramid iti panungpalan dagiti basbasol, ken panangaramid iti panagcacappia gapu iti kinadakes, ken mangyeg iti agnanayon a kinalinteg, ken pangselloan iti sirmata ken padto, ken mangpulot iti casantoan.

Levitico 23:43

Tapno dagiti putputotyo ammoenda a pinagnaedco dagiti annac ti Israel cadagiti toltolda, idi nga inaonco ida iti daga nga Egipto; siac ni Jehova a Diosyo.

Habakuk 2:3

Ta ti sirmata agpaay pay laeng iti nadutocan a pannawen, ken agsiglat a tumorong iti pannacatungpal, ket saanto nga agulbod: nupay no agtactac, isu urayem; ta pudno nga umayto, a dinto agbayag.

Numero 23:22

Ti Dios aonenna ida iti Egipto; Isu addaan iti cas pigsa ti vaca a naatap.

Numero 33:1

Dagitoy dagiti nagnagnaan dagiti annac ti Israel idi pimmanada iti daga nga Egipto iti binuyonbuyotda, babaen ti ima da Moises ken Aaron.

San Juan 7:8

Sumang-atcayo iti fiesta; siac diac pay sumang-at itoy a fiesta, ta ti aldawco saan pay a dimteng.

Dagiti Aramid 1:7

Ket kinunana cadacuada: Saan a maibatang cadacayo ti panangammo cadagiti aldaw wenno cadagiti tiempo nga intalimeng ti Ama iti pannacabalinna a bucbucod.

Dagiti Aramid 7:36

Daytoy a tao inruarna ida idinto a nagaramid cadagiti nacascasdaaw ken datdatlag idiay Egipto ken idiay taaw a Nalabaga, ken idiay let-ang iti uppat a pulo a tawen.

Deuteronomio 16:1

Ngilinem ti bulan nga Abib, ket salimetmetam ti pascua ken Jehova a Diosmo; ta iti bulan nga Abib ni Jehova a Diosmo impanawnaca sadi Egipto iti rabii.

Deuteronomio 4:37

Ket gapu ta inay-ayatna dagiti ammam, a pinilina dagiti putotda a simmono cadacuada, ket iti caaddana, ken iti dackel a pannacabalinna, inaonnaca iti Egipto;

Josue 24:5

Ket imbaonco ni Moises, ken ni Aaron, ket dinidigrac idi ti Egipto, cas mayannurot iti daydi nga inaramidco iti tengngana: ket iti calpasanna inaoncayo.

Josue 5:14

Ket isu kinunana, Saan; ngem siac cas principe ti buyot ni Jehova nga umayac ita. Ket ni Josue nagpacleb iti daga, ket nagdaydayaw, ket kinunana kencuana, Ania ti cuna ni Apoc iti adipenna?