Exodo 12:21 - Ti Biblia (1973)

²¹ Idin ni Moises inumongna amin a lallacay ti Israel, ket kinunana cadacuada, Incayo ket mangalacayo cadagiti corderoyo cas mayannurot cadagiti famfamiliayo, ket partienyo ti pascua.

Ti Baro a Naimbag a Damag Biblia

²¹ Inummong ni Moises dagiti amin a panglakayen ti Israel. “Pumili ti tunggal maysa kadakayo iti urbon ti karnero wenno kalding ket patayenyo tapno rambakan ti familiayo ti Paskua,” kinunana kadakuada.

Exodo 12:21 Iomraidhean Croise

2 Ar-ari 23:21

Ket ti ari nagbilin iti isu-amin a umili, a kinunana, Ngilinenyo ti pascua ken ni Jehova a Diosyo, a cas naisurat iti daytoy a libro ti tulag.

ESDRAS 6:20

Ta dagiti papadi ken dagiti Levitas naggugorda a nagtitipon; nadalusda amin idi: ket pinartida ti pascua gapu cadagiti amin nga annac ti pannacacayaw, ken cadagiti cacabsatda a papadi, ken gapu cadacuada met laeng.

Exodo 12:11

Ket castoy pannanganyonto: sibabarikescayo, sisazapatos ken siiggem cayo iti sarucod; ket canenyonto a madaras: isu ti pascua ni Jehova.

Exodo 12:20

Uray amin a nalevaduraan dicayto canen; cadagiti amin a pagyananyo mangancayonto iti tinapay nga awan levadurana.

Exodo 12:3

Saoenyo iti dagup ti gimong ti Israel, a cunayo, Iti maicapulo nga aldaw itoy a bulan mangaladanto tunggal maysa a lalaki iti maysa a famfamilia dagiti ammada, maysa a cordero iti sangacabbalayan:

Exodo 17:5

Ket ni Jehova kinunana ken Moises, Inca iti sango dagiti tattao, ket icuyogmo ti dadduma cadagiti lallacay ti Israel; ket ti sarucodmo isu a pinangdidigram idi carayan, igganam, ket inca.

Exodo 19:7

Ket ni Moises immay ket pinaayabanna dagiti lallacay ti ili, ket inyulitna iti sangoda amin dagitoy a sasao a ni Jehova imbilinna kencuana.

Exodo 3:16

Inca, ket gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, Kinapudnona a sinarungcarancayon, ket nakitac ti maaramid cadacayo iti Egipto:

Numero 11:16

Ket ni Jehova kinunana ken Moises, Ummongem iti yanco ti pitopulo a lallaki cadagiti lallacay ti Israel, nga ammom nga isuda ti calalacayan ti ili ken agturay cadacuada; ket yegmo ida iti tolda ti gimong tapno makipagyanda kenca idiay.

1 Taga-Corinto 10:4

Ket imminumda amin iti daydiay met la nga inumen a naespirituan; ta imminumda iti daydiay a bato a naespirituan a sumursurot cadacuada idi: ket daydi a bato isu idi ni Cristo.

Hebreo 11:28

Gapu iti pammati rinambacanna ti Pascua ken ti pannacaiwarsi ti dara, tapno daydiay mangdadael cadagiti inauna nga annac saanna coma ida a sagiden.

Josue 5:10

Ket dagiti annac ti Israel nagpacarsoda idiay Gilgal; ket nagpascuada idi maicasangapulo ket uppat nga aldaw ti bulan iti rumabii cadagiti tantanap ti Jerico.