Exodo 12:16 - Ti Biblia (1973)

¹⁶ Ket iti umuna nga aldaw addanto ti maysa a nasantoan a panagguurnong, cadacayo ken iti maicapito nga aldaw, ti maysa a nasantoan a panagguurnong, awanto ti uray ania nga ar-aramid cadagidiay nga al-aldaw, dagidiay laeng dagiti agservi a canen ti tunggal tao, daytoy laeng ti maipalubos cadacayo.

Ti Baro a Naimbag a Damag Biblia

¹⁶ Iti umuna nga aldaw, masapul nga adda nasantoan a panaggigimongyo; kastanto manen ti aramidenyo iti maikapito nga aldaw. Dikay agtrabaho kadagita nga aldaw, ngem mabalinyo ti agisagana iti kanenyo.

Exodo 12:16 Iomraidhean Croise

Exodo 16:23

Ket isu kinunana cadacuada, Daytoy ti imbaga ni Jehova, Intono bigat isu ti nadaeg a panaginana, maysa nga nasantoan nga aldaw ti panaginana ken Jehova: Yhornoyo ti yhornoyonto, ket ipaburecyo ti ipaburecyonto; ket amin a matda a suroc, tarimaanenyo a maipaay cadacayo tapno maidulin agingga iti bigat.

Exodo 16:29

Kitaenyo, ta ni Jehova intedna cadacayo ti panaginana, isu ti gapuna nga itedna cadacayo iti maicanem nga aldaw ti canen a tumutop cadagiti dua nga aldaw; agtaengcayo, tumunggal maysa a tao, iti dissona: awan coma ti rumuar iti ayanna iti maicapito nga aldaw.

Exodo 16:5

Ket maaramidto nga iti maicanem nga aldaw, agsaganadanto iti isangpetda, ket rebbbengna a mamindua ti ummongenda cas iti inaldaw a panagurnong.

Exodo 20:10

Ngem ti maicapito nga aldaw isu ti maysa a panaginana ken Jehova, a Diosmo: iti dayta nga aldaw, dica agtrabajo iti uray ania, sica, wenno ti anacmo a lalaki, wenno ti anacmo a babai, wenno ti adipenmo a lalaki, wenno ti adipenmo a babai, wenno dagiti animalmo, wenno ti gangannaetmo nga adda iti uneg dagiti ruanganmo:

Exodo 34:18

Ti pannacafiesta ti tinapay a di-nalevaduraan ngilinemto. Cadagiti pito nga aldaw mangancanto iti di-nalevaduraan a tinapay, cas imbilinco kenca, iti aldaw a natudingan iti bulan ti Abib; ta iti bulan nga Abib ti ipapanawmo sadi Egipto.

Isaias 1:13

Dicay mangyegen cadagiti datdaton nga ubbaw; ti incienso maysa a macarimon caniac; ti lutuad ken aldaw a panaginana, ti panaguurnong cadagiti gimgimong, diac maanusan ti kinadangkes ken nadaeg a gimong.

Levitico 23:21

Ket aramidenyonto ti pacdaar iti dayta met laeng nga aldaw; addanto nasantoan a gimong cadacayo; dicayto agaramid ti trabajo a panggedan: isu daytoy ti alagaden nga agnanayon iti amin a balbalayyo cadagiti putputotyo iti casacbayan.

Levitico 23:27

Nupay casta, iti maicasangapulo nga aldaw ti naisao a maicapito a bulan isu ti aldaw ti pannacaabbong: isunto ti maysa a nasantoan a gimong cadacayo, ket agladingitto dagiti cararuayo; ket mangidatagcayto iti maysa a daton a maaramid iti apuy ken Jehova.

Levitico 23:35

Iti umuna nga aldaw isunto ti nasantoan a gimong; dicayto agaramid a pulos iti trabajo.

Numero 28:18

Iti umuna nga aldaw isu ti nasantoan a panaguummong; dicay agaramidto ti trabajo a panggedan;

Numero 28:25

Ket iti maicapito nga aldaw, addanto maysa a nasantoan a panaguummongyo; dicayto agaramid iti trabajo a panggedan.

Numero 28:26

Casta met iti aldaw ti umuna a bungbunga, no idatagyo ti daton a macan ken Jehova, iti fiestayo iti lawlawas, addanto maysa a nasantoan a panaguummongyo; dicayto agaramid iti trabajo a panggedan;

Numero 29:1

Ket iti maicapito a bulan, iti umuna nga aldaw ti bulan, addanto maysa a nasantoan a panaguummongyo; dicayto agaramid iti trabajo a panggedan isu ti maysa nga aldaw a panagaweng dagiti tangguyob cadacayo.

Numero 29:12

Ket iti maicasangapullo ket lima nga aldaw ti maicapito a bulan, addanto maysa a nasantoan a panaguummongyo; dicayto aramiden ti nadagsen a panagbannog, ket ngilinenyonto ti maysa a fiesta ken Jehova cadagiti pito nga aldaw:

San Juan 19:31

Dagiti Judio ngarud agsipud ta Panangisagana idi ti pascua, tapno dagiti bagi saanda a mabati idi cruz iti aldaw a panaginana (ta daydi nga aldaw dackel nga aldaw a panaginana) dinawatda ken Pilato a matuccol coma dagiti sacsacada, sada coma maiccat.

Deuteronomio 16:8

Cadagiti innem nga aldaw mangancanto iti awan levadurana a tinapay: ket itinto maicapito nga aldaw isunto ti nadaeg a panaggigimong ken Jehova a Diosmo: sica dicanto agtrabajo iti dayta.