Exodo 12:12 - Ti Biblia (1973)

¹² Ta siac agpasiaracto iti daga nga Egipto iti daydiay a rabii, ket patayecto amin dagiti annac nga inauna iti daga nga Egipto, tao man ken animal; ket aramidecto ti panangocom a maibusor cadagiti amin a didiosen ti Egipto; siac ni Jehova.

Ti Baro a Naimbag a Damag Biblia

¹² Iti dayta a rabii, sursorekto ti Egipto ket papatayek ti amin nga inauna nga annak a lallaki iti pagilian, tao man wenno animal. Dusaekto ti amin a didiosen ti Egipto. Siak ni Yahweh.

Exodo 12:12 Iomraidhean Croise

1 Cronicas 14:12

Ket nabatida idiay dagiti didiosda; ket ni David nangted iti bilin, ket dagidiay napuuranda iti apuy.

Dagiti Salmo 135:8

Isu a nangdanar iti inauna nga anac sadi Egipto, anac ti tao man ken ti animal;

Dagiti Salmo 82:1

Ti Dios agtatacder iti gimong a maipaay iti Dios; isu mangocom iti nagtengngaan dagiti didios.

Dagiti Salmo 82:6

Kinunac, Dacayo dioscayo, ket dacayo amin annacnacayo ti Cangatoan.

Dagiti Salmo 91:7

Sangaribu ti matuangto ita sikigam, ket sangapulo-ribo dita macanawanmo; ngem saanto nga umasideg kenca.

Dagiti Salmo 95:3

Ta ni Jehova isu ti naidaclan a Dios, ken naidadaclan nga ari iti ngatoen dagiti amin a didiosen.

Exodo 12:23

Ta ni Jehova agsursurto a manaplit cadagiti Egipcios; ket ti pannacakitananto iti dara nga adda iti ngato ti ruangan ken cadagiti agsumbangir a baotec, ni Jehova labsannanto dayta nga ruangan, ket dinanto ipalubos a sumrec ti agpapatay a mangcabil cadacayo cadagiti balbalayyo.

Exodo 18:11

Ita maammoac a ni Jehova dacdackel ngem dagiti isu-amin a didios; kinaagpaysona, gapu iti aramid a tinatangsit nga inaramidda maibusor met laeng cadacuada.

Exodo 21:6

Ti apona ngarud ipannanto iti Dios, ket yegnanto iti ruangan, wenno iti baotec ti ruangan; ket ti apona tebbengannanto iti lapayagna iti maysa a culucul; ket adipnennanto a cancanayon.

Exodo 22:28

Dica pagbassawangan ti Dios wenno ilunud ti maysa nga agturay cadagiti cailiam.

Exodo 6:2

Ket ti Dios nakisao ken Moises, ket kinunana kencuana, Siac ni Jehova:

Exodo 9:6

Ket iti sumaganad nga aldaw, ni Jehova inaramidna daydi; ket natayda amin dagiti an-animal ti Egipto; ngem cadagiti an-animal dagiti annac ti Israel awan ti natay nga uray maysa.

Isaias 19:1

Ti sagabaen ti Egipto. Adtoy, ni Jehova aglugan iti nasiglat nga ulep, ken umay iti Egipto: ket dagiti didiosen idiay Egipto agpigergerdanto iti sangoananna; ken ti puso ti Egipto marunawto iti tengngana.

Jeremias 43:12

Ket pasgedacto ti apuy cadagiti balbalay dagiti diosen ti Egipto; ket puurannanto ida, ket ipannanto ida a nacayawan: ket cawesannanto ti bagina met laeng iti daga nga Egipto, cas la iti panagcawes ti maysa a pastor; ket rumuarto sadiay a sitatalna.

Jeremias 43:13

Burakennanto met dagiti monmon ti Bet-semes, nga adda iti daga nga Egipto; ket dagiti balbalay dagiti diosen ti Egipto puurannanto iti apuy.

Jeremias 46:25

Ni Jehova dagiti buybuyot, a Dios ti Israel, cunana, Adtoy, dusaecto ni Amon a taga No, ken Faraon, ken Egipto, agraman cadagiti diosenna, ken ar-arina; ni met laeng Faraon ken dagiti agtalec kencuana;

Ezekiel 12:16

Ngem ispalecto ti sumagmamano a lallaki cadacuada iti campilan, iti bisin, ken iti angol; tapno ipalawagda coma dagiti amin a kinarimonda iti nagtengngaan dagiti nasnacion a pacadanonanda; ket mabigbigdanto a siac ni Jehova.

Amos 5:17

Ket cadagiti amin a cauvasan addanto dung-aw; ta lumasatacto iti nagtengngaam, cuna ni Jehova.

Sofonias 2:11

Ni Jehova nacakigkigtotto cadacuada; ta bisinannanto dagiti isu-amin a didios ti daga; ket dagiti tattao agdaydayawdanto kencuana, ti tumunggal maysa manipud iti dissona, isu-amin met laeng a purpuro dagiti nasnacion.

Numero 33:4

Bayat a dagiti taga Egipto agiponponda idi cadagiti inauna nga annacda a dinadael ni Jehova iti nagtengngaanda; a ni Jehova inaramidna met ti panangocom cadagiti didiosda.

1 Samuel 5:3

Ket idi a dagiti taga Asdod bimmangonda a nasapa iti bigat, adtoy, ni Dagon natnag idi a napacleb iti daga iti sango ti lacasa ni Jehova. Ket isuda innalada ni Dagon, ket isu insaadda manen idi lugarna.

1 Samuel 6:5

Gapuna a mangaramidcayo cadagiti ladawan dagiti bosbosaliyo, ken ladawan dagiti marabutityo nga agdadael iti daga; ket dacayo mangtedcayto iti dayaw iti Dios ti Israel: bareng no palag-anannanto ti imana cadacayo, ken cadagiti isu-amin a didiosyo, ken iti isu-amin a dagayo.