Exodo 11:6 - Ti Biblia (1973)

⁶ Ket addanto dackel nga ariwawa iti amin a daga ti Egipto, nga idi caanoman di naaramid ket uray ca-anoman awanton ti casta.

Ti Baro a Naimbag a Damag Biblia

⁶ Iti entero nga Egipto, addanto napigsa a dung-aw a di pay nangnangngeg idi wenno mangngeganto manen.

Exodo 11:6 Iomraidhean Croise

Exodo 11:7

Ngem iti maibusor iti siasinoman cadagiti annac ti Israel awan ti aso a mangtignayto iti dilana, uray maibusor iti tao wenno animal: tapno maammoanyo nga isalsaluminana ni Jehova ti Israel cadagiti Egipcios.

Exodo 12:30

Ket bimmangon idi nga rabii ni Faraon, isu, ken amin dagiti ad-adipenna, ken amin dagiti Egipcios; ket adda idi naindaclan nga ariwawa sadiay Egipto; ta awan idi ti balay nga di adda natay.

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Exodo 9:18

Adtoy, intono bigat iti castoy nga horas, pagtudoecto iti uraro a macasemsem unay, a di pay naaramid ditoy Egipto nanipud iti pannacabangonna agpapan ita.

Dagiti Proverbio 21:13

Siasinoman a mangapput cadagiti lapayagna iti ickis ti napanglaw, isu umkisto met, ngem dinto maipangag.

Isaias 15:8

Ta ti ariwawa naglicmut cadagiti beddeng ti Moab; ti dung-awna dimmanon iti Eglaim, ken ti dung-awna dimmanon iti Beer-elim.

Isaias 19:16

Iti dayta nga aldaw dagiti lallaki ti Egipto casladanto la babbai; ket agpigergerdanto ken agbutengdanto iti panaggungon ti ima ni Jehova dagiti buybuyot, isa a pangbusorna cadacuada.

Jeremias 31:15

Castoy ti cuna ni Jehova: Mangngegan ti timec sadi Rama, ununnoy, ken napait a panagsangsangit, ni Raquel sangitanna dagiti annacna; ket madi a maliwliwa maipuon cadagiti annacna, agsipud ta awandan.

Dungdung-aw 3:8

Wen, no agickisac, ket umawagac iti badang, isu serraanna ti cararagco.

Amos 5:17

Ket cadagiti amin a cauvasan addanto dung-aw; ta lumasatacto iti nagtengngaam, cuna ni Jehova.

Sofonias 1:10

Ket iti daydiay nga aldaw, cuna ni Jehova, addanto anabaab ti anug-og nga aggapu iti ruangan ti ican, ken dung-aw nga aggapu iti maicadua a paset, ken dackel a daranudor nga aggapu cadagiti turturod.

San Lucas 13:28

Idiay addanto panagsangsangit ken panagngaretnget dagiti ngipen, inton makitayo ni Abraham, ken ni Isaac ken ni Jacob, ken dagiti amin a mammadto idiay pagarian ti Dios, ket dacay met laeng maparuarcayto.