Exodo 11:1 - Ti Biblia (1973)

¹ Ket ni Jehova kinunana ken Moises, Addanto pay laeng maysa a didigra nga yegco ken Faraon ken iti Egipto; iti calpasanna isu bay-annacayton a pumanaw ditoy: no palubosannacayonton a pumanaw, pudno nga ipapilitnanto ti ipapanawyo a maminpinsan ditoy.

Ti Baro a Naimbag a Damag Biblia

¹ Kinuna ni Yahweh ken ni Moises, “Maysa laengen a didigra ti yegko iti ari ti Egipto ken kadagiti tattaona ket kalpasanna, palubosannakayton a pumanaw. Kinapudnona, pagtalawennakayto amin.

Exodo 11:1 Iomraidhean Croise

Genesis 15:14

Ket dayta met a nacion a pagserviandanto, siac ocomecto: ket no malpas daytoy, pumanawdanto agraman adu a sanicua.

Ti Libro ni Job 10:17

Pangabaroanem dagita pammanecnecmo a maibusor caniac, ket paaduem ta rungsotmo caniac: panagbalbaliw ken gubat addada caniac.

Exodo 12:29

Ket naaramid a iti tengnga ti rabii ni Jehova Kinabilna amin dagiti inauna nga anac iti daga nga Egipto, nanipud iti anac nga inauna ni Faraon a nagtugaw iti tronona agingga iti inauna nga anac ti balud nga adda idi iti pagbaludan; ken amin dagiti annac nga inauna dagiti an-animal.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 9:14

Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; tapno maammoam nga awan sabali a cas caniac iti amin a lubong.

Levitico 26:21

Ket no magnacayo iti maicaniwas caniac, ket didacto ipangag, yegconto cadacayo iti maminpito a saplit a mayannatup cadagiti basbasolyo.

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

Paltiing 16:9

Ket dagidi tattao nacsetda iti napalalo a pudot, ket tinabbaawanda ti nagan ti Dios, isu nga adda pannacabalinna cadagitoy a pannaplit: ket saanda a nagbabawi tapno agdayawda coma kencuana.

1 Samuel 6:4

Idin kinunada, Anianto a daton ti salungasing ti isupapacminto kencuana? Ket isuda kinunada, Lima a sinan-bosbosali a balitoc, ken lima a sinan-marabutit a balitoc, a mayanatup cadagiti bilang dagiti appoen dagiti Filisteos; ta maysa a didigra ti nagyan idi cadacayo amin, ken cadagiti appoenyo.