Exodo 10:21 - Ti Biblia (1973)

²¹ Ket ni Jehova kinunana ken Moises, yunnatmo ti imam iti agpalangit, tapno agsipnget iti daga nga Egipto, sipnget a mamagararicap.

Ti Baro a Naimbag a Damag Biblia

²¹ Kinuna ni Yahweh ken ni Moises, “Ingatom ta imam tapno makumotan ti entero nga Egipto iti nakaro a sipnget nga uray la agar-arikap dagiti tattao.”

Exodo 10:21 Iomraidhean Croise

Ti Libro ni Job 5:14

Maidungparda, iti sipnget iti bayat ti aldaw, ket magnada nga agararicap iti matoon a cas la iti rabii.

Dagiti Salmo 105:28

Binaonna ti sipnget, ket pinagsipngetna; ket saanda a binusor dagiti sasaona.

Dagiti Salmo 35:6

Ti dalanda nasipnget ken nagalis coma ket ti angel ni Jehova cumamcamat cadacuada.

Dagiti Salmo 78:49

Impalladawna met cadacuada ti kinarungsot ti pungtotna, rurod, ken gura, ken riribuc, bunggoy ti espiritu a dakes.

Exodo 7:19

Ket ni Jehova kinunana ken Moises, Saoem ken Aaron, alaem ti sarucodmo ket yunnatmo ti imam cadagiti dandanum ti Egipto, iti rabaw dagiti carcarayanda, iti rabaw dagiti wawaigda, ken iti rabaw dagiti dandanawda, ken amin a rabaw dagiti liblibtong ti danumda, tapno agbalinda nga dara; ket addanto dara iti amin a daga ti Egipto, uray pay cadagiti pagdanuman a cayo ken casta met cadagiti pagdanuman a bato.

Exodo 9:22

Ket ni Jehova kinunana ken Moises, Itudom ta imam iti agpalangit tapno aguraro iti amin ti daga nga Egipto, iti tao, ken iti animal, ken iti tunggal mula, ti talon iti daga ti Egipto.

Dagiti Proverbio 4:19

Ti dalan ti nadangkes cas iti kinasipnget: dida ammo no ania ti pacaitibcolanda.

Eclesiastes 2:14

Dagiti mata ti masirib a tao addada idiay olona, ket ti maag magna iti kinasingpet: ket nupay casta nasaripatpatac a maysa a banag napasamac cadacuada amin.

Eclesiastes 6:4

Ta umay iti kinaubbaw, ket mapan iti sipnget, ket ti naganna maabbongan iti sipnget;

Ezekiel 32:7

Ket intono iddepenca abbongacto dagiti langlangit, ket pasipngetecto dagiti bitbitwenna; abbongacto ti init iti ulep, ket ti bulan dinto aglawag.

San Mateo 27:45

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

San Marcos 15:33

Ket idi horas a maicanemen, nagsipnget iti rabaw ti amin a daga, agingga iti horas a maicasiam.

San Lucas 23:44

Ket idin cas la horas a maicanem, nagsipnget iti rabaw ti amin a daga agingga iti horas a maicasiam.

Deuteronomio 1:30

Ni Jehova a Diosyo a mapan iti sangoyo isu ti makibacalto a pannacabagiyo, cas ti amin nga inaramidna gapu cadacayo idiay Egipto iti imatang dagiti matayo,

Deuteronomio 28:29

Ket sica agcarcarawacanto iti agmatoon, cas panagcarcarawa ti bulsec iti casipngetan, ket dicanto rumang-ay cadagiti daldalanmo: ket maparparigatancanto laeng ken matactacawan nga agnanayon ket awanto ti mangispal kenca.

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

2 Pedro 2:17

Dagitoy ububbogda nga awanan danum, ululep nga itayab ti maysa a bagio; cadacuada maisagana ti kinangisit dagiti sipnget.

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

San Judas 1:13

Daldal-luyon a nadawel ti baybay, nga ilabutabda dagiti pacababainanda met laeng; bitbituen nga agal-la-al-la, isuda a nacaisaganaan ti ngisit iti kinasipnget nga agnanayon.

San Judas 1:6

Ket dagiti angel a saanda a tinaginayon daydi nacaicasigudanda a casasaad, no di ket pinanawanda daydi umisu a pagyananda, incabilna ida cadagiti agnanayon a pannacabalud, iti yan ti sipnget, agingga iti panangocom ti naindaclan nga aldaw.

Paltiing 8:12

Ket daydi maicapat nga angel nagtangguyob: ket nadadael ti apagcatlo ti init, ken ti apagcatlo ti bulan, ken ti apagcatlo, dagiti bitbituen, tapno ti apagcatloda, mapasipnget coma ket ti aldaw saan coma nga aglawag ti apagcatlona, ken casta met, ti rabii.