Exodo 10:10 - Ti Biblia (1973)

¹⁰ Ket kinunana cadacuada, Adda ngarud ni Jehova cadacayo, ta palubosancayto ken dagiti babassityo: agaluadcayo; ta dakes ti adda iti sangoananyo.

Ti Baro a Naimbag a Damag Biblia

¹⁰ Kinuna ti ari kadakuada, “Isapatak iti Apo a diak ipalubos nga itugotyo dagiti babbai ken dagiti ubbing! Nalawag a panggepyo ti umalsa.

Exodo 10:10 Iomraidhean Croise

2 Cronicas 32:15

Ita ngarud dicayo palubosan ni Ezekias a mangallilaw cadacayo, wenno manguyut cadacayo iti castoy a wagas, isu dicayo met patien; ta awan ti dios ti uray ania a nacion wenno pagarian a nacabalin a nangispal ti ilina iti imac, ken iti ima dagiti ammac: casanonto cabassit ti panangispalna cadacayo ti Diosyo cadagiti imac?

Exodo 10:11

Saan a casta: dacayo a lallaki incayo, ket agdaydayawcayo ken Jehova; ta daytoy ti tarigagayyo. Ket napapanawda iti saclang ni Faraon.

Exodo 10:24

Ket ni Faraon pinaayabanna ni Moises ket kinunana, Incayo, agservicayo ken Jehova; isuna laeng a mabati dagiti arbanyo a babassit ken dadackel: cumuyog met coma dagiti babassityo cadacayo.

Exodo 10:9

Ket ni Moises kinunana, Dacami ti mapanto agraman dagiti agtutubomi ken lallacaymi; agraman dagiti annacmi a lallaki ken babai, ken dagiti an-animalmi a babassit ken an-animalmi a dadackel mapancaminto ta rebbengna nga agrambacami ken Jehova.

Exodo 13:21

Ket ni Jehova nagna iti sangoda iti maysa a monmon nga ulep a mangiturong cadacuada iti dalan ket no iti rabii iti maysa a monmon nga apuy, tapno lawaganna ida; tapno macapagnada iti aldaw ken iti rabii:

Dungdung-aw 3:37

Asino aya dayta nga agcuna, ket matungpal, idinto a saan nga ibilin ti Apo?