Exodo 1:11 - Ti Biblia (1973)

¹¹ Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Ti Baro a Naimbag a Damag Biblia

¹¹ Iti kasta, nangdutokda kadagiti narungsot a kapatas a mangparigat kadagiti Israelita nga agtrabaho iti nadagdagsen pay ngem iti sigud nga ar-aramidenda. Binangon dagiti Israelita ti Pitom ken Rameses, dua a siudad a pagidulinan iti makan.

Exodo 1:11 Iomraidhean Croise

Genesis 15:13

Ket kinunana ken Abram, Pudno nga ammom a dagiti putotmo aggangannaetdanto iti daga a dida cucua, ket agservidanto cadacuada; ket parigatendanto ida cadagiti uppat a gasut a tawtawen;

Genesis 47:11

Ket ni Jose pinagyanna ni amana ken dagiti cacabsatna, ket pinagtagicuana ida iti daga ti Egipto, iti casaysayaatan ti daga, iti daga ti Rameses, a cas ni Faraon imbilinna.

1 Ar-ari 9:19

Ken amin dagiti il-ili a pagidulinan ni Salomon, ken dagiti il-ili a maipaay cadagiti lugluganna, ken dagiti il-ili a maipaay cadagiti tattaona nga agcacabayo ken amin dagidiay a ni Salomon kinayatna a pinutar a maipaay iti pagayatanna sadi Jerusalem, ken sadi Libano, ken iti amin a daga a pagturayanna.

2 Cronicas 16:4

Ket ni Ben-adad impangagna ni ari Asa, ket imbaonna dagiti capcapitan dagiti buyotna a bumusor cadagiti il-ili ti Israel, ket kinabilna ti Ijon, ken ti Dan, ken ti Abel-maim, ken amin nga il-ili ti Neftali a pagidulinan.

2 Cronicas 8:4

Ket binangonna ti Tadmor idiay let-ang, ken amin dagiti il-ili a pagidulinan a binangonna idiay Hamat.

Dagiti Salmo 105:13

Ket nagallaallada iti nacion ken nacion, manipud maysa a pagarian agingga iti sabali nga umili.

Dagiti Salmo 129:1

Naminadu a pinarparigatdac nanipud kinaubingco, cunaen coma ti Israel ita.

Dagiti Salmo 129:2

Naminadu a pinarparigatdac nanipud kinaubingco: nupay casta didac nagballigian.

Dagiti Salmo 68:13

No agiddaca iti tengnga dagiti pagaponan dagiti carnero, arig la cadagiti payac ti calapati a nacalupcupan iti pirac, ken dagiti pawisno iti amarillo a balitoc.

Dagiti Salmo 81:6

Inlisic ti abagana iti awiten: dagiti im-imana nailisida iti curibut.

Exodo 1:14

Ket pinapaitda ti panagbiagda iti nacaro a pannacaadipen, iti panagmasa ken panagladrillo, ken amin a kita ti pacaaramatan iti talon, amin nga aramidda, isu a pinangadipenda iti napalalo cadacuada.

Exodo 2:11

Ket naaramid cadagidiay nga al-aldaw, a idi ni Moises numakem, napan cadagiti cacabsatna, ket nakitana dagiti rigrigatda: ket nakitana ti maysa nga Egipcio a kimmabil iti maysa nga Hebreo a maysa cadagiti cacabsatna.

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Exodo 5:10

Ket dagiti mangdagdagdag cadagiti tattao ken dagiti agturturayda rimmuarda, ket nagsaoda cadagiti tattao a kinunada, Castoy ti sinao ni Faraon, Siac diacto mangted ti garami cadacayo.

Exodo 5:15

Idin dagiti agturturay dagiti annac ti Israel dimmanonda ken nagasugda ken Faraon a cunada, Apayapay castoy ti aramidem cadagiti ad-adipenmo?

Exodo 5:8

Ket ti bilang dagiti ladrillo, nga ar-aramidenda idi ipaaramidyo cadacuada; awan ti uray ania a kessayenyonto: ta isuda bayanggudawda; isu ti gapuna nga agickisda nga agcuncuna, Palubosannacami nga agdaton iti Diosmi.

Dagiti Proverbio 27:4

Ti rungsot nadawel, ket ti pungtot mangiremrem; ngem siasino ti macabalin nga agtacder iti saclang ti kinaimon?

Numero 20:15

No casano ti isasalog dagiti ammami iti Egipto, ken panagnaedmi sadi Egipto iti nabaybayag nga aldaw; ket dagiti taga Egipto dakes ti inaramidda cadacami, ken cadagiti ammami:

Deuteronomio 26:6

Ket dagiti taga Egipto inaramidda cadatayo ti dakes, ket pinarigatdatayo, ket incabilda cadatayo ti nabantot a pannacaadipen: