Exodo 1:10 - Ti Biblia (1973)

¹⁰ Umaycayo, agaramidtayo a sisasaririt cadacuada di la ket ta umadaduda pay, ket no mapasamac ti gubat, tumiponda pay cadagiti cabcabusortayo, ket makicabilda cadatayo, ket pumanawda ditoy a daga.

Ti Baro a Naimbag a Damag Biblia

¹⁰ Masapul nga agaramidtayo iti pamuspusan tapno malapdan ti panagaduda. Ta no adda gubat, amangan no kumapponda kadagiti kabusor a manggubat kadatayo, ket aglibasda a pumanaw iti dagatayo.”

Exodo 1:10 Iomraidhean Croise

Ti Libro ni Job 5:13

Isu tiliwenna dagiti mamasirib iti kinasicapda met laeng; ken ti patigmaan ti nasicap maipanaw a sidadaras.

Dagiti Salmo 10:2

Iti kinatangsit dagiti nadangkes macamatcamat a sibabara ti napanglaw; matiliwda coma cadagiti sicap nga inar-arapaapda.

Dagiti Salmo 105:25

Imbawingna ti pusoda a guraenda ti ilina, tapno agaramid a sisisicap cadagiti ad-adipenna.

Dagiti Proverbio 1:11

No cunada, Cumuyogca cadacami, intayo sumaneb iti dara; intayo siblocan a sililimed dagiti awan basolda iti awan gapgapuna;

Dagiti Proverbio 16:25

Adda dalan a cas la nalinteg iti maysa a tao, ngem ti panungpalanna daldalan ni patay.

Dagiti Proverbio 21:30

Awan ti kinasirib wenno pannacaawat wenno patigmaan a maicaniwas ken ni Jehova.

Numero 22:6

Gapuna nga umayca coma ita dawatec kenca, ilunodmo caniac daytoy nga ili; ta isuda mannacabalinda unay caniac: nalabit agsagudayacto, tapno macabilmi ida, ken mapatalawco ida iti daga: ta ammoc a ti bendicionam isu ti bendito, ket ti ilunodmo isu ti mailunod.

Dagiti Aramid 23:12

Ket idi bimmigaten, dadduma a Judio nagbubunggoyda ket insapatada iti babaen ti panaglunod, a cuncunada a didanto mangan wenno uminum agingga iti dida mapapatay ni Pablo.

Dagiti Aramid 7:19

Daytoy inaramatna dagiti dakes a pamuspusan iti capuonantayo, ket pinarigatna dagiti ammatayo, tapno ibel-lengda dagiti tagibida, tapno dida agbiag.

1 Samuel 29:4

Ngem dagiti pangpangoloen dagiti Filisteos naglucsawda kencuana; ket dagiti pangpangoloen dagiti Filisteos kinunada kencuana, Pagsubliem ti lalaki, tapno agawid coma iti lugarna a dinutocam kencuana, ket saan coma a makipagsalog cadatayo iti paggugubatan, di la ket ta iti gubat agbalin a cabusor cadatayo: ta iti ania aya ti pangyamo coma daytoy a tao iti bagina ken apona? saan coma aya a cadagiti ol-olo dagitoy a lallaki?