Ester 9:4 - Ti Biblia (1973)

⁴ Ta dackel idi ni Mardokeo idiay balay ti ari, ket ti damagna naisacnap cadagiti amin a provincia; ta ni lalaki a Mardokeo dumackel la idi a dumackel.

Ti Baro a Naimbag a Damag Biblia

⁴ Ammo ti entero a pagarian a nagbalinen ni Mardokeo a nabileg a tao iti palasio ket bumilbileg pay.

Ester 9:4 Iomraidhean Croise

2 Samuel 3:1

Ket adda idi napaut a gubat iti balay ni Saul ken iti balay ni David: ket ni David pumigsa idi a pumigsa, ket ti balay ni Saul cumapuy a cumapuy.

1 Cronicas 11:9

Ket ni David rumang-ay la idi a rumang-ay; ta adda idi kencuana ni Jehova dagiti buybuyot.

1 Cronicas 14:17

Ket ti damag ni David nagsacnap agingga cadagiti amain a dagdaga; ket ni Jehova inyegna cadagiti amin a nasnacion ti panagbutengda kencuana.

Ester 10:2

Ken amin dagiti aramid ti pannacabalinna ken ti kinamaingelna, ken ti pacasaritaan ti kinatan-oc ni Mardokeo, isu a nangitan-ocan kencuana ti ari, saanda aya a naisurat iti libro dagiti cronicas dagiti ar-ari ti Media ken Persia?

Dagiti Salmo 1:3

Ket isu caslanto iti maysa a cayo a naimula iti sibay dagiti ayayus ti danum, nga ipaltuadna ti bungana iti carbenganna, a ti bulongna met saan a malaylay; ket isu-amin nga aramidna rumang-ayto.

Dagiti Salmo 18:43

Inispalnac cadagiti panagriribuc ti umili; pinagbalinnac a panguloen dagiti nacion maysa nga umili nga diac naammoan pagserviannacto.

Dagiti Salmo 92:13

Addada a naimula idiay balay ni Jehova; agrangpayadanto cadagiti paraangan ti Diostayo.

Exodo 11:3

Ket ni Jehova pinaraburanna dagiti tattao iti imatang dagiti Egipcios. Maysa pay ni lalaki a Moises natan-oc unay idi iti daga nga Egipto, iti sango dagiti ad-adipen ni Faraon, ken iti sango dagiti tattao.

Dagiti Proverbio 4:18

Ngem ti dana ti nalinteg cas iti annaraar ti agsapa, a rumaniag a rumaniag agingga iti napaypayso nga aldaw.

Isaias 9:7

Ti idadackel ti panangiturayna ken ti cappia awanto ti inggana, iti trono ni David, ken iti pagarianna, tapno bangonenna, ken salimetmetanna babaen iti kinajusticia ken kinalinteg manipud ita ken iti agnanayon. Ti regta ni Jehova dagiti buybuyot ti mangaramidto iti daytoy.

Sofonias 3:19

Adtoy, iti dayta a pannawen supapacacto dagiti isu-amin a mangpaladingit kenca: ket ispalecto daydiay pilay, ket yurnongconto daydiay napassia; ket pagbalinecto ida a madaydayaw ken mainaganan iti isu-amin a daga a nacaibabainanda idi.

San Mateo 4:24

Ket nadinamag iti amin a Siria; ket inyegda kencuana dagiti isu-amin nga masacsakit, dagiti kinapet ti nadumaduma a sacsakit ken rigrigat, ken dagiti nagun-gan dagiti sairo, ken dagiti adda bulanbulanenda, ken dagiti di macagunay, ket pinaimbagna ida.

Josue 6:27

Iti casta, ni Jehova adda idi ken ni Josue; ket ti damagna naisacnap iti isu-amin a daga.

1 Samuel 2:30

Gapuna a ni Jehova a Dios ti Israel cunana, Pudno a kinunac a ti balaymo, ken ti balay ni amam, magnada coma nga agnanayon iti saclangco: ngem ni Jehova cunana, Adayu coma caniac; ta dagidiay a mangdayaw caniac dayawecto, ket dagidiay a manglais caniac maicascasodanto a silalaca unay.