Ester 9:2 - Ti Biblia (1973)

² Dagiti Judios naguornongda cadagiti il-ilida cadagiti amin a provincia ni ari Asuero, tapno mangcabil iti nagsapul iti pacadacsanda: ken awan ti tao a nacadaer cadacuada; ta ti panagbuteng cadacuada naitinnag cadagiti amin nga il-ili.

Ti Baro a Naimbag a Damag Biblia

² Iti lugar a yan dagiti Judio, iti tunggal siudad ti pagarian, nagmaymaysa dagiti Judio a mangdarup iti siasinoman nga agpanggep a mangdangran kadakuada. Nagbuteng dagiti amin a tattao kadakuada. Awan ti nakadaer a makiranget kadakuada.

Ester 9:2 Iomraidhean Croise

Genesis 35:5

Ket nagnada: ket ti panagamac iti Dios adda idi cadagiti il-ili iti caparangetda, ket saanda a simmurot cadagiti annac a lallaki ni Jacob.

Ester 8:11

Nga impalubos ti ari cadagiti Judio a nagyan idi iti tunggal ili tapno agtitiponda, ken icanawada dagiti biagda, tapno dadaelen, papatayen, ken papucawenda, ti amin a pannacabalin dagiti tattao ken provincia a cayatda ti mangsillong cadacuada, cadagiti babassitda ken babbai, ket alaenda ti samsam cadacuada a maipaay a maysa a tinucmaan.

Ester 8:17

Ket iti tunggal provincia, ken iti tunggal ili, a dimtengan ti bilin ti ari ken pangngeddengna, dagiti Judios addaanda idi iti ragsac ken rag-o, maysa a fiesta ken maysa a naimbag nga aldaw. Ket adu a naggapuda iti tengnga dagiti umili nagbalinda a Judios; ta ti panagbuteng cadagiti Judios nagtinnag cadacuada.

Ester 9:10

A sangapulo nga annac a lallaki ni Aman nga anac a lalaki ni Amadata, a cabusor dagiti Judios, pinatayda; ngem iti samsam isuda dida intignay ti imada.

Dagiti Salmo 71:13

Mabainan ken maibusda cadi dagiti sibubusor itoy cararwac; mabungonda coma iti pannacalais ken pannacaibabain dagiti mangisapsapul iti pacaranggasac.

Dagiti Salmo 71:24

Casta met a toy dilac sarsaritaennanto ti kinalintegmo iti agmalmalem; ta naibabainda ken nariribucda, dagiti mangsapsapul iti pacaranggasac.

Exodo 23:27

Ibaonconto ti pangkigtotco iti sangoanam, ket abakecto amin dagiti tattao a papanamto, ket aramidecto a dagiti amin a cabusormo tumallicodda kenca.

Isaias 8:9

Agariwawacayo, O dacayo nga inilin-ili, ket maburburaccayo; ket timudenyo, dacayo amin a taga adayu a dagdaga: agbarikescayo, ket maburburaccayo; agbarikescayo, ket maburburaccayo.

Deuteronomio 2:30

Ngem ni Sehon nga ari ti Hesbon, dina impalubos a limmasattayo; ta ni Jehova a Diosmo pinatangkenna ti espirituna, ket pinatibkerna ti pusona; tapno yawatna ita imam a cas itoy nga aldaw.

Josue 11:20

Ta naggapu idi ken Jehova ti panangpatangken cadagiti puspusoda, tapno umayda a maibusor iti Israel iti paggugubatan, tapno pucawenna ida nga ikisap, tapno dida macaasian coma idi, no di ket tapno pucawenna coma ida, cas ni Jehova imbilinna ken Moises.

Josue 2:9

Ket kinunana cadagiti tattao, siac ammoc a ni Jehova intedna cadacayo daytoy a daga, ket dacami mabutengcami a gapu cadacayo: ket dagiti amin nga agnaed iti daga agrunawda iti sangoyo.