Ester 9:1 - Ti Biblia (1973)

¹ Idi maicasangapulo ket dua a bulan, nga isu ti bulan nga Adar, idi maicasangapulo ket tallo nga aldawna met laeng, idi a ti bilin ti ari ken ti pangngeddengna immadani iti pannacatungpalda, idi aldaw a dagiti cabcabusor dagiti Judios ninamnamada ti panangiturayda cadacuada, (idinto a naibawing iti maisupadi, a dagiti Judios nagturayda cadagiti gimmura cadacuada),

Ti Baro a Naimbag a Damag Biblia

¹ Dimteng ti maika-13 nga aldaw iti bulan ti Adar. Daytoy ti aldaw a naituding a pannakaipatungpal ti bilin ti ari. Ninamnama dagiti kabusor dagiti Judio a parmekenda dagiti Judio iti daytoy nga aldaw. Ngem baliktad ti napasamak ta dagiti Judio ketdi ti nangparmek kadagiti kabusorda.

Ester 9:1 Iomraidhean Croise

2 Samuel 22:41

Sica pinagbalinmo met a dagiti cabusorco tallicudandac, tapno pucanec coma dagidi a gimmura caniac.

Ester 3:13

Ket naipacorreo dagiti sursurat cadagiti amin a provincia ti ari, tapno mangdadael, mangpatay, ken mangpapucaw, cadagiti amin a Judio, agtutubo man ken lallacay agpadpada, ubbing a babassit ken babbai, iti maymaysa nga aldaw, iti met laeng maicasangapulo ket tallo nga aldaw ti maicasangapulo ket dua a bulan, nga isu ti bulan nga Adar, ken alaenda ti samsam cadacuada a maipaay a maysa a tinucmaan.

Ester 3:7

Idi umuna a bulan nga isu ti bulan a Nisan, idi maicasangapulo ket dua a tawen ni Ari Asuero inaramidda ti Pur, a cayat a saoen a naggiginnasangasatda iti sangoanan ni Aman iti inaldawaldaw, ken iti binulanbulan, agingga iti maicasangapulo ket dua a bulan, nga isu ti bulan nga Adar.

Ester 8:12

Iti maymaysa nga aldaw cadagiti amin a provincia ni ari Asuero, natudingan iti maicapulo ket tallo nga aldaw ti maicasangapulo ket dua a bulan, nga isu ti bulan nga Adar.

Ester 8:6

Ta casano ti pannacaibtorco a mangkita iti dakes nga umayto iti rabaw ti cailiac? wenno casano ti pannacaibtorco a mangkita iti pannacarba ti cabagiac?

Ester 9:17

Daytoy naaramid iti maicasangapulo ket tallo nga aldaw ti bulan nga Adar; ket iti maicasangapulo ket uppat nga aldaw ti isu met laeng a bulan aginanada, ket isu ti inaramidda nga aldaw ti panagrambac ken ragsac.

Dagiti Salmo 18:40

Pinagbalinmo met a dagiti cabusorco tinallicudandac, tapno pucawecto coma dagiti gumura caniac.

Dagiti Salmo 30:11

Sica pinagbalinmo caniac a panagsalsala ti panagladladingitco: sica winacnitam ti cumutco ket binaricsannac iti ragsac;

Dagiti Aramid 12:11

Ket ni Pedro, idi a nabigbigna ti casasaadna, kinunana: Ita mapnecac a pudno a ti Apo imbaonna ti angelna, ket insalacannac iti ima ni Herodes, ken iti amin nga inanamaen dagiti tattao a Judio.

Deuteronomio 32:36

Ta ni Jehova ocomennanto ti ilina, ket agbabawinto gapu cadagiti ad-adipenna; no makitana a naibusen ti bilegda, ken awan ti matda a balud wenno agwayawaya.

Paltiing 11:18

Ket nacapungtot dagiti pagpagarian, ket dimtengen ti pungtotmo, ken ti aldaw dagiti natay a maipaay iti pannacaocom, ken ti pannacaited ti gonggona cadagiti adipenmo a mammadto ken cadagiti sasanto, ken cadagiti agbuteng iti naganmo, babassit ken dadackel, ken ti panangdadael dagiti mangrebbec iti daga.