Ester 8:9 - Ti Biblia (1973)

⁹ Idin naayaban dagiti escriba ti ari iti daydi a tiempo, iti maicatlo a bulan, nga isu ti bulan a Sivan, iti maicaduapulo ket tallo nga aldawna: ket nasuratan a mayalubog iti amin nga imbilin ni Mardokeo cadagiti Judios, ken cadagiti satrapas, ken gobernador ken pangoloen dagiti provincia nga adda manipud India agingga idiay Etiopia, a sangagasut duapulo ket pito a provincia, iti tunggal provincia a mayalubog iti panagsuratna, ken tunggal ili a mayannurot iti pagsasaoda, ken cadagiti Judios a mayalubog iti panagsuratda, ken mayalubog iti pagsasaoda.

Ti Baro a Naimbag a Damag Biblia

⁹ Napasamak daytoy iti maika-23 nga aldaw iti maikatlo a bulan a maaw-awagan iti Sivan. Inayaban ni Mardokeo dagiti sekretario ti ari ket indiktarna ti surat nga agpaay kadagiti Judio, kadagiti gobernador, kadagiti administrador, kadagiti ofisiales kadagiti 127 a probinsia manipud India agingga iti Etiopia. Naisurat daytoy a bilin iti bukod a panagsurat ken bukod a pagsasao ti tunggal probinsia, kasta met iti bukod a panagsurat ken bukod a pagsasao dagiti Judio.

Ester 8:9 Iomraidhean Croise

2 Ar-ari 18:26

Idin da Eliacim nga anac ni Hilcias, ken ni Sobna, ken ni Joah, kinunada ken ni Rabsaces, Agsaoca, agdawatac kenca, cadagiti ad-adipenmo iti sao ti Siria; ta isu ti maawatanmi, ket dica coma makisao cadacami iti sao dagiti Judio, cadagiti laplapayag dagiti tattao nga adda iti rabaw ti bacud.

2 Cronicas 15:10

Iti casta nagurnongda a nagtitipon idiay Jerusalem iti maicatlo a bulan, iti maicasangapulo ket lima a tawen ti panagari ni Asa.

Ester 1:1

Naaramid cadagiti al-aldaw ni Asuero (daytoy isu ti Asero a nagari manipud India agingga met laeng iti Etiopia, cadagiti sangagasut duapulo ket pito a provincia),

Ester 1:22

Ta impaw-itna dagiti sursurat cadagiti amin a provincia ti ari, iti tunggal provincia a mayalubog iti naisurat kencuana, ken iti tunggal umili a mayannurot iti pagsasaoda, a tunggal lalaki agturay iti bucodna a balay, ken agsao a mayalubog iti pagsasao ti ilina.

Ester 10:1

Ket nangicabil ni ari Asuero iti maysa a pagpabuis iti daga, ken cadagiti purpuro ti taaw.

Daniel 4:1

Ni Nabucodonosor nga ari, iti amin nga il-ili, nasnacion, ken pagsasao, nga agnaed iti amin toy daga: Talna coma ti mapaadu cadacayo.

Daniel 6:1

Nacaay-ayo ken ni Dario a mangisaad cadagiti sangagasut ket duapulo a panguloen ti pagarian, isuda a maiwaras coma iti amin a pagarian;

Daniel 6:25

Iti casta ni ari Dario nagsurat iti amin nga il-ili, nasnacion, ken pagsasao, nga agnaed iti amin a daga: Ti talna umad-adda la coma cadacayo.