Ester 8:8 - Ti Biblia (1973)

⁸ Isuratyo met cadagiti Judios, cas ti macaay-ayo cadacayo, iti nagan ti ari, ket isu ti deppelanyo iti singsing ti ari; ta ti sinuratan a nasuratan iti nagan ti ari, ken nadeppelan iti singsing ti ari, awan ti tao a macadadael.

Ti Baro a Naimbag a Damag Biblia

⁸ Ngem saan a mawaswas ti bilin a naipaulog iti nagan ti ari ken natimbrean iti selio ti pagarian. Nupay kasta, mabalinyo ti agsurat kadagiti Judio iti aniaman a kayatyo. Mabalinyo nga isurat iti naganko ket timbreanyo iti selio ti pagarian.”

Ester 8:8 Iomraidhean Croise

1 Ar-ari 21:8

Iti casta isu nagsurat iti sursurat iti nagan ni Acab ket dineppelanna ida iti sellona, ket impawitna dagiti sursurat cadagiti panglacayen ken cadagiti natacneng nga adda iti ilina, a cailian ni Nabot.

Ester 1:19

No macaay-ayo iti ari, mapalubosan coma ti maysa a bilin a naarian nga aggapu kencuana, ket maisurat coma iti tengnga dagiti linlinteg dagiti Persas ken Medos, a di mabalbaliwan, a ni Vasti saan nga umayen iti sango ni ari Asuero; ket ited coma ti ari ti casasaadna a naarian iti sabali a naim-imbag ngem ni Vasti.

Ester 3:12

Idin naayaban dagiti escribas ti ari idi umuna a bulan, idi maicasangapulo ket tallo nga aldawna; ket naisurat idi cas mayalubog iti amin a ni Aman imbilinna cadagiti satrapas ken gobernador ti ari a pangoloen idi ti tunggal provincia, ken cadagiti pangpangoloen ti tunggal ili, iti tunggal provincia a mayalubog iti panagsuratna, ken iti tunggal umili a mayannurot iti pagsasaoda; iti nagan ni ari Asuero nasuratan, ket nadeppelan iti singsing ti ari.

Ester 8:10

Ket nagsurat iti nagan ni ari Asuero, ket isu ti dineppelanna iti singsing ti ari, ket impaw-itna dagiti sursurat cadagiti mangorreo nga agcabayo, nga agsacayda cadagiti nasiglat a cabcabayo a naaramatda idi iti panagservi iti ari, nga inyanac ti napili a cabayo:

Ester 8:5

Ket kinunana, No macaay-ayo iti ari, ken no macasaracac iti parabur iti imatangna ket no ti banag agparang a nalinteg iti saclang ti ari, ken no macaayayoac cadagiti matana, masuratan coma ti mangpucaw cadagiti sursurat nga ingandat ni Aman, nga anac a lalaki ni Amadata nga Agageo, a sinuratanna a pangdadael cadagiti Judios nga adda cadagiti amin a provincia ti ari;

Daniel 6:8

Ita, O ari, buangayem ti bilin ket firmaam ti surat, tapno saan a mabalin a balbaliwan, a cas mayannugot iti linteg dagiti Medos ken Persas, isu a saan a mabalbaliwan.

2 Timoteo 2:19

Nupay casta, ti cimiento ti Apo mataginayon a sititibker, nga adda kencuana daytoy a pagilasinan: Mailasin ti Apo dagiti tattao a cucuana, ket umadayuda coma iti kinadakes amin dagiti umawag iti nagan ti Apo.