Ester 8:5 - Ti Biblia (1973)

⁵ Ket kinunana, No macaay-ayo iti ari, ken no macasaracac iti parabur iti imatangna ket no ti banag agparang a nalinteg iti saclang ti ari, ken no macaayayoac cadagiti matana, masuratan coma ti mangpucaw cadagiti sursurat nga ingandat ni Aman, nga anac a lalaki ni Amadata nga Agageo, a sinuratanna a pangdadael cadagiti Judios nga adda cadagiti amin a provincia ti ari;

Ti Baro a Naimbag a Damag Biblia

⁵ “Natan-ok nga Ari, no maragsakanka, no ay-ayatennak met laeng ken no ipagarupmo a naimbag, pangngaasim ta mangipaulogka iti bilin a mangwaswas iti naiwaragawag a bilin ni Haman nga anak ni Hammedata a kaputotan ni Agag, a mangpapatay kadagiti amin a Judio iti pagarian.

Ester 8:5 Iomraidhean Croise

Ester 2:17

Ket ti ari inayatna ni Ester a nangnangrona ngem cadagiti amin a babbai, ket di babbai nacagun-od iti parabur ken imbag iti imatangna a nangnangrona ngem cadagiti amin a virgen; iti casta nga insaadna kencuana ti naarian a balangat iti rabaw ti olona, ket inaramidna a reina iti saad ni Vasti.

Ester 2:4

Ket ti balasang a macaay-ayo iti ari isu coma ti agreina iti saad ni Vasti. Ket ti banag inay-ayona ti ari; ket inaramidna ti casta.

Ester 3:1

Calpasan dagitoy a banbanag inngato ni ari Asuero ni Aman nga anac a lalaki ni Amadata nga Agageo, ket isu ti intan-ocna, ket insaadna ti tugawna iti ngato dagiti amin a pangpangoloen nga adda idi kencuana.

Ester 5:8

No nacasaracac iti parabur iti imatang ti ari, ken no macaay-ayo iti ari ti panangtedna iti dawatco, ken ti panangtungpalna iti kiddawco, umay coma ti ari ken ni Aman iti daya a sinaganac a maipaay cadacuada, ket aramidecto no bigat ti cas kinuna ti ari.

Ester 7:3

Idin ni Ester a reina simmungbat ket kinunana, No nacasaracac iti parabur iti imatangmo, O ari, ken no macaay-ayo iti ari, ipalubosmo a mamacaay-ayo iti ari, ipalubosmo a maited caniac ti biagco itoy dawatco, ken ti ilic iti kiddawco:

Exodo 33:13

Ita ngarud, dawatec kenca, no nagunodcon ti parabur iti imatangmo, ipamatmatmo caniac dagiti daldalanmo, tapno maam-ammoca, tapno masaracac ti parabur iti imatangmo: ket panunutem a daytoy a nacion isu ti ilim.

Exodo 33:16

Ta ania ita ti pacaammoan a natumpungacon ti parabur iti imatangmo, siac ken ti ilim? saan aya nga iti pannacaicuyogmo cadacami, tapno, siac ken ti ilim maisalsaluminacami, cadagiti amin a tattao nga addada iti rabaw ti daga?

1 Samuel 20:29

Ket isu kinunana, Agdawatac kenca, Palubosannac coma a mapan, ta ti familiami addaan iti maysa a sacrificio iti ili; ket ti cabsatco a lalaki, isu binilinnac nga addaac coma idiay: ket ita no nacasaracac ti parabur cadagiti matam, agdawatac kenca, palubosannac coma a mapan, ket kitaec dagiti cacabsatco. Gapuna a saan nga umay iti lamesaan ti ari.