Ester 8:3 - Ti Biblia (1973)

³ Ket ni Ester nagsao pay manen iti sango ti ari, ket nagpasag cadagiti sacsacana, ket gimmawawa kencuana a binuyog dagiti lulua tapno iccatenna ti ranggas ni Aman nga Agageo, ken ti gandatna nga insaganana a maibusor cadagiti Judios.

Ti Baro a Naimbag a Damag Biblia

³ Napan manen nakisao ni Ester iti ari. Agsangsangit a nagpakleb iti sangoanan ti ari. Impakpakaasina kenkuana a pasardengenna ti pannakaipatungpal ti dakes a gandat ni Haman a kaputotan ni Agag a maibusor kadagiti Judio.

Ester 8:3 Iomraidhean Croise

2 Ar-ari 4:27

Ket idi nga isu dimteng iti lalaki ti Dios idiay turod, kimpet cadagiti sacsacana. Ket ni Giezi immasideg a mangiccat kencuana: ngem ti lalaki ti Dios kinunana, Isu bay-am: ta ti cararuana isu naladingit unay iti unegna, ket ni Jehova inlimedna caniac, ket isu ti dina imbaga caniac.

Ester 3:1

Calpasan dagitoy a banbanag inngato ni ari Asuero ni Aman nga anac a lalaki ni Amadata nga Agageo, ket isu ti intan-ocna, ket insaadna ti tugawna iti ngato dagiti amin a pangpangoloen nga adda idi kencuana.

Ester 7:4

Ta malacocami, siac ken ti ilic tapno madadaelcami, tapno mapataycami, ken tapno mapucawcami. Ngem no nalacocami idi a maipaay a bagbag-en a lallaki ken babbai, nagtalnaac, nupay ti cabusor dina nabalin a binayadan iti pacaranggasan ti ari.

Ester 8:2

Ket ti ari sinuctona di singsingna, nga innalana ken Aman, ket isu ti intedna ken Mardokeo. Ket ni Ester insaadna ni Mardokeo nga agturay ti balay ni Aman.

Ester 8:4

Idin inyunnat ti ari ken Ester di cetro a balitoc. Iti casta timmacder ni Ester, ket nagtacder iti sango ti ari.

Isaias 38:2

Idin ni Ezekias intaliawna ti rupana iti diding, ket nagcararag ken ni Jehova,

Oseas 12:4

Wen, naaddaan pannacabalinna iti angel, ket nangabac; nagsangit, ken nagpacpacaasi kencuana: isu nasaracanna idiay Bet-el, ket sadiay ti nakisaoanna cadatayo,

Hebreo 5:7

Isu, a cadagidi aldaw ti panaglasagna, idinto a nangidaton cadagiti carcararag ken dawdawat a nabuyugan iti nasged nga araraw ken lulua, iti daydiay macabalin idi a mangispal kencuana iti ipapatay; ket idinto a naipangag gapu iti nadiosan nga amacna,

1 Samuel 25:24

Ket isu nagpacleb cadagiti sacana, ket kinunana, Caniac, apoc, caniac coma ti yan ti kinadangkes; ket dawatec kenca, palubosam coma ti babai nga adipenmo, nga agsao cadagita lapagaymo, ken denggem ti sao ti babai nga adipenmo.