Ester 7:8 - Ti Biblia (1973)

⁸ Idin ti ari simmubli a naggapu iti minuyongan ti palacio idi yan ti daya nga arac; ket ni Aman napasag idi rabaw ti pagiddaan a yan idi ni Ester. Idin kinuna ti ari, Isu pilitennanto met laeng ti reina iti sangoanac iti balay? Idi a ti sao rimmuar idi ngiwat ti ari, inabbonganda ti rupa ni Aman.

Ti Baro a Naimbag a Damag Biblia

⁸ Idi agsubli ti ari a naggapu iti hardin, nadanonna ni Haman iti sofa ni Ester ket sipapakleb iti sangoananna. Idi makita ti ari, impukkawna, “Ramesen kadi daytoy a tao ti reyna iti sangoanak ken iti mismo nga uneg ti palasiok?” Apaman a naisao ti ari daytoy, inabungotan dagiti eunoko ti ulo ni Haman.

Ester 7:8 Iomraidhean Croise

Ester 1:5

Ket idi a naturpos dagitoy nga al-aldaw, ti ari nangaramid itimaysa a rambac a maipaaycadagitiamin a tattao nga adda idi idiay Susan a palacio, dackel man ken bassit nga agpadpada, bayat iti pito nga aldaw, idiay paraangan ti minuyungan ti palacio ti ari.

Ester 1:6

Adda idi naisalapay a puraw a lupot, verde, ken azul, a naicapetda cadagiti tali a lienzo a nalapat, ken purpura cadagiti singsing a pirac ken monmonmon a marmol: dagiti pappapag balitoc ken piracda, iti rabaw ti pagpayatan a nabaldosaan iti nalabaga, ken puraw, ken amarillo, ken nangisit a marmol.

Ester 6:12

Ket ni Mardokeo immay manen idiay ruangan ti ari. Ngem ni Aman nagdaras a napan iti balayna, nga agleddaang ken siaabbong ti olona.

Ester 7:10

Iti casta imbitayda ni Aman idi pagbitayan nga insaganana ken Mardokeo. Idin ti pungtot ti ari nagbaaw.

Ti Libro ni Job 9:24

Maited ti daga iti ima ti nadangcoc; isu abbonganna dagiti ruprupa dagiti oc-ocomna: no saan nga isu, siasino ngarud?

Isaias 22:17

Adtoy, ni Jehova, a cas maysa a napigsa a tao, sipipigsanto a mangibelleng kenca; wen, lucutennacanto a nairut.

Isaias 49:23

Ket dagiti ar-ari isudanto dagiti mangsisiwa nga ammam, ket dagiti reina mangsisiwa nga innam: ket isuda irucbabdanto nga irucnoy iti daga dagiti ruprupada kenca, ken dilpatandanto ti tapoc dagita sacsacam; ket maammoamto a siac ni Jehova; ket dagiti agpannuray caniac saandanto a mabainan.

Amos 3:12

Castoy ti saoen ni Jehova: Cas ti pastor maagawna iti ngiwat ti leon, dagiti dua a saca, wenno mordong ti maysa a lapayag, castanto ti pannacaispal dagiti annac ti Israel a situtugaw idiay Samaria, iti nagsulian ti maysa nga idda, ken cadagiti seda a cudson iti pagiddaan.

San Marcos 14:65

Ket rinugian dagiti dadduma a tinupraan, ken inabbungutan ti rupana ket isu tinungtungpada, ken cunada kencuana: Padtoam. Ket dagiti alguacil isu inawatda cadagiti tungtungpa.