Ester 7:6 - Ti Biblia (1973)

⁶ Ket ni Ester kinunana, Maysa a casupadi ken maysa a cabusor, daytoy met laeng nadangcoc nga Aman. Idin ni Aman nagbuteng iti sangoanan ti ari ken ti reina.

Ti Baro a Naimbag a Damag Biblia

⁶ “Maysa a kabusormi! Maysa a mangidadanes kadakami. Awan sabali no di ni Haman a managdakdakes,” insungbat ni Ester. Kasta unay ti danag ni Haman a simmango iti ari ken reyna.

Ester 7:6 Iomraidhean Croise

Nehemias 6:16

Ket naaramid, idi a nangngeg dayta dagiti amin a cabusormi, nga amin dagiti nacion nga addada idi iti sibaymi, nagbutengda, ket napalidayda unay cadagiti matada met laeng; ta naawatanda a daytoy nga aramid naaramid idi a gapu iti Dios.

Ester 3:10

Ket sinucto ti ari di singsingna idi ramayna, ket intedna ken Aman nga anac a lalaki ni Amadata nga Agageo, a cabusor dagiti Judios.

Ester 7:5

Idin nagsao ni ari Asuero ket kinunana ken reina Ester, Asino daydiay, ken sadino ti yanna daydiay, a nagtured a mangpennec iti pusona tapno agaramid iti casta?

Ester 8:1

Iti daydi nga aldaw ni ari Asuero intedna ken reina Ester ti balay ni Aman a cabusor dagiti Judios. Ket ni Mardokeo immay iti sangoanan ti ari; ta ni Ester imbagana no asino idi kencuana.

Dagiti Salmo 27:2

Idi a dagiti managdacdakes dinarupdac tapno lamutenda ti lasagco, uray la nga dagiti casupadi ken cabusorco, naitibcol ket natuangda.

Dagiti Proverbio 16:14

Ti rungsot ti maysa nga ari cas cadagiti babaonen ni patay; ngem ti masirib a tao pagtalnaennanto.

Eclesiastes 5:8

No makitam ti pannacaparigat ti napanglaw, ken ti maipapilit a pannacaiccat ti kinajusticia ken kinalinteg iti maysa a provincia, dica masdaaw iti maaramid; ta maysa a nangatngato ngem iti ngato ti mangicancano; ket adda dagiti nangatngato ngem dagidiay.

Isaias 21:4

Ti pusoc agtibbayo, ti buteng kinigtotnac; ti apagsipnget a kinalicagumac napagbalin a macapigerger caniac.

1 Taga-Corinto 5:13

Ngem dagiti taga ruar ocomen ida ti Dios. Iccatenyo ngarud daydiay tao a dakes iti tengngayo.

2 Taga-Tesalonica 2:8

Ket iti casta maiparangarangton ti nadangkes isu a papatayento ni Apo Jesus babaen ti espiritu ti ngiwatna, ket pucawennanto babaen ti rangrang ti yaayna;

1 Samuel 24:13

Cas cuna ti proverbio dagiti lallacay, Aggapu iti nadangkes rumuar ti kinadangkes; ngem ti imac dinto rumabaw kenca.