Ester 7:3 - Ti Biblia (1973)

³ Idin ni Ester a reina simmungbat ket kinunana, No nacasaracac iti parabur iti imatangmo, O ari, ken no macaay-ayo iti ari, ipalubosmo a mamacaay-ayo iti ari, ipalubosmo a maited caniac ti biagco itoy dawatco, ken ti ilic iti kiddawco:

Ti Baro a Naimbag a Damag Biblia

³ Insungbat ni Reyna Ester, “Natan-ok nga Ari, no adda met la pateg ti nanumo a dawatko, dawatek a maispal ti biagko ken dagiti padak a Judio.

Ester 7:3 Iomraidhean Croise

1 Ar-ari 20:31

Ket dagiti ad-adipenna kinunada kencuana, Adtoy ita, nangngeganmi a dagiti ar-ari ti balay ti Israel isuda manangngaasida nga ar-ari: Agdawatcami kenca, ipalubosmo a mangicabilcami ti nakersang a lupot cadagiti lomomi, ken taltali cadagiti olomi, ket incami iti ari ti Israel: bareng no isu ispalennanto ti biagmo.

2 Ar-ari 1:13

Ket imbaonna manen ti capitan ti maicatlo a limapulo agraman limapulona. Ket ti maicatlo a capitan ti limapulo simmang-at, ket immay ket nagparintumeng iti sango ni Elias, ket nagdawat kencuana, ket kinunana, O lalaki ti Dios, agdawatac kenca, ipaaymo coma a ti biagco, ken ti biag dagitoy limapulo nga ad-adipenmo, maipategda coma ita saclangmo.

Ester 4:8

Intedna met kencuana ti catucad ti surat a pangngeddeng a naiwarnac idiay Susan a pangdadael cadacuada, tapno isu ti iparangna ken Ester, ken isu ti ipalawagna kencuana, ken cumitanna ni Ester tapno sumrec iti ari, tapno agpacaasi kencuana, ken agkiddaw iti sangoananna, a gapu iti ilina.

Ester 5:8

No nacasaracac iti parabur iti imatang ti ari, ken no macaay-ayo iti ari ti panangtedna iti dawatco, ken ti panangtungpalna iti kiddawco, umay coma ti ari ken ni Aman iti daya a sinaganac a maipaay cadacuada, ket aramidecto no bigat ti cas kinuna ti ari.

Ester 7:7

Ket iti panagpungtot ti ari tinacderanna di daya nga arac ken napan idiay minuyongan ti palacio: ket ni Aman timmacder nga agdawat a maipaay iti biagna ken Ester a reina; ta nakitana a kinedngan ti ari ti dakes a maibusor kencuana.

Ester 8:5

Ket kinunana, No macaay-ayo iti ari, ken no macasaracac iti parabur iti imatangna ket no ti banag agparang a nalinteg iti saclang ti ari, ken no macaayayoac cadagiti matana, masuratan coma ti mangpucaw cadagiti sursurat nga ingandat ni Aman, nga anac a lalaki ni Amadata nga Agageo, a sinuratanna a pangdadael cadagiti Judios nga adda cadagiti amin a provincia ti ari;

Ti Libro ni Job 2:4

Ket ni Satanas simmungbat ken Jehova, ket kinunana, Cudil ken cudil, wen, amin a cupicupan ti tao itdennanto gapu iti biagna.

Jeremias 38:26

Iti casta cunamto cadacuada, Insaclangco ti dawatco iti ari nga isu saannac coma a pasublien iti balay ni Jonatan tapno matay sadiay.