Ester 7:1 - Ti Biblia (1973)

¹ Iti casta ti ari ken ni Aman napanda a nakidaya ken Ester a reina.

Ti Baro a Naimbag a Damag Biblia

^1-2 Iti kasta, iti maikadua a gundaway, napan da Ari Xerxes ken Haman iti pannangan nga insagana ni Ester. Bayat ti panaginumda iti arak, sinaludsod ti ari ken ni Ester, “Ita, Reyna Ester, ania ti kayatmo? Ibagam kaniak ket itedko, uray no kagudua ti pagariak.”

Ester 7:1 Iomraidhean Croise

Ester 3:15

Dagiti correo rimmuarda a napardas gapu iti bilin ti ari, ket ti pangngeddeng naited idiay Susan a palacio. Ket ti ari ken ni Aman nagtugawda nga aginum; ngem ti ili a Susan agpangpangngadua.

Ester 5:8

No nacasaracac iti parabur iti imatang ti ari, ken no macaay-ayo iti ari ti panangtedna iti dawatco, ken ti panangtungpalna iti kiddawco, umay coma ti ari ken ni Aman iti daya a sinaganac a maipaay cadacuada, ket aramidecto no bigat ti cas kinuna ti ari.

Ester 6:14

Bayat ti caaddada pay laeng a makisasao kencuana, dimteng dagiti agaywan iti siled ti ari, ket nagdarasda a mangipan ken Aman iti daya a sinagana ni Ester.

Ester 7:2

Ket ti ari kinunana manen ken Ester iti maicadua nga aldaw ti daya nga arac, Ania ti dawatmo, reina Ester? ket maitedto kenca: ket ania ti kiddawmo? uray iti caguddua ti pagarian maannogutto.