Ester 5:2 - Ti Biblia (1973)

² Ket idi a casta, idi a ti ari nakitana ni reina Ester nga agtatacder iti paraangan, a ni Ester nacagun-od iti parabur iti imatangna; ket ti ari inyunnatna ken Ester di cetro a balitoc nga adda idi iti imana. Iti casta immadani ni Ester, ket sinagidna ti toctoc ti cetro.

Ti Baro a Naimbag a Damag Biblia

² Idi makitana ni Reyna Ester nga agtaktakder iti ruar, naragsakan ket impaturongna kenkuana ti balitok a setro. Immasideg ni Ester sana sinagid ti murdong ti setro.

Ester 5:2 Iomraidhean Croise

Genesis 32:28

Ket isu kinunana, Saanto a matawagen ti naganmo a Jacob, no di ket Israel; gapu ta nakisuutca iti Dios ken kadagiti tattao, ket nangabacca.

Nehemias 1:11

O Apo, gumawawaac kenca, ta lapayagmo umimdeng cadi iti cararag ti adipenmo, ken iti cararag dagiti ad-adipenmo, nga agayat nga agbuteng iti naganmo; ket dawatec kenca, parang-ayem ti adipenmo itoy nga aldaw, ket itdem kencuana ti caasi iti imatang daytoy a lalaki. (Siac idi ti agiggem iti copa ti ari).

Ester 2:9

Ket ti balasang nacaayayo kencuana, ket di balasang nacagun-od iti kinaimbag kencuana; ket intedna a nasingdat idi balasang dagiti banbanag a maipaay iti panaggugor, agraman cadagiti apagna, ken pito a babbalasang a maitutop a maited kencuana a naggapuda iti balay ti ari: ket isu ti inyallatiwna ken dagiti babbalasangna iti casayaatan a disso ti balay dagiti babbai.

Ester 4:11

Amin dagiti ad-adipen ti ari, ken ti tattao dagiti provincia ti ari, ammoda, nga uray siasinoman, a lalaki wenno babai, a sumrecto agingga iti ari, idiay naununeg a paraangan, a di maayaban, adda maysa a linteg a maipaay kencuana, tapno mapapatay, malacsid dagiti pangyunnatanto ti ari iti cetro a balitoc, agbiagda: ngem diac naayaban a sumrec agingga iti ari cadagitoy tallopulo nga aldaw.

Ester 8:4

Idin inyunnat ti ari ken Ester di cetro a balitoc. Iti casta timmacder ni Ester, ket nagtacder iti sango ti ari.

Dagiti Salmo 116:1

Ayatec ni Jehova, agsipud ta denggenna ti timecco ken dawdawatco.

Dagiti Proverbio 21:1

Ti puso ti ari adda iti ima ni Jehova cas cadagiti pagayusan ti danum; iturongna iti sadinoman a pagayatanna.

Dagiti Aramid 10:4

Ket isu minatmatanna ket sibubuteng a nagcuna: Ania, Apo? Ket kinunana kencuana: Dagiti cararagmo ken dagiti limosmo nagpangatoda a nangipalagip iti sangoanan ti Dios.

Dagiti Aramid 7:10

Ket inalawna cadagiti isu-amin a tuocna, ket iniccanna ti saguday ken sirib iti sangoanan ni Faraon, ari sadi Egipto; isu a nangisaad kencuana a Gobernador ti Egipto ken ti isu-amin a balayna.