Ester 5:1 - Ti Biblia (1973)

¹ Naaramid iti maicatlo nga aldaw, a ni Ester nagkawes ti naarian a pagan-anay, ket nagtacder idiay naununeg a paraangan ti balay ti ari, iti sangoanan ti balay ti ari: ket nagtugaw ti ari iti tronona a naarian idiay balay a naarian, iti sangoanan ti pagsercan ti balay.

Ti Baro a Naimbag a Damag Biblia

¹ Iti maikatlo nga aldaw a panagayunar ni Ester, inkawesna ti pagan-anayna a reyna. Napan iti akin-uneg a paraangan ti palasio a sumango iti kuarto nga ayan ti trono. Agtugtugaw idi ti ari iti tronona a sumangsango iti ruangan.

Ester 5:1 Iomraidhean Croise

Ester 1:11

Tapno iyegda ni reina Vasti a sibabalangat iti naarian a balangat iti sangoanan ti ari, tapno iparangna cadagiti tattao ken pangpangoloen ti kinaimnasna; ta isu naimnas idi ti buyana.

Ester 2:5

Adda idi maysa a Judio idiay Susan a palacio, a ti naganna Mardokeo, nga anac a lalaki ni Jair, nga anac a lalaki ni Simi, nga anac a lalaki ni Kis, a maysa a Benjamita.

Ester 4:11

Amin dagiti ad-adipen ti ari, ken ti tattao dagiti provincia ti ari, ammoda, nga uray siasinoman, a lalaki wenno babai, a sumrecto agingga iti ari, idiay naununeg a paraangan, a di maayaban, adda maysa a linteg a maipaay kencuana, tapno mapapatay, malacsid dagiti pangyunnatanto ti ari iti cetro a balitoc, agbiagda: ngem diac naayaban a sumrec agingga iti ari cadagitoy tallopulo nga aldaw.

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Ester 4:17

Iti casta ni Mardokeo napan iti dalanna, ket inaramidna ti mayannurot iti amin nga imbilin kencuana ni Ester.

Ester 6:4

Ket ti ari kinunana, Asino ti adda iti paraangan? Ket ni Aman dimtengen iti makinruar a paraangan ti balay ti ari, a mangibaga iti ari a maibitay ni Mardokeo idiay pagbitayan a sinaganana a maipaay kencuana.

Ester 8:15

Ket rimmuar ni Mardokeo a naggapu iti saclang ti ari agraman naarian a pagan-anay nga azul ken puraw, ken agraman maysa a dackel a balangat a balitoc, ken agraman maysa a lambon a nalapat a lienzo ken purpura: ket nagdir-i ken nagragsac ti ili a Susan.

San Mateo 10:16

Adtoy, siac ibaoncayo a cas la carnero iti tengnga dagiti lobo: naannadcayo ngarud a cas la cadagiti uleg ken nasingpetcayo a cas la cadagiti calapati.

San Mateo 11:8

Ngem ania ti rinuaranyo a kinita? Maysa a tao a nacawesan ti nalibnos a pagan-anay? Adtoy, dagiti agcawcawes cadagiti nalibnos a pagan-anay addada cadagiti balbalay dagiti ar-ari.

San Mateo 27:64

Ibilinmo ngarud a mabantayan coma ti tanem, agingga iti maicatlo nga aldaw; di la ket ta dagiti adalanna umayda ket tacawenda, ket cunaenda cadagiti tattao: Nagungar cadagiti natay: ket ti pannacaal-lilaw a maudi dacdakesto ngem iti immuna.

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

Paltiing 3:21

Daydiay agbal-ligi, ipaayconto kencuana, a makicatugaw caniac iti tronoc a casmet caniac a nagballigiac ket nakicatugawac ken Amac idiay tronona.