Ester 4:6 - Ti Biblia (1973)

⁶ Iti casta rimmuar ni Atac ken Mardokeo agingga iti nalawa a disso ti ili, nga adda idi iti sangoanan ti ruangan ti ari.

Ti Baro a Naimbag a Damag Biblia

⁶ Napan ni Hatak iti ayan ni Mardokeo iti plasa iti sangoanan ti ruangan ti palasio.

Ester 4:6 Iomraidhean Croise

Ester 4:3

Ket iti tunggal provincia iti sadinoman a dimtengan ti bilin ti ari ken ti pangngeddengna, adda idi dackel a panagleddaang iti nagtengngaan dagiti Judios, ken panagayunar, ken panagsangit, ken dung-aw; ket adu ti nagidda iti lupot a nakersang ken dapdapo.

Ester 4:5

Idin pinaayaban ni Ester ni Atac, a maysa cadagiti agaywan iti siled ti ari, a natudingan nga agservi kencuana, ket isu ti kinumitanna a mapan ken Mardokeo, tapno ammoenna no ania daytoy idi ken ti gapuna.

Ester 4:7

Ket ni Mardokeo imbagana kencuana ti amin a napasamac kencuana ken ti apagisu a dagup ti pirac nga ni Aman incari a pagbayad cadagiti paggamengan ti ari a gapu cadagiti Judios, a pangdadaelna cadacuada.

Ester 7:2

Ket ti ari kinunana manen ken Ester iti maicadua nga aldaw ti daya nga arac, Ania ti dawatmo, reina Ester? ket maitedto kenca: ket ania ti kiddawmo? uray iti caguddua ti pagarian maannogutto.

Ester 9:12

Ket kinuna ti ari ken reina Ester, Dagiti Judios pinatay ken dinadaelda ti lima gasut a lallaki iti Susan a palacio, ken dagiti annac a lallaki ni Aman; ania ngarud ti inaramidda iti matda cadagiti provincia ti ari! Ania ita ti dawatmo? ket maitedto kenca: wenno ania pay ti kiddawmo? ket maaramidto.