Ester 4:3 - Ti Biblia (1973)

³ Ket iti tunggal provincia iti sadinoman a dimtengan ti bilin ti ari ken ti pangngeddengna, adda idi dackel a panagleddaang iti nagtengngaan dagiti Judios, ken panagayunar, ken panagsangit, ken dung-aw; ket adu ti nagidda iti lupot a nakersang ken dapdapo.

Ti Baro a Naimbag a Damag Biblia

³ Iti amin a probinsia a nakaipakaammoan ti bilin ti ari, napigsa ti panagdung-aw dagiti Judio. Nagayunar, nagsangit ken nagdung-awda. Adu ti nagkawes iti nakersang a lupot ken nangikabil iti dapu iti uloda.

Ester 4:3 Iomraidhean Croise

Ester 1:1

Naaramid cadagiti al-aldaw ni Asuero (daytoy isu ti Asero a nagari manipud India agingga met laeng iti Etiopia, cadagiti sangagasut duapulo ket pito a provincia),

Ester 3:12

Idin naayaban dagiti escribas ti ari idi umuna a bulan, idi maicasangapulo ket tallo nga aldawna; ket naisurat idi cas mayalubog iti amin a ni Aman imbilinna cadagiti satrapas ken gobernador ti ari a pangoloen idi ti tunggal provincia, ken cadagiti pangpangoloen ti tunggal ili, iti tunggal provincia a mayalubog iti panagsuratna, ken iti tunggal umili a mayannurot iti pagsasaoda; iti nagan ni ari Asuero nasuratan, ket nadeppelan iti singsing ti ari.

Ester 4:16

Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.

Ester 4:2

Ket immay met laeng iti sangoanan ti ruangan it ari: ta awan ti macabalin a sumrec iti uneg ti ruangan ti ari a nagcawes iti lupot a nakersang.

Ester 4:4

Ket dagiti babbalasang ni Ester ken dagiti agaywan iti siledna immayda, ket isu ti imbagada kencuana; ket ti reina napaladingit iti napalalo: ket nagpaipan iti pagananay a pangcawas ken Mardokeo, ken maiccat iti lupot a nakersang kencuana; ngem ni Mardokeo dina inawat.

Ester 9:31

Tapno pangpasingked cadagiti al-aldaw ti Purim cadagiti natudingan a tiempoda, a mayalubog iti imbilin cadacuada da Mardokeo a Judio ken reina Ester, ken cas panangeddengda a maipaay cadacuada met laeng ken ti caputotanda, iti panggep dagiti panagayunar ken panagasugda.

Ti Libro ni Job 2:8

Ket nangala iti maysa a ribac tapno ti pangcudcudna iti bagina: ket nagtugaw cadagiti dapdapo.

Isaias 22:12

Ket iti daydiay nga aldaw ti Apo, a ni Jehova dagiti buybuyot, nangayab iti panagsangit, ken iti panagdung-aw, ken ti panagcalvo ken ti panagbarikes iti lupot a nakersang:

Isaias 22:4

Gapuna a kinunac, Ibawingyo ti ikikitayo caniac, agsangitacto iti napait unay; dicayo agbannug a mangliwliwa caniac a gapu iti pannacarbec ti anac a babai ti ilic.

Isaias 58:5

Casta aya ti panagayunar a pinilic? ti aldaw aya maipaay iti tao a pangpaladingitna iti cararuana? Irucnoyna ti olona a cas iti maysa a lidda, ken yucradna ti lupot a nakersang ken dapdapu iti babana? naganemto daytoy iti panagayunar, ken maysa nga aldaw a maawat ken ni Jehova?

Ezekiel 27:30

Ket ipangngegdanto ti timecda kenca, ket agriawdanto a sipapait, ket agipurruacdanto iti tapuc iti rabaw dagiti ol-oloda; isuda aglubnacdanto cadagiti dapdapu;

Daniel 9:3

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Jonas 3:6

Ket dimteng daytoy a damag iti ari ti Ninive, ket isu timmacder iti tronona, ket iniccatna ti lambon, ket nagcagay iti lupot a nakersang, ket nagtugaw iti dapu.

San Mateo 13:42

Ket isungroddanto ida ti horno ti apuy: idiay addanto dagiti sangsangit ken ngarngaretnget dagiti ngipen.

San Mateo 22:13

Idin ti ari kinunana cadagiti babaonenna: Isu pungoenyo dagiti sacsaca ken dagiti imimana, ket iduronyo iti sipnget iti ruar; idiay addanto panagsangit ken panagngaretnget dagiti ngipen.

San Mateo 25:30

Ket ti adipen nga awan capapayanna, ibel-lengyo iti sipnget ti ruar: idiay addanto ti panagsangit ken panagngaretnget dagiti ngipen.

Josue 7:6

Ket ni Josue pinigisna dagiti pagan-anayna, ket nagpacleb iti daga iti sangoanan ti lacasa ni Jehova inggana iti malem, isu ken dagiti lallacay ti Israel; ket tinapocanda dagiti ol-oloda.

1 Samuel 11:4

Idin immay dagiti babaonen iti Gabaa ni Saul, ket insaoda dagitoy a sasao cadagiti laplapayag ti umili; ket amin nga umili inngatona ti timecna, ket nagsangitda.