Ester 3:8 - Ti Biblia (1973)

⁸ Ket kinuna ni Aman ken ari Asuero, Adda maysa nga ili a naiwara ken naiwaras iti tengnga dagiti il-ili cadagiti amin a provincia ti panapagariam; ket dagiti linlintegda maisupadi cadagidiay iti tunggal umili; uray dagiti linlinteg ti ari dida salimetmetan: gapuna a saan a maipaay a paggungunaan ti ari ti panagibtur cadacuada.

Ti Baro a Naimbag a Damag Biblia

⁸ Kinuna ni Haman iti ari, “Adda naidumduma a tattao nga agnaed ken nawaraswaras iti amin a probinsia ti pagariam. Maigiddiat ti ugalida kadagiti dadduma a tattao, ket dida agtungpal kadagiti linteg ti pagarian. Natan-ok nga Ari, saanmo a pagimbagan no bay-am a kastoy ti aramidda.

Ester 3:8 Iomraidhean Croise

ESDRAS 4:6

Ket idi panagari ni Assuero, idi pangrugian ti panagarina, nagsuratda ti maysa a darum a maibusor cadagiti agnaed iti Juda ken Jerusalem.

Nehemias 1:8

Gumawawaac kenca, lagipem, ti sao nga imbilinmo ken adipenmo a Moises, a kinunam, No aglabsingcayo, iwarascayto iti nagtengngaan dagiti tattao:

Ester 3:9

No isu ti macaay-ayo iti ari, maisurat coma tapno madadaelda: ket agbayadacto iti sangapulo ribu a talento a pirac cadagiti, im-ima dagiti mangaluad ti aramid ti ari, tapno isu ti ipisocda cadagiti paggamengan ti ari.

Ester 4:1

Idi naammoan ni Mardokeo amin a naaramid, ni Mardokeo rinay-abna dagiti pagan-anayna, ket nagcawes iti lupot a nakersang a sidadapo, ken napan iti tengnga ti ili, ket imkis iti maysa a natbag ken napait nga ickis;

Jeremias 33:24

Dica inutob aya ti saoen daytoy nga umili, a kinunana, Dagiti dua a familia a pinili ni Jehova, imbellengna ida? castoy ti pananguyawda iti ilic, tapno saandanton coma a nacion iti sangoda.

Jeremias 50:17

Ti Israel maysa a carnero a maanupan; isu pinagtalaw dagiti leon; umuna ti ari ti Asiria ti nangalun-un kencuana; ket iti camaudiananna ni Nabucodonosor nga ari ti Babilonia tinuccolna dagiti tultulangna.

Ezekiel 11:16

Gapuna cunaem, Castoy ti cuna ni Apo Jehova: Idinto nga inyadayuc ida nga impan iti tengnga dagiti nasnacion, ken idinto nga inwarisco ida cadagiti dagdaga, siacto pay laeng cadacuada ti maysa a santuario bayat iti bassit a pannawen cadagiti dagdaga a pacadanonanda.

Ezekiel 6:8

Nupay casta mangitiddaacto ti mabati, ta addanto dadduma cadacayo a macatalaw iti campilan, cadagiti nasnacion, intono maiwarascayo cadagiti dagdaga.

Daniel 3:8

Gapu itoy iti daydi met la a pannawen dadduma cadagiti Caldeos immasidegda ket indarumda dagiti Judios.

Daniel 6:13

Iti casta simmungbatda ket kinunada iti saclang ti ari, Dayta a Daniel a nagtaud cadagiti annac ti pannacacayaw ti Juda, dinaca icancano, O ari, uray iti bilin a finirmaam, no di ket aramidenna ti panagdawatna iti mamitlo iti tunggal aldaw.

Daniel 6:14

Ti ari ngarud idi a nangngegna dagitoy a sasao, napalucsaw unay, ket impamaysana ti pusona ken Daniel tapno isu ispalennanto; ket nagtrabajo agingga iti ilelennec ti init iti panangispalna kencuana.

Levitico 26:33

Ket iwaraswarascayto cadagiti sabsabali a nacion, ket asutecto ti campilan iti licudanyo: ket iti dagayo awanto ti matagtagitao, ket dagiti iliyo walangwalangdanto.

Zacarias 7:14

Ngem iwaracto ida babaen ti alawig iti tengnga dagiti amin a nasnacion nga isuda dida naammoan. Iti casta ti daga langalang idi iti licudanda, ngarud awan ti tao a limmasat wenno nagsubli: agsipud ta ti nacaay-ayo a daga pinagbalinda a langalang.

Numero 23:9

Ta manipud iti tapaw dagiti batbato isu makitac, Ket manipud cadagiti turturod isu maimatangac; Adtoy, isu maysa nga ili nga agnaed nga agwaywayas, Ket cadagiti nasnacion dinto maibilang.

San Juan 7:35

Dagiti Judio ngarud kinuncunada nga isuda; Adinonto ti papanan daytoy a ditayto masaracan? Mapanto ngata cadagiti naiwara cadagiti Griego ken mangisuro cadagiti Griego?

Dagiti Aramid 24:5

Ta nasaracanmi daytoy a tao a cas la bayangobong ket agbangon cadagiti iyaalza cadagiti amin a Judio ti lubong, ket isu panguloen ti secta dagiti taga Nazaret:

Dagiti Aramid 28:22

Ngem cayatmi a denggen kenca ti capanunutam: ta no maipapan iti daytoy a secta naammoanmi a masupsuppiat cadagiti isu-amin a disso.

Deuteronomio 30:3

Ni Jehova a Diosmo ngarud ibabawinanto ti pannacacayawmo, ket addanto caasina kenca, ket agsublinto ket ummongennacanto manipud iti amin nga il-ili a ni Jehova a Diosmo nangiwarasanna kenca.

Deuteronomio 32:26

Kinunac, inwarac coma ida iti adayu, pinagsardengco coma ti lagip cadacuada iti nagtengngaan dagiti tattao;

Deuteronomio 4:27

Ket ni Jehova iwarwarasnacayto iti baet dagiti il-ili, ket agbalincayto a bassit ti bilangna iti baet dagiti nasnacion, a pangipananto cadacayo ni Jehova.

Santiago 1:1

Ni Santiago, nga adipen ti Dios ken ni Apo Jesu-Cristo, cumablaaw cadagiti sangapulo ket dua a tribu a naiwarawara.

1 Pedro 1:1

Ni Pedro maysa nga apostol ni Jesu-Cristo, isuratna cadagiti napili a gangannaet iti Pannacaiwarwara idiay Ponto, Galacia, Capadocia, Asia ken Bitinia,