Ester 2:14 - Ti Biblia (1973)

¹⁴ Iti rumabii napan ti balasang ket iti bumigat nagsubli iti maicadua a balay dagiti babbai, iti aywan ni Saasgaz, nga agaywan iti siled ti ari, a mangaluad cadagiti camcamalala: ti balasang saanen simrec iti ari, malacsid no ti ari agrag-o kencuana, ket naayaban ti balasang a mainaganan.

Ti Baro a Naimbag a Damag Biblia

¹⁴ Mapan iti palasio iti rabii ket iti sumuno a bigat, maipan iti sabali a kuarto tapno maipaaywan ken ni Saasgaz a para aywan kadagiti assawa ti ari. Saanen nga agsubli iti palasio malaksid no kayat ti ari ket paayabanna iti mismo a naganna.

Ester 2:14 Iomraidhean Croise

Genesis 34:19

Ket saan nga imbaybayag ti baro ti nagaramid iti daydi, ta nagayayatanna ti anac a babai ni Jacob: ket isu idi ti cadayawan unay iti balay ni amana.

Ester 2:13

Iti castoy a wagas ngarud immay ti balasang iti ari: Aniaman a kinalicagumanna naited kencuana tapno maipacuyog kencuana manipud iti balay dagiti babbai agingga iti balay ti ari.

Ester 2:15

Idi a ti batang ni Ester, nga anac a babai ni Abihail nga uliteg ni Mardokeo isu a nangala kencuana a cas anacna a babai, dimteng a sumrec iti ari, isu saan a nagkidaw no di laeng ti tinudingan ni Hagai nga agaywan iti siled ti ari, a mangaluad cadagiti babbai: Kit ni Ester nacagun-od iti parabur iti imatangda amin a kimmita kencuana.

Ester 4:11

Amin dagiti ad-adipen ti ari, ken ti tattao dagiti provincia ti ari, ammoda, nga uray siasinoman, a lalaki wenno babai, a sumrecto agingga iti ari, idiay naununeg a paraangan, a di maayaban, adda maysa a linteg a maipaay kencuana, tapno mapapatay, malacsid dagiti pangyunnatanto ti ari iti cetro a balitoc, agbiagda: ngem diac naayaban a sumrec agingga iti ari cadagitoy tallopulo nga aldaw.

Isaias 43:1

Ngem ita castoy ti cuna ni Jehova a namarsua kenca, O Jacob, ken isu a nangbukel kenca, O Israel; Dica agbuteng, ta siac sinubbotca; siac inayabanca nga innaganan, sica ti cucuac.

Isaias 45:4

Gapu ken ni Jacob nga adipenco, ken ti Israel a pinilic, inayabanca nga innaganan: siac ginaladanca, nupay no dinac amammo idi.

Deuteronomio 21:14

Ket maaramidto, a no awan ti pacaay-ayoam kencuana, palubosamto ngarud a mapan iti cayatna; ngem dicanto ilaclaco a pabayadan iti pirac nga uray ania a panggep, dicanto aramiden a cas maysa a bag-en, gapu ta pinaldaangmo.