Ester 10:3 - Ti Biblia (1973)

³ Ta ni Mardokeo a Judio isu idi ti sumaganad ken ari Asuero, ken dackel iti nagtengngaan dagiti Judio, ket inanamongan dagiti umariwecwec a cacabsatna, nga agsapul iti pagimbagan ti ilina ken agsao iti talna iti amin a caputotanna.

Ti Baro a Naimbag a Damag Biblia

³ Ni laeng Mardokeo a Judio ti sumaruno iti saad ni Ari Xerxes. Raemen ken ipatpateg unay dagiti padana a Judio. Intrabahona ti pagimbagan dagiti kailianna ken ti kinatalged dagiti amin a kaputotanna.

Ester 10:3 Iomraidhean Croise

Genesis 41:40

Sicanto ti agturay iti balayco, ket maitutop iti saom, maiturayan dagiti amin a tattaoc: iti la trono ti pagngatngatoacto ngem sica.

Genesis 45:10

Ket agnaedcanto iti daga a Gosen, ket agtaengcanto iti asideg caniac, siac, ken dagiti annacmo, ken dagiti annac dagiti annacmo, ken dagiti an-animalmo a babassit ken dadackel, ken amin nga adda kenca:

Genesis 45:11

Ket siac taraonancanto sadiay; ta matda pay laeng dagiti lima a tawen a panagbisin; di la ket ta pumanglawca, sica, ken ti sangacabbalayam, ken amin nga adda kenca.

2 Cronicas 28:7

Ket ni Zicri, maysa a mannacabalin a lalaki ti Efraim, pinatayna ni Maasias nga anac a lalaki ti ari, ken ni Azricam nga agturay iti balay, ken ni Elcana a sumaganad iti ari.

Nehemias 2:10

Ket idi a da Sanballat nga Horonita, ken Tobias nga adipen, nga Ammonita, nangngeganda pinarigatda ida iti casta unay, ta immay ti maysa a tao tapno agsapul iti pagimbagan dagiti annac ti Israel.

Ester 2:5

Adda idi maysa a Judio idiay Susan a palacio, a ti naganna Mardokeo, nga anac a lalaki ni Jair, nga anac a lalaki ni Simi, nga anac a lalaki ni Kis, a maysa a Benjamita.

Ester 3:2

Ket amin dagiti ad-adipen ti ari, a nagyan idi iti ruangan ti ari, nagrucnoyda, ket nagraemda ken Aman: ta ti ari imbilinna ti casta a maipapan kencuana. Ngem saan a nagrucnoy ni Mardokeo, wenno nagraem kencuana.

Daniel 5:16

Ngem nadamagco ti maipapan kenca, a mabalinmo nga ited dagiti catarusan, ken lawlawagam dagiti duadua: ita no mabalinmo a basaen ti surat, ket maipacaammom caniac ti catarusanna, macawesancanto iti purpura, ket mayuccorto ti maysa a tanicala iti tengngedmo, ket iti pagarian sicanto ti maicatlo nga agturay.

Daniel 5:29

Iti casta nagbilin ni Balsasar, ket kinawesanda ni Daniel iti purpura, ket inyuccorda iti tengngedna ti tanicala, ket imbunannagda ti maipapan kencuana, nga isu coma ti maicatlo nga agturay iti pagarian.

Daniel 6:3

Idin daytoy a Daniel naisangayan iti ngatoen dagiti presidente ken pangpanguloen, agsipud ta adda kencuana ti mangnibinibi nga espiritu; ket ti ari pinanunotna nga isaad iti ngatoen iti amin iti pagarian.

Taga-Roma 10:1

Cacabsat, ti tarigagay ti pusoc ken ti dawatco iti Dios, maipaay cadacuada, tapno maisalacanda coma.

Taga-Roma 14:18

Ta ti agservi a cas itoy ken Cristo, macaay-ayo iti Dios, ken anamungan dagiti tattao.

1 Samuel 18:16

Ngem amin nga Israel ken Juda inayatda ni David; ta isu rimmuar ken simrec ti unada.

1 Samuel 23:17

Ket isu kinunana kencuana, Dica agbuteng; ta ti ima ni Saul nga amac dinacanto masaracan; ket sicanto ti agari iti Israel, ket siacto ti caasitgan kenca, ket ni Saul nga amac ammona met dayta.