Ester 1:11 - Ti Biblia (1973)

¹¹ Tapno iyegda ni reina Vasti a sibabalangat iti naarian a balangat iti sangoanan ti ari, tapno iparangna cadagiti tattao ken pangpangoloen ti kinaimnasna; ta isu naimnas idi ti buyana.

Ti Baro a Naimbag a Damag Biblia

¹¹ Imbilinna kadakuada nga idatagda ni Reyna Vasti a sikokorona. Napintas ti reyna ket kayat ti ari nga ipasindayag ti kinapintas ti asawana kadagiti ofisiales ken amin a sangailina.

Ester 1:11 Iomraidhean Croise

2 Samuel 14:25

Ngem iti isu-amin nga Israel awan idi ti madaydayaw unay a cas ken Absalom a gapu iti kinataerna: manipud iti dapan ti sacana agingga iti cuppocuppona awan ti pamilawan kencuana.

Ester 1:12

Ngem ni reina Vasti nagmadi a nagtulnog iti bilin ti ari iti pannacaaramat dagiti agaywan iti siled: gapuna a ti ari nacaunget unay, ket ti pungtotna simged kencuana.

Ester 2:17

Ket ti ari inayatna ni Ester a nangnangrona ngem cadagiti amin a babbai, ket di babbai nacagun-od iti parabur ken imbag iti imatangna a nangnangrona ngem cadagiti amin a virgen; iti casta nga insaadna kencuana ti naarian a balangat iti rabaw ti olona, ket inaramidna a reina iti saad ni Vasti.

Ester 6:8

Mayeg coma ti naarian a pagan-anay nga aramaten ti ari a pagcawes ken ti cabayo a pagsacayan ti ari, ket iti olo daydiay maysa a naarian a balangat ti maisaad:

Dagiti Proverbio 16:9

Ti puso ti tao dardarepdepenna ti dalanna, ngem ni Jehova ti mangiturong cadagiti addangna.

Dagiti Proverbio 31:30

Ti imnas mangallilaw, ket ti kinasaya-at ubbaw; ngem ti babai nga agbuteng ken ni Jehova maidaydayawto.

1 Samuel 25:3

Ket ti nagan ti lalaki Nabal; ket ti nagan ti asawana Abigail; ket ti babai nasaririt unay, ken napintas ti langana: ngem di lalaki nasabrac ken managdacdakes cadagiti aramidna; ket capuonan ti balay ni Caleb.