Ester 1:10 - Ti Biblia (1973)

¹⁰ Iti maicapito nga aldaw, idi a ti puso ti ari nagragsac iti arac, binilinna da Mehuman, Bizta, Harbona, Bigta, Abagta, Zetar, ken Carcas, dagiti pito nga agaywan iti siled a nagaanong iti saclang ni ari Asuero.

Ti Baro a Naimbag a Damag Biblia

¹⁰ Iti maikapito nga aldaw ti padaya, agin-inum ti ari ket naragsak unay. Iti kasta, pinaayabanna dagiti pito nga eunoko nga agserserbi kenkuana, da Mehuman, Bizta, Harbona, Bigta, Abagta, Zetar ken Carcas.

Ester 1:10 Iomraidhean Croise

Genesis 43:34

Ket isu nangala ket nangibaon iti canenda nga aggapu iti saclangna: ngem ti biang ni Benjamin incacaaduna iti maminlima ngem ti bagi ti uray siasino cadacuada. Ket imminumda, ket nakipagragsacda kencuana.

2 Samuel 13:28

Ket ni Absalom binilinna dagiti tagabuna, a kinunana, Siputanyo ita, inton ti puso ni Amnon addan a siraragsac iti arac; ken intono cunaec cadacayo, Cabilenyo ni Amnon, isu patayenyon; dicayo agbuteng; ta saan a siac aya ti agbilin cadacayo? Umingelcayo ket tumuredcayo.

Ester 1:9

Casta met ni reina Vasti nangaramid iti maysa a rambac a maipaay cadagiti babbai idiay naarian a balay a cucua ni ari Asuero.

Ester 3:15

Dagiti correo rimmuarda a napardas gapu iti bilin ti ari, ket ti pangngeddeng naited idiay Susan a palacio. Ket ti ari ken ni Aman nagtugawda nga aginum; ngem ti ili a Susan agpangpangngadua.

Ester 7:9

Idin ni Harbona, a maysa cadagiti agayaywan iti siled kinunana iti sango ti ari, Adtoy met, a naipatacder idiay balay ni Aman ti pagbitayan a limapulo a casico ti catayagna, a ni Aman inaramidna a maipaay ken Mardokeo, isu a nagsao iti naimbag a maipaay iti ari. Ket ti ari kinunana, Isu ibitayyo idiay.

Dagiti Proverbio 20:1

Ti arac managrabrabac, ti naingel nga inumen managringringgor; ket siasinoman a mailaw-an kencuana saan a masirib.

Dagiti Proverbio 31:4

Saan a maipaay cadagiti ar-ari, O Lemuel, saan a maipaay cadagiti ar-ari ti panaginum iti arac; saan met a maipaay cadagiti piprincipe ti panagcuna, Sadino ti ayan ti naingel nga inumen?

Eclesiastes 10:19

Maysa a rambac maaramid a maipaay iti catawa, ket ti arac paragsakenna ti biag; ket ti cuarta sungbatanna dagiti amin a banbanag.

Uk-ukom 16:25

Ket naaramid, nga idinto a dagiti puspusoda addada idi a siraragsac, a kinunada, Ayabanyo ni Samson, tapno agaramid cadatayo iti ay-ayam. Ket inayabanda ni Samson iti pagbaludan; ket nagaramid iti ay-ayam iti saclangda. Ket insaadda iti nagbabaetan dagiti ad-adigi.

Uk-ukom 19:6

Iti casta isuda nagtugawda, ket nanganda ken imminumda, isuda a dua: ket ti ama ti babai kinunana iti lalaki: Siac agdawatac kenca, a maay-ayoca coma iti panagtactacmo iti agpatnag, ket bay-am ta pusom nga agragsac.

Ruth 3:7

Ket idi a ni Booz nacacaan ken nacainum, ket ti pusona adda idi a siraragsac, napan nagidda iti maysa a pungto ti penpen ti bukel: ket isu immay a siiinayad unay, ket linucasanna dagiti sacsacana, ket nagidda.