ESDRAS 1:3 - Ti Biblia (1973)

³ Uray siasinoman nga adda cadacayo amin nga ilina, ti Diosna adda coma kencuana, ket sumang-at coma idiay Jerusalem, nga adda sadi Juda, ket bangonenna ti balay ni Jehova, ti Dios ti Israel (isu Dios), nga adda idiay Jerusalem.

Ti Baro a Naimbag a Damag Biblia

³ Sapay koma ta adda ti Dios kadakayo amin a tattaona. Inkayo idiay Jerusalem, ket bangonenyo manen ti Templo ti Apo a Dios ti Israel, ti Dios a pagdaydayawan idiay Jerusalem.

ESDRAS 1:3 Iomraidhean Croise

1 Ar-ari 18:39

Ket idi a ti amin nga umili nakitada, isuda nagpaclebda: ket kinunada, Ni Jehova isu ti Dios; ni Jehova isu ti Dios.

1 Ar-ari 8:23

Ket kinunana, O Jehova, a Dios ti Israel, awan ti Dios a cas kenca, uray iti langit iti ngato, uray iti daga iti baba; a salimetmetanna ti tulag ken ti naayat a kinaimbag cadagiti ad-adipenmo, a magna iti sangom iti amin a pusoda;

1 Cronicas 28:20

Ket ni David kinunana ken Salomon nga anacna, Pumigsaca ket tumuredca, ket isu ti aramidem: dica agbuteng, dica maupay ta ni Jehova a Dios, a Diosco met laeng, adda kenca; isu dinto agcurang kenca, dinacanto idian agingga iti di malpas amin nga aramid a maipaay iti panagannong ti balay ni Jehova.

ESDRAS 1:4

Ken uray siasinoman a mabati, iti uray ania a dissoa paggangannaetanna, dagiti lallaki ti dissona isu ti tulonganda coma iti pirac, ken iti balitoc, ken cadagiti cucua, ken cadagiti animal, sabali laeng ti daton ti sibubulos a nakem a maipaay iti balay ti Dios nga adda idiay Jerusalem.

ESDRAS 4:3

Ngem da Zorobabel, ken Jesua, ken dagiti matda cadagiti pangpangoloen dagiti balbalay dagiti amma ti Israel, kinunada cadacuada, Awan ti bibiangyo cadacami iti panangbangonmi iti maysa a balay nga agpaay iti Diosmi; no di ket dacami met laeng bangonenmi nga agpaay ken Jehova, a Dios ti Israel, a cas ni ari Ciro nga ari ti Persia imbilinna cadacami.

ESDRAS 5:13

Ngem iti umuna a tawen ni Ciro nga ari ti Babilonia, ni ari Ciro nangaramid iti maysa a bilin tapno mabangon daytoy a balay ti Dios.

ESDRAS 5:3

Iti daydi met la a tiempo immay cadacuada da Tatnai, a gobernador ti ballasiw ti carayan, ken Setar-boznai, ken dagiti caduada, ket castoy ti kinunada cadacuada, Asino ti nangted cadacayo iti maysa a bilin a mangbangon itoy a balay, ken mangleppas itoy a bacud?

ESDRAS 6:7

Bay-anyo a sitatalna ti pannacaaramid ti balay ti Dios; palubosanyo a ti gobernador dagiti Judios ken dagiti lallacay dagiti Judios bangonenda daytoy a balay ti Dios iti dissona.

Dagiti Salmo 132:13

Ta ni Jehova pinilina ti Sion; kinalicagumanna a pagyananna.

Dagiti Salmo 83:18

Bareng maammoanda coma a sicsica laeng, nga agnagan Jehova, ti Cangatoan a ringbawam iti amin a daga.

Isaias 37:16

O Jehova dagiti buybuyot, Dios ti Israel, nga agtugaw iti ngatoen dagiti querubin, sica ti Dios, sicsica la a maymaysa, cadagiti isu-amin a pagarian iti lubong; sica inaramidmo ti langit ken daga.

Isaias 44:28

Nga agcuna maipapan ken Ciro, Pagpastorec, ken aramidennanto amin a pagayatac, maipapan met laeng iti Jerusalem, Isu mapatacderto; ken iti templo, Ti pamuonmo maisaadto.

Isaias 45:5

Siac ni Jehova, ket awanen ti sabali; awan ti Dios no di la sisiac. Siac baricsancanto, nupay no dinac amammo idi;

Jeremias 10:10

Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

Daniel 2:47

Ti ari simmungbat ken Daniel, ket kinunana, Pudno unay a ti Diosyo isu ti Dios dagiti didios ken Apo dagiti ar-ari ken manangipalgac cadagiti palimed, idinto a nabalinmo nga impalgac daytoy a palimed.

Daniel 6:26

Mangaramidac iti bilin nga iti amin a pagturayan toy pagariac, a dagiti tattao agpigerger ken agbutengda coma iti sango ti Dios ni Daniel; ta isu ti Dios a sibibiag, ken saan a magaraw iti agnanayon, ken ti pagarianna isu a saanto a maduprac, ket iti panagturayna inggana iti panungpalan.

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

Dagiti Aramid 10:36

Ti sao nga inturongna cadagiti annac ti Israel, ti panangicascasaba ti evangelio ti talna a maipoon ken Jesu-Cristo, (isu ti Apo dagiti isu-amin.)

Deuteronomio 32:31

Ta ti batoda saan a cas ti Batotayo, uray dagiti cabcabusor met laeng ti mangipato.

Josue 1:9

Saanco aya nga imbilin kenca? Bumilegca, ket umingelca: saanca nga agbuteng ket dica met agcullayaw: ta ni Jehova a Diosmo adda kenca iti sadinoman a papanam.