Eclesiastes 2:3 - Ti Biblia (1973)

³ Siac sinukimatco itoy pusoc no casano ti panangparagsac ti arac iti lasagco, ti puso pay laeng a mangidalan caniac a sisisirib, ken no casano ti panangpetpetco iti kinamaag, agingga, iti makitac coma idi no ania ti naimbag a maipaay cadagiti annac dagiti tattao tapno aramidenda coma iti baba ti langit iti amin nga al-aldaw ti biagda.

Ti Baro a Naimbag a Damag Biblia

³ Gapu iti tarigagayko a sumirib, napanunotko ti agragsak babaen iti arak ket aglinglingayak. Impagarupko a daytoy ti kasayaatan nga aramiden dagiti tattao bayat ti ababa a panagbiagda ditoy daga.

Eclesiastes 2:3 Iomraidhean Croise

Genesis 47:9

Ket ni Jacob kinunana ken Faraon, Dagiti al-aldaw dagiti tawtawen a panagpagpagnac sangagasut ket tallopuloda a tawen: bassit ken saan a nasayaat dagiti al-aldaw dagiti tawtawen ti panagbiagco, ket saanda a nacadanon cadagiti al-aldaw dagiti tawtawen ti panagbiag dagiti dadackelco cadagiti al-aldaw a panagbarbariw-asda.

Ti Libro ni Job 14:14

No matay ti tao, agbiagto aya manen? Amin nga aldaw ti pannakigubatco, agurayac coma, agingga a ti pannacawayawayac dumteng,

Dagiti Salmo 104:15

Ken ti arac a mamaragsac iti puso ti tao, ken lana a mamagsilnag iti rupana, ken tinapay a mamakired iti puso ti tao.

Dagiti Proverbio 20:1

Ti arac managrabrabac, ti naingel nga inumen managringringgor; ket siasinoman a mailaw-an kencuana saan a masirib.

Eclesiastes 1:17

Ket impapusoc nga inammo ti sirib, ken inammo ti kinamauyong ken kinamaag: naawatac a daytoy met maysa a panagagawa iti angin.

Eclesiastes 10:19

Maysa a rambac maaramid a maipaay iti catawa, ket ti arac paragsakenna ti biag; ket ti cuarta sungbatanna dagiti amin a banbanag.

Eclesiastes 12:13

Daytoy isu ti pagbanagan ti panggep: amin nangngegan: Agbutengca iti Dios, ket salimetmetam dagiti bilbilinna; ta daytoy isu ti dagup ti rebbeng ti tao.

Eclesiastes 2:24

Awan sabali a naimimbag nga agpaay iti tao ngem iti macanna coma ken mainumna, ken iti panangparag-ona iti cararuana iti kinaimbag ti nagbannoganna. Daytoy met nakitac, a naggapu iti ima ti Dios.

Eclesiastes 5:18

Adtoy, ti nakitac a naimbag ken nasayaat isu ti pannangan ken panaginum, ken panagrag-o iti kinaimbag ti nagbannoganna, a nagbannoganna iti baba ti init, cadagiti amin nga al-aldaw ti biagna nga inted kencuana ti Dios: ta daytoy isu ti apagna.

Eclesiastes 6:12

Ta asino ti macaammo no ania ti naimbag a maipaay iti tao iti biagna, amin dagiti al-aldaw ti ubbaw a biagna isuda nga ibusenna a cas aniniwan? ta asino ti macaibaga iti maysa a tao no anianto iti calpasanna iti baba ti init?

Eclesiastes 7:18

Naimbag a petpetam coma daytoy; wen, casta met nga iti daytoy dica ilisi ta imam: ta ti agbuteng iti Dios macalisi cadacuada amin.

Eclesiastes 7:25

Nagbawingac, ket ti pusoc naisaad a mangammo ken mangsukimat, ken mangsapul iti sirib ken ti gapu dagiti banbanag, ken mangammo a ti kinadangcoc isu ti kinamaag, ken ti kinamaag isu ti kinamauyong.

Eclesiastes 8:15

Idin dinayawco ti kinaragsac, agsipud ta ti maysa a tao awanan naim-imbag a banag iti baba ti init, ngem iti pannangan ken yiinum, ken panagragona; ta dayta makipagyanto kencuana iti nagbannoganna cadagiti amin nga al-aldaw ti biagna nga inted ti Dios kencuana iti baba ti init.

San Mateo 6:24

Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti Dios ken iti kinabacnang.

Taga-Efeso 5:18

Ket dicay agbartec iti arac, isu a pagbuslonan ti kinadakes, no di ket mapnocay coma iti Espiritu;

Uk-ukom 9:13

Ket ti uvas kinunana cadacuada, Bay-ac coma aya ti baro nga arac, a liwliwa ti Dios ken dagiti tattao, ket innac agam-ampayag iti rabaw dagiti caycayo?

1 Samuel 25:36

Ket ni Abigail immay ken Nabal; ket, adtoy, isu addaan idi iti rambac iti balayna, a cas la rambac ti maysa nga ari; ket ti puso ni Nabal naragsac unay iti unegna, ta nabartec unayen: gapuna a ni Abigail awan a pulos ti imbagana kencuana, bassit man wenno adu agingga iti aglawag ti bigat.