Dungdung-aw 5:3 - Ti Biblia (1973)

³ Ulilacami ket awan ti ammami; dagiti innami casda la balbalo.

Ti Baro a Naimbag a Damag Biblia

³ Pinapatay ti kabusor dagiti ammami, ket nabalon dagiti innami.

Dungdung-aw 5:3 Iomraidhean Croise

Exodo 22:23

No sica parparigatem la ida, ket umasugda caniac, dinto bumurong nga ipangagconto ti unnoyda;

Exodo 22:24

Ket ti pungtotco bumaranto, ket patayencayto iti campilan; ket dagiti asawayo a babai mabalodanto, ket dagiti annacyo mauliladanto iti ama.

Jeremias 15:8

Dagiti baloda a babbai pinaaduc a nasursuroc ngem iti darat ti baybay; inyegco cadacuada a maibusor iti ina dagiti babbaro ti maysa a mangdadael iti matoon: pinaitinnagco kencuana a pettat ti tuoc ken butbuteng.

Jeremias 18:21

Ngarud iyawatmo dagiti annacda iti bisin, ket itedmo ida iti bileg ti campilan; ket agbalin coma dagiti assawada a babbai nga awanan annac, ken babbalo; ket dagiti lallakida mapapatayda coma iti patay, ket dagiti agtutuboda a lallaki macabilda iti campilan iti dangadang.

Oseas 14:3

Ti Asiria saannacaminto a maispal; dicamto sumacay cadagiti cabayo; ket dicamto met agsaon iti inaramid dagiti im-imami, Dacayo dagiti didiosmi; ta kenca ti ulila macasarac iti caasi.