Dungdung-aw 5:13 - Ti Biblia (1973)

¹³ Dagiti agtutubo a lallaki baclayenda ti gilingan; ket dagiti ububbing maitibcolda iti baba ti pagsungrod.

Ti Baro a Naimbag a Damag Biblia

¹³ Mapilit nga aggiling a kas tagabu dagiti agtutubo, makusbo dagiti ubbing a lallaki iti dagsen ti awitda a kayo.

Dungdung-aw 5:13 Iomraidhean Croise

Ti Libro ni Job 31:10

No casta aggiling coma ni asawac nga agpaay iti sabali, ket isu asawaen coma dagiti sabali.

Exodo 1:11

Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 11:5

Ket matayto amin dagiti annac nga inauna iti daga nga Egipto, manipud iti inauna nga anac ni Faraon a tumugaw iti tronona agingga iti inauna nga anac ti adipen a babai nga adda iti licud ti paggilingan; ken amin nga inauna nga annac dagiti an-animal.

Exodo 2:11

Ket naaramid cadagidiay nga al-aldaw, a idi ni Moises numakem, napan cadagiti cacabsatna, ket nakitana dagiti rigrigatda: ket nakitana ti maysa nga Egipcio a kimmabil iti maysa nga Hebreo a maysa cadagiti cacabsatna.

Exodo 23:5

No makitam a naitublac a siaawit iti asno ti gumurgura kenca dicanto panpanaoan sicanto ti caduana a di bumurong a mangluc-atto kencuana.

Isaias 47:2

Alaem dagiti bato a paggilingan, ket aggilingca iti bellaay; iccatem ta dulongdongmo, ucsobem ti pasinggayadmo, lislisam ta gurongmo, payacyacam dagiti carcarayan.

Isaias 58:6

Saan a daytoy aya ti panagayunar a pinilic: tapno pangketta cadagiti galut ti kinadangkes, tapno pangwarwar cadagiti patapat ti sangol, ket tapno pagwayawayaen ti mailuplupit, ken tapno bungtolenyo coma ti tunggal sangol?

Jeremias 7:18

Dagiti annac agurnongda iti pagsungrod, ket dagiti amma gangatanda ti apuy, ket dagiti babbai masaenda ti gamay, tapno aramidenda dagiti bibingca a maipaay iti reina ti langit, ken mangibuyatda cadagiti datdaton a mainum cadagiti sabali a diosen, tapno gargariendac nga agpungtot.

San Mateo 23:4

Ta mangreppetda cadagiti awit a nadagsen ken narigat nga awiten, ket ipabaclayda cadagiti tao; ngem isuda dida cayat a garawen cadagiti ramayda.

Uk-ukom 16:21

Ngem dagiti Filisteos isu tiniliwda, ket sinuatda dagiti matana; ket isu insalogda idiay Gaza, ket isu pinarautanda cadagiti cawcawar a suer; ket isu naggilgiling idiay pagbaludan.