Dungdung-aw 5:1 - Ti Biblia (1973)

¹ Lagipem, O Jehova, no ania ti dimteng cadacami: adtoy, ket kitaem ti pacaumsianmi.

Ti Baro a Naimbag a Damag Biblia

¹ Lagipem, O Apo, ti napasamak kadakami; talliawennakami ket kitaem ti pannakaibabainmi.

Dungdung-aw 5:1 Iomraidhean Croise

Nehemias 1:3

Ket kinunada caniac, Ti nabati a natda iti pannacacayaw idiay provincia addada iti dackel a pannacaparigat ken pannacaumsi: ti bacud ti Jerusalem met narba, ket dagiti ruanganna nauramda iti apuy.

Nehemias 1:8

Gumawawaac kenca, lagipem, ti sao nga imbilinmo ken adipenmo a Moises, a kinunam, No aglabsingcayo, iwarascayto iti nagtengngaan dagiti tattao:

Nehemias 4:4

Timudem, O Diosmi, ta mau-yuyawcami: ket ibaw-ingmo ti panangumsida iti rabaw ti oloda met laeng, ket itdem ida a maysa a samsam idiay daga ti pannacacayaw;

Ti Libro ni Job 10:9

Gumawawaac kenca, lagipem a tinabasnac a cas damili; ket iyegnacto manen aya iti tapoc?

Ti Libro ni Job 7:7

O lagipem a ti biagco maysa nga anges: ti matac dinto makakitan iti naimbag.

Dagiti Salmo 119:153

Imutectecam toy leddaangco, ket ispalennac; yantangay diac lipatan ti lintegmo.

Dagiti Salmo 74:18

Lagipem daytoy, a ti cabusor nangumumsin, O Jehova, ken ti maysa a simamauyong nga umili nagtabbaawanda ta naganmo.

Dagiti Salmo 79:12

Ket isublim cadagiti carrubami ti maminpito idiay barucongda ti panagumsi, isu a pinangumumsida kenca, O Apo.

Dagiti Salmo 79:4

Nagbalincami a maumumsi cadagiti carcarrubami, ababien ken catcatawaan dagiti aglawlaw cadacami.

Isaias 62:6

Siac nangisaadac cadagiti agwanawan iti rabaw dagiti bacbacudmo, O Jerusalem; isuda didanto agtalna uray caano iti aldaw uray iti rabii: dacayo a mangipalpalagip ken ni Jehova, dicayo aginana,

Jeremias 15:15

O Jehova, sica ammom; lagipennac, ket sarungcarannac, ket ibalesannac cadagiti mangidadanes caniac; dinac ipanaw iti mabayag a panagituredmo; ammon a gapu kenca nagsagabaac iti pannacaibabain.

Jeremias 51:51

Mariribuccami, ta mangngegmin ti pannacaumsi; ti pannacariribuc abbonganna dagiti rupami: ta dagiti gangannaet simrecda cadagiti santuario ti balay ni Jehova.

Dungdung-aw 1:11

Amin dagiti tattaona agsainnecda, agsapulda iti tinapay; intedda dagiti macaay-ayo a cucuada nga insucat iti taraon a mangpakired iti cararua: kitaem, O Jehova, ket adtoy; ta siac nagbalinac a nacacaasi.

Dungdung-aw 1:20

Kitaem, O Jehova; ta siac addaac a naldaang; ti pusoc mariribuc; ti pusoc mabalictad iti unegco; ta nacalcaldaang ti panangsalungasingco: iti ruar ti campilan mangpaulila, ditoy taengco adda ni patay.

Dungdung-aw 1:9

Ti kinarugitna adda idi cadagiti cainna; isu saanna a nalagip ti maududi a casasaadna; iti casta immulog a nacascasdaaw, awan ti mangliwliwa kencuana: kitaem, O Jehova, ti tuocco; ta ti cabusor pinadackelna ti bagina met laeng.

Dungdung-aw 2:15

Amin dagiti lumabas pagsipatenda dagiti imimada kenca; agsanamticda ken iwingiwingda dagiti ol-oloda iti anac a babai ti Jerusalem, a cunada, isu daytoy aya ti ili a ninagan dagiti tattao, Ti awan pagcuranganna a pintas, Ti ragsac ti sangalubongan?

Dungdung-aw 2:20

Kitaem, O Jehova, ket adtoy, asino ti nangaramidam iti castoy! Dagiti babbai sidaendanto aya ti bungada, dagiti ububbing a maipallayog cadagiti imima? Ti padi ken ti mammadto mapapataydanto aya iti santuario ti Apo?

Dungdung-aw 3:19

Lagipem ti leddaangco ken ti panagsagabac, ti ajenjo ken ti apro.

Dungdung-aw 3:50

Agingga iti itatannawag ni Jehova, ket umimatang manipud langit.

Dungdung-aw 3:61

Nangngegmo ti panangbabainda, O Jehova, ken amin dagiti gandatda a maibusor caniac,

Habakuk 3:2

O Jehova, nangngegco ti damag a maipapan kenca, ket agbutengac: O Jehova, parayrayem ti aramidmo iti ngalay dagiti tawtawen; Iti ngalay dagiti tawtawen isu ipacaammom; Iti pungtot lagipem ti caasi.

San Lucas 23:42

Ket kinunana: Jesus, laglagipennac inton umayca iti pagariam.